පද පේළී - EK LYRICS THREAD PART 2

[conqureshadow]

හිත වාවන්නේම නෑ ඔබ අයෙත් එන්නෙ නෑ
මම තාම දන්නේ මා ඔබේ කියා
කිරි කොඩු මෑදියම් රෑ දුන් හීන එලිවෙන් නෑ
ඔබ තාම දන්නේ ඔබ මගේ කියා
මම තාම දන්නේ ම ඔබේ කියා
ඔබ තාම දන්නේ ඔබ මගේ කියා
මම තාම දන්නේ ම ඔබේ කියා

සුසුමන් කියා නොදුන්නු ජීවිතේ සුපෙම් කතාව
කියා දුන්නේ ඔබමයි ලදේ
දෑසත් පියාන ඉන්නේ බෑරිද තාම අවදිවෙනෙ
බල ඉන්න බෑ මට තවත්
සීතලෙන් මා වෙලි දෙනුවන් පහන් නිවී
ඔබ යන්නේ ඈයි ආදරී...//

හිත වාවන්නේම නෑ ඔබ අයෙත් එන්නෙ නෑ
ඔබ තාම දන්නේ ඔබ මගේ කියා...
මම තාම දන්නේ ම ඔබේ කියා ...

උකුලේ නිදාන උන්නු කාලේ අයේ එන්න නෑ
තනි වෙන්න බෑ මට ඉතින්
කෙහෙරෑල්ලේ ගෑවී ගෑවි සුවද සෙව්වේ මා එදා
ලන් වෙලා ඉන්න බෑ තව ඉතින්
ආදරේ නෑ ඔයා
පාලුවේ මා හෙලා
ඔබ යන්නේ ඈයි ආදරී....

හිත වාවන්නේම නෑ ඔබ අයෙත් එන්නෙ නෑ
මම තාම දන්නේ මා ඔබේ කියා
කිරි කොඩු මෑදියම් රෑ දුන් හීන එලිවෙන් නෑ
ඔබ තාම දන්නේ ඔබ මගේ කියා
මම තාම දන්නේ ම ඔබේ කියා
ඔබ තාම දන්නේ ඔබ මගේ කියා
මම තාම දන්නේ ම ඔබේ කියා

 

[conqureshadow]

සිහිනයේ පාවෙලා ඇවිත් මා ලගින් සැතපුනා
මා හදේ පෙම් කතා පොතේ කතාවක් ලියවුනා
සීතලේ ගතට ලං වෙල රහසකුත් කොදුරලා
ආදරේ සුවය මා සදා සිහිනයෙන් වින්දා

මිහිරාවියේ… සිහින කුමරි
මගෙ ආදරේ ඔබයි කුමරි
මා ජීවිතේ සදා සිහිනේ මිහිරාවියේ…

සමනල්ලු රැනේ ඇවිත් සිහිනයම හැඩ කලා
ආදරෙන් කී කතා අසා අපි වටා පියැඹුවා
පෙම් සුවේ මිහිරි ආදරේ අපි එක්ක විදලා
සමනල්ලු මල් රොන් සොයා පියඔලා දුර ගියා

මිහිරාවියේ…

සිහිනයෙන් අවදි වී ඉතිං මා ඔබව සෙව්වා
ඔබ සිටියේ නෑ මා ලගින් ආයෙ මා තනිවෙලා
සමනල්ලු රැනේ ඔබත් පියඹල ගියාදෝ
ආයෙමත් එන්නෙ මා සොයා සිහිනයෙන් විතරදෝ

මිහිරාවියේ…

 

[conqureshadow]

සුළඟක් වෙලා ඔබ සොයා එන්න ඕනේ
සෙවනැල්ල වාගේ ඔබ ළඟින් ඉන්න ඕනේ
හමුවූ දිනේ හිත බැඳීලා සෙනේ
මුළු ජීවිතේ ඔබටමයි ආදරේ
සිත් ගත් ළඳේ ඔබ ළඟින් ඉන්න ඕනේ
සුළඟක් වගේ ඔබ සොයා එන්න ඕනේ

ඔබ මාගේ කීවා ගං ඉවුරේ දැවටී මා ගතේ
තුරු වඳුලේ හැංගී සිප ගද්දී දැනුණා මට සුවේ
සිසිල දෙන මේ නදීතෙරේ තුරුළු වුණු මාගේ හංසියේ
හැමදාම මේ ලෙසින් බැඳි ඉඳිමු යැයි කීව කුමරියේ
ඔබ නේද දන්නේ තාම ඒ රහස දන්නේ
ඔබමයි සොයන්නේ සැමදා මං පතන්නේ

පෙර සේම ආවා මං සෙව්වා ඔබ නෑ ගංතෙරේ
ගලන දිය වාගේ ළඟ නොරැඳී කොයිදෝ ඔබ ගියේ
දිය සුළිය කුරිරු වූ ලෙසේ ඇයිද ඔබ මාව හැඬවුවේ
හඬමි මම මේ නදී තෙරේ ඇයිද ඔබ මා දමා ගියේ
ඔබමයි සොයන්නේ තාම ඒ රුව සොයන්නේ
සුළඟක් වෙලා සැමදා මං සොයන්නේ

හමුවූ දිනේ හිත බැඳීලා සෙනේ
මුළු ජීවිතේ ඔබටමයි ආදරේ
සිත් ගත් ළඳේ ඔබ ළඟින් ඉන්න ඕනේ
සුළඟක් වගේ ඔබ සොයා එන්න ඕනේ

 

[conqureshadow]

සැමදා මගේමයි කීවේ ඔයාමයි
ඔය දෑස අද ඇයි
ඉවත බලා....
සිහිනේ සදාකල්
සැදුවේ ඔයාමයි
අද මම මෙහේ තනි වෙලා....

