පද පේලි .....

[m3pium]

හිරුගෙ ලොවේ දී..

 

[Malinga]

පියුම් නීල විල උපන්නියේ
අහංකාර ඔබෙ යොවුන් වියේ
නෙතු කැලුම් වැදී මගෙ හිත දුකින් රිදේ
සිඳගංනා මෘදු වදන් මලින්
මට පවන් සලන් කුමරී
වසන්ත කතාව කියන්න කෝමල සිනා පොදින්

ඔබගේ වරලේ කුසුමේ සුදු රේණු පවා
සුවඳ දෙවා පාවේ රෑ සීනේ
මා හා රෑ පානේ

පියුම් නීල විල ...............

ඔබගේ දෙපයේ වෙලෙනා හඬ නූපුරයේ
ජීවනයේ රන්වන් පෙම් අරණේ
ආදර ගී වරුණේ

පියුම් නීල විල ...............


ගායනය :- ටී. එම්. ජයරත්න

 

[prageeth119lk]

කදුලු අහංකාරයි

කදුළු අහංකාරයි..
තනි උනාම නෙතු පාරයි
ඔබ ගියාම මට පාළුයි
හිනැහෙන්නේ කදුළු ඒකයි ..

මගෙ හිත හරි අහිසකයි
ඔබ ගැන රන් සිහින මවයි
හුදකලාව ඉන්න බයයි
ඒ හිත හඩවන හින්දයි //

කදුළු අහංකාරයි..

මට මගෙ හිත අයිති නැති
ඒ හිත ඔබ සතුව ඇති
ඔබ ලංවෙන විටදි බැඳී
සමුදෙන්නට සිතට බැරි

අසංග ප්‍රියමන්ත

 

[Dark princess]

හිරිමල් ව‍යසේ සෙනෙහේ බැඳී එදා
මතකේ නොමි‍යේ ඔබ මා සිතින් සදා
ආදර‍යේ රස මි‍යුරු වේදනා

රහසේ හඬනා අප හැඟුම්
ලොව නෑ දන්නේ අප පැතුම්
ලා සඳ පා‍යනා රැ‍යේ
දිලිසේ තරුසේ
තනිවී තැවෙනා පෙම් සුසුම්

 

[Malinga]

සුජාත දියනිය හද බැඳි සොයුරිය ඔබමයි
දයාව හද රැඳි සිනහව මුව පිරී සඳයි
මුලු ලොව පිළිගත් ජන හද ජයගත් ලඳත් ඔබයි
පුංචි අපට කියාදුන්න පාඩම කදිමයි
චංගුමී චංගුමී චංගුමී චංගුමී

වෛරය ක්‍රෝධය අත්හල යුතු බව
ඉවසීමෙන් සැනසීම ලැබෙන බව
උත්සහවන්තය ලොවම දිනන බව
සත්‍යය සැමවිට ම ජයගන්නා බව
ලොවට කියා දුන්නා ඔබ අපට කියා දුන්නා
චංගුමී චංගුමී චංගුමී චංගුමී

සුජාත දියනිය ..................

දිරියෙන් බාධක බිඳලනු හැකි බව
දුක් වින්දොත් සැප ලඟ ලඟ එන බව
මිනිසත්කම් ලෙස සුරකිය යුතු බව
සෙනෙහෙන් සැමට ම සැලකිය යුතු බව
ලොවට කියා දුන්නා ඔබ අපට කියා දුන්නා
චංගුමී චංගුමී චංගුමී චංගුමී

සුජාත දියනිය ..................


ගායනය :- චාරුක නිලූෂ

 

[Malinga]

රඟපාන තරු ඇස් නුරා
සංසාර දුක බෝකළා
යලි ගන්න බෑ ඔබව තුරුළට සදා
ඔබ ඉන්න ‍ඔහුගේ වෙලා

මේ පපුතුරේ සතපවා
රැකගත්තෙ පණ සේ ඔයා
ඔබහට මදීදෝ මා දුන්නු සෙනෙහේ
ඔහු වෙතට ළංවුනේ හොරා
වාවන්න බෑ මේ තරම් වේදනා

රඟපාන තරු ඇස් .............

මා පාලුවේ තනිවෙලා
මේ විඳවනා වේදනා
මට හිමිවුණාදෙන් පිදු සෙනෙහෙ වෙනුවෙන්
විඳවන්න භවයක් පුරා
ළංවෙන්නෙ නෑ ආයෙ හිතකට සදා

රඟපාන තරු ඇස් .............


ගායනය :- රිෂාන් ප්‍රනාන්දු

 

[Malinga]

අදහන්න බැහැ මට ම මගෙ ආදරේ
ළඟ ඉන්න පැතුවාට ඔබෙ ආදරේ
රෑ රහසේ හඬලා ඇස රතුවෙලා
ඔබ ගැනම සිතලා සිත පෑරුනා

අපි අපෙම කියල ඔබ කිවු කතා
මතකයි ද සොඳුරී ඒ කී කතා
ළංවෙන්න කියලා වෙන්වී ගියා
අපි අපෙනෙ කියලා හැරදා ගියා

නුඹ ගැනම හිතලා මම පෙම් කළා
ළංවෙන්න බැරි හන්ද සංසාරයේ
ඔබ මාව රිදවා වෙන්වී ගියත්
ඔබ තවම මගෙමයි මාගේ ලොවේ

අදහන්න බැහැ මට ...............


