පද පේළී - EK LYRICS THREAD PART 2

[Sadurathri]

සද මාහා සිනාසුනා
තරු මාහා කථාකලා
ඔබ මාහා සිනාසුනේ නෑ
ඔබ මාහා කථා කලේ නෑ

 

[DAMER]

Rookantha Gunatilake..........

දුර ඈත නොපෙනෙන රෑක~
ළඟ පාත ඉන්නෙමී..
දුටුවාද බැලුවාද~
දෙනෙතින් සෙනේ කියමී..

හිත තාම දුර නේද~
හැමදාම අසමී..
හිත පාළු වුනු දාට
ඔබ ගාව ඉන්නෙමී..
​

මුළු රෑම සඳු ගාව~
තරු රෑන තනි රකී..
හැමදාම ඔබ ගාව~
තනි නෑනෙ මම ඉමී..
​

 

[rcccc]

ලස්සන දවසක මා...

ලස්සන දවසක මා ඔබ වෙනුවෙන් සිටියා
මාගෙ නෙතු අදදර ඔබගේ සිනහව මෑවුනා
ඔබගේ හදවතටයි ආදරෙ කරන්න සිතුනේ
මගෙ මුලු හදින්

ඔබගෙ ආදරයම මා සිත මන්මත් කෙරුවා
ඔබගෙ හදවත තුල මට ඉඩ ඈතිදෝසිතුනා
මාගෙ ජීවිතයම සිහිනෙකැයි සිතුනා
සිතේ ආදරෙන්

සුන්දර සිහිනෙකැයි මා තනි වීලා
ඔබමයි ඒ සිහිනයේ
මාගෙ කුමරිය වුයේ

ලස්සන දවසක මා...

 

[mal pappa]

clarence wijewardena

මුව හසරැලි සාගරයේ මුතු වැලක් වෙලා
නෙත් අඹරේ පායලා තරු දෙකක් වෙලා
දේදුන්නක සඟවලා දෙතොල් රත සලා
ඔබ මගේ මුළු ජීවිතේ රඟහලක් කළා

සඳ විමනේ විසිතුරු පවසා
නෙත් එළියෙන් තොරතුරු විමසා
දිය වදනය සළුවක දවටා
සැනසිල්ලේ උණුසුම ගවසා
ඔබ නළවන්නම් ඔබ සනසන්නම්
මම ඔබ නළවන්නම් ඔබ සනසන්නම්
නොමියන සුළු ආදරයක කතා කියන්නම්

මුව හසරැලි සාගරයේ මුතු වැලක් වෙලා
නෙත් අඹරේ පායලා තරු දෙකක් වෙලා
දේදුන්නක සඟවලා දෙතොල් රත සලා
ඔබ මගේ මුළු ජීවිතේ රඟහලක් කළා

සඳ විමනේ සොමි ගුණ මවලා
දේදුන්නක සිසිලස ඔතලා
මල් පැණියක මධුරස හොයලා
සල් අරණක පවනැලි නිවලා
ඔබ නළවන්නම් ඔබ සනසන්නම්
මම ඔබ නළවන්නම් ඔබ සනසන්නම්
නොමියන සුළු ආදරයක කතා කියන්නම්

මුව හසරැලි සාගරයේ මුතු වැලක් වෙලා
නෙත් අඹරේ පායලා තරු දෙකක් වෙලා
දේදුන්නක සඟවලා දෙතොල් රත සලා
ඔබ මගේ මුළු ජීවිතේ රඟහලක් කළා

 

[Tig®ess]

සීත අරණේ සුපුල් නාමල
සුවඳ ගැල්වූ ජීවිතේ
සීත හිම ගිර සීත නොදැනේ
දැනේ උණුසුම ආදරේ...

ලතාවක් සේ වෙලී සියොලඟ
පතමි රැකවරණය ඔබෙන් //
සදා දෝතින් මලක් සේ ඔබ
වැළඳ ගන්නෙමි හදවතින්
හදවතින්

වළාවක් සේ අයාලේ ගිය
සිතට නිවහන ඔබ ළඟයි //
මහා කතරක ගෙවූ තනි මග
නිමා කල ඉම ඔබ නෙතයි
ඔබ නෙතයි

<Malani Bulathsinhala>

 

[rcccc]

මතකය ඔබ ගැන යලි සිහි කරලා...(Tum Hi HO Sinhala Cover)

මතකය ඔබ ගැන යලි සිහි කරලා
දෑස පුරා දුක දොරේ ගියා...
මගේ පණ රහසේම කවුරුද ඇවිදින්
අද සැනෙකින් ගෙනයන්න ගියා

ඒ ඔබ තමයි ඒ ඔබ තමයි
ජීවිතේ මගේ ඔබ තමයි
ඇයි ගියේ ඔබ ඇයි ගියේ
මා දමා ඔබ ඇයි ගියේ

දිවුරා කීවා මතකද හැමදා
මතු භවයෙත් හමුවන්න කියා
දෑස වගේ රැකගත්ත නිසා
මගේ හුස්ම පවා අද නතර වෙලා
කෙතරම් සතුටින් සිටියද ඔබ හා
හරි ආදරයෙන් පෙරදා

ඒ ඔබ තමයි ඒ ඔබ තමයි ...

