පද පේලි .....

[Malinga]

මේ මා හඬවාලා හැරදා වෙන්වීලා
මට අදහන්න බෑ තාම මේ වේදනා
දුන්නේ කවුරුන් ද ඔයාම ද කියා
මේ මා හඬවාලා හැරදා වෙන්වීලා

සිහින මා හදේ හි ගොඩගැහිලා
මතක රැස්කළා මා කඳුළට වෙලා
පාලුව දැනෙයි මේ මතකේ කතාවේ
සෙනෙහේ නිමයි මේ කඳුළැල් උනන්නේ
ආදරෙයි මා දිවිතෙක් සදා
සෙනෙහෙ පැතුම් වියැකීලා

මේ මා හඬවාලා .................

අඳුර අතරේ මාවා දමලා
ඔබ ගියත් ඔහු වෙතට ඇදිලා
තාම සිහිවෙයි ඒ අතීතේ
මියෙන තුරු මා ආදරෙයි

මේ මා හඬවාලා .................


ගායනය :- ‍පේෂල

 

[Malinga]

හිතගාව නවතින්න හිනහෙන්න සැනසෙන්න
මගෙ හිත බලන් ඉන්නවා
හැන්දෑව ආවාම මහ සයුරෙ රළ ගාව
මගෙ නෙත බලන් ඉන්නවා
අනේ මං තාම ඔබේමයි නේද
ඔබේ ඔය දෑත මගේමයි නේද
මගේ හිතගාව එදා හැඩපෑව
ඔබේ ඔය දෑස මගේමයි නේද

මහසයුරෙ කිමිදෙන්න රළ එක්ක හැප්පෙන්න
මගෙ හිත මගෙන් ඉල්ලුවා
මහ සයුර බිලිගත්ත ඔබ එක්ක මට ඉන්න
මගෙ පණ මමත් පුදනවා

අනේ මං තාම ...............


ගායනය :- ශානිකා වනිගසේකර

 

[Malinga]

මගෙ මණිමේඛලා නුඹෙ සෙනෙහේ පතලා
හද ආරාමෙ පීරාන ආවා සොයා
නෙතු පාරා එදා විමසාලා ගියා
සඳ හීලෑවි ආකාසෙ පාවී වළා
මම මේ යාමෙ ඈගාව සිටියා බලා
නතුවී මාව ඈගේ වෙලා

සිනිසේලේ ගාවාලා මායාව පාවීලා
මනලෝල ලීලා මාගාව පාලා
මා ජීවිතේ ඈ නිසා
නෑ මා ආයෙ වී මං මුලා

මගෙ මණිමේඛලා ..........

සදා‍කාලේ හැංඟීලා සේයාව නැහැවීලා
හදකෝල වීලා ඈ ආව මා හා
මා ජීවිතේ ඈ නිසා
නෑ මා ආයෙ වී මං මුලා

මගෙ මණිමේඛලා ..........


ගායනය :- දමිත් අසංක

 

[Malinga]

තුන්තිස් පැයක් මුළු මහ රැයක්
තුන්තිස් පැයක් මුළු මහ රැයක්
ඉවසුමක් නෑ සිත සිතා
මගේ ආදරේ දන්නව ද ඔයා
අහන්න දෝ මා කියනව ද ඔයා
ආදරේ දෝ කියා

ආදරෙයි මං සමනලී ආදරෙයි මං සමනලී
ආදරෙයි මං සමනලී ආදරෙයි මං සමනලී

මගේ පෙම් හිතේ සක්මන් කළේ ඔයා
දිගැස්සී දඟකාරී හැඩකාරී යැයි කියා

ආදරෙයි මං සමනලී ආදරෙයි මං සමනලී
ආදරෙයි මං සමනලී ආදරෙයි මං සමනලී


ගායනය :- සමිතා එරන්දතී මුදුන්කොටුව හා ප්‍රියන්ත නාවලගේ

 

[gayanwin]

mage pale adura nasanna hithenawa manaliyak genenaaaaaaaaa

 

[Dark princess]

තුනු විලම මලින් සරසා
මල් විලම කලඹා
ඔබ එනවද ජීවිතේ අරන්
කි‍යාදෙන්න ආදරේ තරම්//

ඔබ මගේ වෙලා
මගෙ ලඟට වෙලා
නිවාඩු පාඩුවේ කි‍යන්න
ආදරේ කි‍යා//
සඳ මඬල වෙලා
තරු ලඟට වෙලා
කි‍යාදෙන්න ආදරේ කි‍යා//

 

[Malinga]

විනේ කටින වුන්
විනේ කටින වුන් තරහක් නොකියාම
කනේ කොහොඹ මිරිකනවා හැමදාම
ගුණේ රැකන් ඉන්නලු මළ හිමිගේම
වණේ නැතිව උන්
වණේ නැතිව උන් දුක දන්නේ කොහොම

ගමේ ගැටව් කරබාගෙන උන්නාට
විසේ නැග්ග නාකිත් පිළ උඩ රෑට
නෙලා ගනින් යැයි කප්රුක පිදුවාට
ඉනේ රෙද්දමයි හිටියේ හරහාට

විනේ කටින වුන් .............