ගායනය :- අතුල ශ්‍රී ගමගේ

 

[Malinga]

තරු කතා කරයි සඳ වගේ කියා මම
එන්නලු මට නිල් අහසට
සඳ පවා අසනවලු කවුද කියා මම
පුදුම වෙලා සඳ වගේ නිසා මම
තරු එහෙම කියයි සඳ බලා හිඳියි
මම සිනාසුනා විතරයි විතරමයි

රෑ පායන තරු මා හා දෙඩුවට
සඳු හැංඟීලා මා දෙස බැලුවට
දවස පුරා එක මොහොතක් නෑරම
සඳුටත් බෑ තරුවලටත් බෑ මං ළඟ ඉන්නට
ඔබට වගේ මං ළඟ දැවටෙන්නට

රැය පහන්වෙලා තරු නොපෙනුනාම
අහස දුරයි මට හිරු පායනකොට
භවය පුරා සිතුවිල්ලක් පුරාම
කාටත් බෑ කාටවත් ම බෑ මං ළඟ ඉන්නට
ඔබට වගේ මට එළිය ගෙනෙන්නට

තරු කතා කරයි ..................


ගායනය :- ශෂිකා නිසංසලා ජයසුමන

 

[amila_90210]

ඔබ රූසිරියෙන් මන්මත් වී මම නොකෙලෙම් අනුවණකම්
මුලා උනේ ඔබ මුලා නොවෙමි මම මනමේ කුමාරියේ

 

[amila_90210]

කඩුළු තහංචි කරලා
වරිග සභාව තියලා
මට ගෙයින් දොරට බහින්න තහනම්
මගෙ ඇස් දෙකටත් අඩන්න තහනම්..

 

[Malinga]

මම සිල් බිඳ ගත්තෙ මුල් සිඳගත්තෙ කුසුමක් නිසා
හිත ගැස්සෙන තාලෙ අහුවුනා වාගෙ සුසුමක් නිසා

තහනම් ප්‍රේමෙන් දුක් වින්ඳෙ මානම්
බහදුන් නාමෙන් තනිවෙන්නෙ මානම්
පෑහෙනා මට පෙමක් නැතිකමින්
වෑහුනා උණු කඳුළැල් නෙතගින්

මම සිල් බිඳ ගත්තෙ මුල් සිඳගත්තෙ කුසුමක් නිසා
හිත ගැස්සෙන තාලෙ අහුවුනා වාගෙ සුසුමක් නිසා

කහඉර පැනගත්ත බට්ටිත්තෙකුට මා පෙම් කළා
කළ කම් පළදුන්නෙ ඒ තටුමත්තෙ මං සැතපුනා

ආලේ තාලේ තේරුනේ මට ඒ වෙලේ
දෙතොලඟින් උණුසුමින්
හිතපතුලේ මට ‍පැලවෙන්නනම්
ඔය වාගේ චපලකම් තව එපා

මම සිල් බිඳ ගත්තෙ මුල් සිඳගත්තෙ කුසුමක් නිසා
හිත ගැස්සෙන තාලෙ අහුවුනා වාගෙ සුසුමක් නිසා


ගායනය :- රංජන් සාලිය හා සමිතා එරන්දතී මුදුන්කොටුව

 

[Rex921]

සොඳුරු දසුන් ඇස තවරා ඇස සනසා ගනිල්ලා
මි‍යුරු බොජුන් දිව රඳවා දිව පිනවා ගනිල්ලා
උදේ හවා දෝත නගා එතෙරට වැඳ පුදල්ලා
කන්ට දෙතොත් බොන්ට දෙතොත් රට උගසට දි‍යල්ලා

වාසි පිලට හුරේ දමා පිලෙන් පිලට ‍යමල්ලා
බීපු ලිඳේ දි‍ය බොරකර මුහුදට ආවඩල්ලා
දනින් වැටී නලල ඔබා නිලතල අරගනිල්ලා
කල දුටු කල වල ඉහගෙන මඩි තරකර ගනිල්ලා

දෙස බස රැස සුරකින ගරු වි‍යතුනි මෙහි වරෙල්ලා
කව් සිලුමිණ අමාවතුර කසල ගොඩට දමල්ලා
සුකිරි බටිල්ලන් එක්කල බ‍යිලා පොලට ඇවිල්ලා
රවිකිඤ්ඤා තාල අනුව කපිරිඤ්ඤා ග‍යල්ලා

-නන්දා මාලනී-

(ශ්‍රී ලංකා ගුවන්විදුලි සංස්ථාව විසින් වාරණ‍ය කරන ලද ගී‍යකි.)

 

[DAMER]

Clarence Wijewardane.............