-Radeesh Vendabona-

 

[DAMER]

මුව හසරැලි සාගරයේ මුතු වැලක් වෙලා
නෙත් අඹරේ පායලා තරු දෙකක් වෙලා
දේදුන්නක සඟවලා දෙතොල් රත සලා
ඔබ මගේ මුළු ජීවිතේ රඟහලක් කළා

වළාවක් සේ අයාලේ ගිය
සිතට නිවහන ඔබ ළඟයි //
මහා කතරක ගෙවූ තනි මග
නිමා කල ඉම ඔබ නෙතයි
ඔබ නෙතයි

<Malani Bulathsinhala>

 

[dinukasampath]

සඳක් නම් බැසයන්න තිබුනා
හඬන අහසට අඳුර දී
මලක් නම් ගිලිහෙන්න තිබුනා
අතු අගට ලස්සන නොදී

පරවි තුඩකින් විළඳ දුන්නට
ගිරවියක වළඳන්නේ නෑ
කඳුළු බිඳුවක නැගෙන ගින්දර
හිනාවක් හඳුනන්නේ නෑ

පොළොව උසුලන සියලු දුක සැප
අහස් තලයෙනි හිමිඋනේ
පොළෝ තලයට අහස දුර බව
සිතන්නේ ඇයි මිනිසුනේ

 

[amila_90210]

නිල්මිණි කැට වන් ඔබ නෙත් මට හමුවූ දා
මා හද පිබිදුනා..
නව දිවියක් මට ලැබුණා
මා සිත දුක් මා නෙතු කඳුළැල් ලොව නැවතූවා
ලාහිරු රැස් සේ
ඔබ මගෙ දිවිය එළිය කෙරුවා
ඔබ හසරැල්ලෙන් සුමුදු මදහසින් මා හද උතුර ගියා
ඔබෙ සෙනෙහස මට දැණුනා
ගිනි ගත් මා ලෝකය තනි වදනින් සිසිල් කරා
මට ජීවය දුන්නා
ඔබ මට සුරඟනක්ම වූවා..

මගේ හද පතුලේ පණ නළ සිඳෙන තුරා
මහ සාගරයේ රළ පෙළ බිඳෙන තුරා
ආලය කරමි මා සදා
ඔබ දිවි රකිමි මා සදා
ඔබ තනි නොකරමී කිසි දිනා

නිල් අහස් තලේ හිරු පායනා තුරා
වසන්තයේ මල් පූදිනා තුරා
ආලය කරමි මා සදා
ඔබ දිවි රකිමි මා සදා
ඔබ තනි නොකරමී කිසි දිනා

 

[DAMER]

Chitral Somapala.............

මිරිඟුව පරදා තුරඟෙකුගේ වේගයෙන්~

දස දිග පුරා දෙනුවන තියුණුව යොමා..
​

කරදරම සොයා දළ රළු මඟ පහුකරන්~

දිගු ගමනට මගේ වෙහෙසයි ඔබ දුරුකරේ..​

 

[rcccc]

මඟ බලා හඬන දෙනෙතේ...

මඟ බලා හඬන දෙනෙතේ
කඳුළැල් ඉහිරිලා ගලන මොහොතේ
නොමැකෙනා මතක අපගේ
තවමත් මැවෙනවා දකින සිහිනේ
හදවතේ පෙරවගේ
හද ගැස්මම ඔබයි අද මගේ
ඇයි ලඳේ ඔබ මගේ
හැම හුස්මට පවා පෙම් කලේ...

කී කතා පෙරදා මුකුලු කර සිහිවෙලා රහසේ
වේදනා සගවා තුරැලු කර වැලපුනා අඳුරේ
දාලා යන්නට බෑ ලැබුනු උණුහුම
හැරදමා සමුගෙන යන්න නම් මට
ඇයි මේ තරම් ලංවුනේ...

පෑ සිනා පෙඟුනා කඳුලු මැද කුරුටු ගෑ මතකේ
පෑරුනා විඳිනා දුකට හිත කෙඳිරි ගෑ පපුවේ
වාවගන්නට බෑ තාම තනිකම
හීනෙකින්වත් නෑ යන්නෙ කිව් ඔබ
ඇයි මා කෙරෙන් වෙන් වුනේ...

මඟ බලා හඬන දෙනෙතේ...

-Bachi Susan-

 

[රජ්ජුරුවෝ]

අනිවාර්යෙන් මචන් චාමරගේ සුපිරි සින්දු සෙට් එකක් තියෙනවා හොද තේරුමක් තියෙන. ලිව්වේ කවුද කියලනම් දන්නේ න බං. ගොඩක් සින්දු ලියල තියෙන්නේ හාමුදුරු නමක් නේද

දන්නේ නෑ මාත්. පොඩ්ඩක් හොයලා බලන්න ඕනේ. හම්බ උනොත් විස්තරයක් දාන්නම්

 

[රජ්ජුරුවෝ]

මේ සිංදුව අහලා තියෙනව ද කවුරුවත්?