ළැමේ කිරට මුර ගහනා පැටියන්ට
අනේ කවුද ඉන්නෙ වේලක් දෙන්ට
ලිපේ ගින්න තුන් වරුවේ අවුලන්ට
වරෙව් මහතුනේ කුණුකය වළඳන්ට

විනේ කටින වුන් .............


ගායනය :- ප්‍රදීපා ධර්මදාස

 

[Malinga]

ලඳුනේ ලඳුනේ
ඔබේ දෑස දැක ගත්තෙමි
සැඳෑ කලෙක ලඳුනේ ලඳුනේ
දෙනෝදහක් අතගත්තද
සැමියෙකු නැති ලඳුනේ
නෑයෙක් නෑකම නොකියන
වීදි සරන ලඳුනේ ලඳුනේ
තෙල් මල් ගෙන දෝත පුරා
මුණි කුටියට පියමංවන
‍ඔබේ දෑස දැක ගත්තෙමි
සැඳෑ කලෙක ලඳුනේ ලඳුනේ

බුදුන් දැක නිවන් දකිමැයි
දෙව්රම යන පාර අහන
ඔබද පටාචාරාවකි
ඔබද කිසාගෝතමියකි

පිරිමින්ගේ පාප කඳට
දෝස විඳින ලඳුනේ
අඳුරේ පව් කරන දනා
එළියෙ රවන ලඳුනේ
ළැම පමනක් ලොවට පෙනෙන
ළය නොපෙනෙන ලඳුනේ
කුහුඹුවකුට වරදක් නැති
වැරදිකාර ලඳුනේ


ගායනය - අමරසිරි පීරිස්

 

[Malinga]

සලෙල පහසින් කිලිටි වූ රෑ
යහන වැතිරුන දුක් සුසුම්
දයාවේ නෙතු ඉමෙන් වැලහී
අම්ඹපාලිය මිඳුණු මල පුඩුවේ
බැඳුණි දෝ රන් කිකිළියේ

සිනා පඬු ගෑ දෙතොල සිර කළ
ඉවුරු බිඳ හල කඳුළු මහ වැහි
ගොඳුරු ලොබ බැඳ සරන මුව වැඩි
මළපුඩු ව මත නිදිවරා දෝ
නෙත පුරා රත ගෑවුණේ
කිකිළියේ රන් කිකිළියේ

පිණි දියෙන් මුව දොවා මල් කැන්
නියත විවරණ ලබන උදයක
පරමලක් දෝ රෑ කුමාරී
මල් වැලින් බිම වැටී වැළපෙන
ජීවිතේ රොන් සුවඳ ඉහිරී
කිකිළියේ රන් කිකිළියේ


ගායනය :- ඉමාන් පෙරේ‍රා

 

[Malinga]

ඉනූ වරල මල් මිලිනව ගිලිහෙන
සලෙල යහන මැද කඳුළැලි අහුලන
හඬාවැටෙන ජීවිතයක ඉරණම
නොදකින ලොවකයි නුඹ ඉන්නේ

රෑ සමනලියක වී අසරණ වුණු
ගොදුරකි නුඹ සලෙලකු දඩයම් කළ
නොදැමුණු ඉඳුරන් නඟන විලාපය
නොඇසෙන ලොවකයි නුඹ ඉන්නේ

රූ සිරු වියැකී වත මුකුලිත වෙන
මලකි ළඳුනි නුඹ පෑගී පොඩි‍වන
අඳුර මිස හෙට එළියක් නොදකින
නොපහන් ලොවකයි නුඹ ඉන්නේ

ඉනූ වරල මල් .............


ගායනය :- මිලින්ද රූපසිංහ

 

[prageeth119lk]

ඔබට නොහැක මගේ සෙවනට එන්නට..

ඔබට නොහැක...මගේ සෙවනට.. එන්නට............
මටද නොහැක.. මල් විමන්.. තනන්නට....
නමුදු සොඳුරේ.. මේ සුවිසල්.. අහස යට.......
අපේ සුසුමන්.. හමුවේලා... මුමුණනු ඇත...

අතැඟිලි නොබැඳෙන. හිත බැඳි සෙනෙහස..........
සසර පුරා..ළඟ. ඉන්න ඇතී....
ඒ අත් භවයෙත් ..මේ වාගේම. අපි
හමුවී වෙන්වී ..යන්න ඇති....

හමුවී .වෙන්වෙමූ..සසර පුරැද්දට....
එකම සඳේ.. සඳ එළිය දකිනකොට....
ඉසුරැ මුණිය පෙම්... යුවල නොවේ.. අප....
හිනැහෙමු කඳුලැලි... සඟවා.හිත යට..

C:ඉශාන් ලන්ත්‍රා

 

[ranuboy]

Dura yanna sithuwata sangavi horen…
Oba nathuwa man inne kohomada ithin…
Wawanna bari kandulu awath nethin….
Husmak durin inna ba mata oben…

Meka niyama thread ekak.. keep it up..