සිතේ සුසුම් නිවනා ගායනා..
ඔබේ සවන් සොයා සැණෙකින් පාවෙලා..
මැදියම් රැයේ රැඟුමන් රඟා..
මතක ලෝකේ වේදනා අමතක කලා..

 

[DAMER]

සොඳුරු දසුන් ඇස තවරා ඇස සනසා ගනිල්ලා
මි‍යුරු බොජුන් දිව රඳවා දිව පිනවා ගනිල්ලා
උදේ හවා දෝත නගා එතෙරට වැඳ පුදල්ලා
කන්ට දෙතොත් බොන්ට දෙතොත් රට උගසට දි‍යල්ලා

වාසි පිලට හුරේ දමා පිලෙන් පිලට ‍යමල්ලා
බීපු ලිඳේ දි‍ය බොරකර මුහුදට ආවඩල්ලා
දනින් වැටී නලල ඔබා නිලතල අරගනිල්ලා
කල දුටු කල වල ඉහගෙන මඩි තරකර ගනිල්ලා

දෙස බස රැස සුරකින ගරු වි‍යතුනි මෙහි වරෙල්ලා
කව් සිලුමිණ අමාවතුර කසල ගොඩට දමල්ලා
සුකිරි බටිල්ලන් එක්කල බ‍යිලා පොලට ඇවිල්ලා
රවිකිඤ්ඤා තාල අනුව කපිරිඤ්ඤා ග‍යල්ලා

-නන්දා මාලනී-

(ශ්‍රී ලංකා ගුවන්විදුලි සංස්ථාව විසින් වාරණ‍ය කරන ලද ගී‍යකි.)

 

[Dark princess]

සිනා සරදම් පිරුණු පන්ති කාමර අතර
ගෙවී ගි‍ය මල් සම‍ය සිහිනෙකී
සඳට ඉකිබිඳ හඬන නොදරුවන් නොවේ අපි
සිනාසෙමු අතීතෙට සෙනෙහසින්

සුදු පාට මල් පිපුණ අරලි‍යා හෙවණ ‍යට
බාලිකාවේ සුවඳ තනිවෙලා
අපි ඉතින් වෙන්ව ‍යමු අපි අතින් ගිලිහි ගි‍ය
සි‍යලු දේ අතීතෙට පවරලා

 

[Malinga]

රැයම ඇහැරන් සිතෙනා
නුඹ නිසා ඉනු කඳුළු
මතක නොමියෙන ආදරයේ
සුවඳ විතර ද ඉතුරූ

නුඹ නිසා සිත බිඳී
දිවි ගෙවන මුත් මැරුණූ
පෙම්වතා ගැන මතක බිඳුවක්
නැතිද පපුවේ රැඳුණූ

රැයම ඇහැරන් ............

මට සදා හිමිනැතී
නුඹය මගෙ පෙම පළමූ
වෛරයක් නැත අංශු කළඳක
සසර භවයේ කිසිඳූ

රැයම ඇහැරන් ............


ගායනය :- ලක්ෂමන් හිල්මි

 

[Dewrangi]

මේ භවයෙදි මුලු දියදායේ
එකතු නොවෙනු ඇත අප ආයේ
පවස නිවන දිය පොදක් නොවී ඔබ
ඇයි මහ සාගරයක් වුයේ

ඔබ ගැන ඉපැදෙන සිතුවිල්ලේ
අවසන මුල වේ ලතැවිල්ලේ
වෙරළෙහි ගල් පරයක් විය හැකි නම්
තෙමුනත් ඇත කරදිය වැල්ලේ

මේ භවයෙදි....

සුදු මුදු වැල්ලෙහි නතර වෙලා
රළ පස රළ ලුහු බදිනු බලා
සුසුම් වළලු උඩු ගුවනට යවනෙමි
පැතුම් සඳුන් හද ගලෙහි උලා...

මේ භවයෙදි....

ගායනය - නාරද දිසාසේකර

 

[amila_90210]

අඩවන් දෑසින් පවසනු රහසින්
ජීවිතයේ රස මේ යැයි විගසින්

 

[m3pium]

සයුරෙහි දිය කද මත හිද
අහසින් එන වැහි බිඳුවට
පෙරුම් පුරන්නම්..
දැල්වෙන ඉර හද යට හිද
පහනෙන් එන එළි තිතකට
ඇළුම් කරන්නම්
ඔබ තරුවක් සේ
ජීවිතයට පායා ඒ නම්...

 

[prageeth119lk]

මිනි මිනි පොද වැටේවි

මිනි මිනි පොද වැටේවි
මල් මිනි බැදි නිවේවි
ඔබ එනවා නම්...
දේදුනු පාළම උඩ හැන්දෑවේ
මම ඉන්නම්..//

ලා සඳ පළුව ඇවිත් නිල් දිය මුහුනින්
රන් තරු මාල බැඳන් රන්වන් අහසින්
අද හොඳම දවස අද හොඳම දවස
ඔබ එනවානම්

එඩ්වඩ් ජයකොඩි