සිරුරෙන් රුධිරය ගලයි මා ජීවත් වන නිසා
ආත්මය කෑ ගසයි එය අතරමං වූ නිසා
කැළලක් ඇත සුන්දරයි මේ ජිවිතේ පුරා
කඳුලක් සිත පාරවයි නොදනී කිමදෝ කියා
අනන්තයේ තියෙද මට ජීවයක්
අනන්තයේ තියේවී මට ලෝකයක්

අඳුරට නෙතු ප්‍රිය කරයි එළියක් දැක නැති නිසා
සිත සැනසුවේ තනිකමයි මා තනි නෙකෙරු සුමිතුරා
වරදක් වුන බව හැඟෙයි නොදනිමි කොතනද කියා
මේ දිවියම අන්සතුයි නොදනී කවුදෝ කියා
අන්තයේ තියෙද මට නිවහනක්
අනන්තයේ තියේවී මට සැනසුනමක්

 

[රජ්ජුරුවෝ]

සිත කැළඹෙයි
මධු බදුන් පිරෙයි
ගත නලියයි
හිත හිස් වෙයි

සංසුන් වන්න මිතුරේ
මුළු ලොවම ඔබගේ
සංසිඳුවන්න පිපාසේ
ගිණිදිය පිරිලා දෝතේ

නිවනු මැන ගත .. නිවනු මැන සිත ..
නිවනු මැන ගත .. නිවනු මැන සිත ..
සිසිලක් මවා... සැඩ සුළඟක් කඩා ..
සිසිලක් මවා... සැඩ සුළඟක් කඩා ..

 

[rcccc]

හිරුගේ ලොවෙදී...

හිරුගේ ලොවෙදී අපි වෙන් වෙමු
සදුගේ රෑයේදී යලි හමු වෙමු
යලි හමු වෙමු...

සෑකයේ වෙලීල උදයේ හවා
රෑකවල් නෑගේ අප වටා
ගොළු වී මුවා වී ඉමු...

හිරුගේ ලොවෙදී...

අදුරේ වෙලීලා රෑය සීතලේ
සිහිනේ වුනා වූ ලොවේ
මුමුණා සිනා සී ඉමු...

මේ සිංදුව අහලා තියෙනව ද කවුරුවත්?

නෑ මචන්

 

[dinukasampath]

දන්නේ නෑ මාත්. පොඩ්ඩක් හොයලා බලන්න ඕනේ. හම්බ උනොත් විස්තරයක් දාන්නම්

එළකිරි

 

[Sadurathri]

ඔබේ ඇස් ළඟ නුඹව කියවන
ඇසේ කඳුළක දුරක කිමිදෙන
ඔබෙන් නාහා ඔබට පෙම්කල
මං වැරදි කරුවා මං වැරදි කරුවා

ජූරියත් ඔබ පැමිණිලිත් කල
කොහොම වග උත්තර බදින්නද

 

[රජ්ජුරුවෝ]

නෑ මචන්

ඉර ළඟ වැඩියි ෆිල්ම් එකේ සිංදු දෙකක් ඒ. මෙලඩි එකත් එක්ක ඇහෙද්දී තමා ලස්සන

 

[amandi3891]

 

[amandi3891]

ඔබගේ දැසින් ගලනා දුක
මා නෙත් ඔබගේ දුකින් තෙත් වේවා


මා ප්‍රියේ ඔබ ගේ දුක් වේදනාවන් මා ලද කල
ඔබේ නමින් දිව්රන්නම් මා තවත් සුවපත් වේවී.



ඒ ත්‍යාගය ඔබ ට ප්‍රදානය කරන්නෙ නම්..
අන් සන්තෝෂයන් සියල්ල ප්‍රතික්ෂේප කරන්නෙමී
මා මිය යන්නෙමී



ඔබේ සමීපයේ පමණක් මාගේ මුළු දිවියම ගත‍කරන්නෙමී
හිතන්න මා කෙතරම් වාසනාවන්ත දැයි කියා
එයම සතුටකී
ඔබේ කඳුළු මගේ වේවී
ඔබේ වේදනාවන් මගේ වු කල මා විනෝදයෙන් මත් වන්නෙමී
මා මිය යන්නෙමී



මා හද ඔබට අමතයි
එය දුකක් ද සතුටක් ද වුව ද
ඔබ මා ඇති කරේය
ඔබ මා සන්තෝෂ කරන්නේය
ලෝකයට දෙවියන් සිටිය ද, මට නම් ඒ ඔබයි
ඔබ හා පමණී නම්, කුමක් වු වද ඉටුකරන්නෙමී පවසන සැනින්
මා මිය යන්නෙමී

​