 

[amandi3891]

දුක කියන්නට කෙනෙක් නැති දා
දුක ඇසූ නුඹ
අද මගේ
දුකට හිනැහෙන්නේ..

වියළි තතරට වැහි පොදක් ලෙස
කඩාගෙන වැටි නුඹේ සෙනෙහස
මහා මේඝයක් ලෙසින් හමා විත්
මට මාව නැති කලේ කොහොම ද..

හදවත ඇවිලුනු අතීත දුක් ගිණි
සුවපත් කළ පින නුඹට අයිති මුත්
ප්‍රේමය මියගිය නුඹ හද දෙවොලින්
හෙටක් පතන්නට හිතට වාරු නැත..

වික්ටර් රත්නායක​

 

[rcccc]

ඔබ හරි මාලිංග සයිඩ් බිස්නොස් කරනවා ත්‍රෙඩ් එකෙ
ඔය සිංදුව ගැන ජුජුබ්සා ජනක හැගිම් මතු වෙනවා

ow
ehma amuthu hagim athikaraganna epa

කවුද ඉතින් ඕව දන්නෙ. ස්තූති වේවා!

 

[DAMER]

Asanka Priyamantha........

නුපුරුදු ඔබ දුටු පළමු දිනේ~
සුපුරුදු ලෙස පෙනුනා..
කෙදිනක හෝ විඳ පුරුදු ඇතී~
සුසුම් සුවඳ දැනුනා..
දැනුනා මට සුසුම් සුවඳ දැනුනා..

 

[Dark princess]

මගෙන් මිදුනු ලොව ඔබට මිහිරි නම් එ‍ය සැපකි
ඔබට ලංව දුක බෙදාගන්න බැරිකම දුකකි
මෙවැනි බැඳුම් අදහනු බැරි ලෝක‍ය සිරගෙ‍යකි
එවන් ලොවක මේ හමුවීමත් වාවනු නොහැකි

සිනාතොටක් වි‍ය ඔබ පාමුල මා ලද සරදම්
මහෝඝ‍යක් වි‍ය ඔබෙන් ලැබූ අපමණ අභිමන්
නොහඬා ඉන්නම් ගිලිහුනු දා පෙම් ලොව මල්දම්
දුටුව නිසා ආදර‍යේ දෙව් රුව ඔබගෙන් මං

 

[prageeth119lk]

ow
ehma amuthu hagim athikaraganna epa

ඒ සිංදුවෙ තියෙන්නෙ කෙල්ල පිට යන සීන් එකක් නෙ(කොල්ල එහෙම හිතන)
මම ඒක එච්චර උවමනා වකින් ඇහුවෙ නැ

 

[rcccc]

ඒ සිංදුවෙ තියෙන්නෙ කෙල්ල පිට යන සීන් එකක් නෙ(කොල්ල එහෙම හිතන)
මම ඒක එච්චර උවමනා වකින් ඇහුවෙ නැ

uwamanwen ahala balapan

 

[Malinga]

ඔබ කුමුදිනියක් වී හිනහේනම්
මම පහන් තරුව වී ළඟ ඉන්නම්
ඔබ රැල්ලක් වී දඟපාවීනම්
මම වෙරළ වගේ නොසැලී ඉන්නම්

හද වේදනාව රිදවන මොහොතේ
මා ඔබ ගැන සිහිකර සැනසෙන්නම්
මුලු ලොව ම රැයේ නිදිගත් මොහොතේ
රුව සිහිනෙක ඔබ ළඟම ‍රැඳෙන්නම්

ඔබ කුමුදිනියක් ...............

මගෙ නෙත්යුග ළඟ කඳුලක් වීලා
ඔබ කවදාවත් රිදවන්න එපා
මා ඔබ ගැන පැතු පැතුමන් බිඳලා
තවත් සිතක තනිවෙන්න එපා

ඔබ කුමුදිනියක් ...............


ගායනය :- චන්දන ලියනාරච්චි

 

[Rex921]

බැරි බර උහුලා දහ දුක් විඳිනා
අ‍යි‍යන්ඩිට උර දෙන්න ඔබේ
මැදුරේ මෙහෙ‍යට නුඹ ගි‍ය දා සිට
අම්මා හිතකින් නොවේ නගේ

බඹරුන් මල් පැණි සො‍යා ඇදෙන මග
මලක් වගේ හිනැහෙන්න එපා
සුරලොව අසිරි‍ය දෙනෙතට පෑවද
සිහිනෙන්වත් රැවටෙන්න එපා

ගමෙන් අරන් ගි‍ය ‍යොවුන් සිනා රැලි
හඬවා ගමටම ඇසෙන ලෙසින්
තරු එලි‍යක් නැති ගෙපැල උඩින් හෙට
හඳක් වගේ ‍යලි ගෙදර වරෙන්

-රෝහණ වීරසිංහ-