රෑ අහසේ සඳ පායන්නේ නෑ...
මේ අන්ධකා‍රේ මට පුරුදු නෑ...
ළඟ උන්නු කාලේ අමතක වෙන්නෙ නෑ...
ඔබ ළඟ නැති දා අඳුරේ ඉන්න බෑ...

ආදර වදන් වැල් ඔබ මට කියා දුන්
පෙර සේම අදටත් ඇහෙනවා
වෙන්වී ගියේ ඇයි සිහිනේ ඔයාමයි
හිත මගේ හඬා වැටෙනවා...

රෑ අහසේ සඳ පායන්නේ නෑ...
මේ අන්ධකා‍රේ මට පුරුදු නෑ...
ළඟ උන්නු කාලේ අමතක වෙන්නෙ නෑ...
ඔබ ළඟ නැති දා අඳුරේ ඉන්න බෑ...

රෑ අහසේ තරු පායන්නේ නෑ..
මේ අන්ධකා‍රේ මට පුරුදු නෑ...
ළඟ උන්නු කාලේ අමතක වෙන්නෙ නෑ...
ඔබ ළඟ නැති දා අඳුරේ ඉන්න බෑ...

රෑ අහසේ සඳ පායන්නේ නෑ..
මේ අන්ධකා‍රේ මට පුරුදු නෑ...
ළඟ උන්නු කාලේ අමතක වෙන්නෙ නෑ...
ඔබ ළඟ නැති දා අඳුරේ ඉන්න බෑ.

 

[conqureshadow]

දේදුන්න සේදී වෑ නිල්ල උතුරා
ලා දම් අහසින් වැස්සක් වැටුණා
මනමාලි වී ඈ හද ගින්න අවුලා
පිටගම් යනවා බොඳවී පෙනුණා

බාලේ ඉඳලා හද බැඳි ආදරේ
ගෙල රන් තාල නොබැඳී අවසන් උනේ
කාලේ ගෙවිලා මං ගම ආ දිනේ
ඈ කරකාර බැඳලා නොකියා ගියේ

දේදුන්න සේදී වෑ නිල්ල උතුරා
ලා දම් අහසින් වැස්සක් වැටුණා


මාදං කැලෑවේ ළඳු ඕවිටේදී
බාලේ ඉඳන් කී කවි ගීතිකා
පාවී ගියාවේ සුළඟේ වෙළීලා
ආලේ නමින් වූ හද ගී මකා

නොසිතූ සේ...
ආදර මල්පෙති විසිරෙයි සිත වැළපේ
සුහදේ...
නොපැතූ සේ...
යායුතු වේ මේ ඉරණම් ගමනේ
කඳුලින් මෙසේ…

දේදුන්න සේදී වෑ නිල්ල උතුරා
ලා දම් අහසින් වැස්සක් වැටුණා
මනමාලි වී ඈ හද ගින්න අවුලා
පිටගම් යනවා බොඳවී පෙනුණා


ලා නීල වැල්ලේ වැව් තාවුලේදී
දිවුරා හදින් ඈ බහ දුන් නිසා
දෑසින් මහෝගේ උතුරා ගැලූ ඒ
දොරේ ගැලූ දා බැඳි ආදරේ

තනි වූ දා...
මවු පිය සෙනෙහසටයි හිස නැමුණේ
රහසේ…
නොපැතූ දා...
මා හද දෙව්ලොව හැර යන්නම් මිහිරේ..
තරු ඇස් වැසේ...

දේදුන්න සේදී වෑ නිල්ල උතුරා
ලා දම් අහසින් වැස්සක් වැටුණා
මනමාලි වී ඈ හද ගින්න අවුලා
පිටගම් යනවා බොඳවී පෙනුණා

බාලේ ඉඳලා හද බැඳි ආදරේ
ගෙල රන් තාල නොබැඳී අවසන් උනේ
කාලේ ගෙවිලා මං ගම ආ දිනේ
ඈ කරකාර බැඳලා නොකියා ගියේ

දේදුන්න සේදී වෑ නිල්ල උතුරා
ලා දම් අහසින් වැස්සක් වැටුණා

.....

 

[DAMER]

Milton Mallawarachchi........

ඒ වගේ දිනක් නෑ එන්නේ~

ඈ කොහේ ලඳක්දෝ නෑ දන්නේ...
​

පෑ රිදී සිනාකැන් ඒ දෑසේ~

මා සිතින් මැකිලා යා නොවේ..​

 

[crazybuddy]

සිනා පිපෙනා මේ වසන්තය
නෙලා දෝතින් මලක් සේ... සිනා සී..
ම‍ගේ ලොව වෙත ඔබයි ගෙන ආවේ
සිනා සී... ඔබයි ගෙන ආවේ..
වසන්තය මලක් සේ...

නිබඳ සුවඳයි ඔබ නිසා මට
ගම මැදින් හමනා පවන සිහිලැල්
ගම් දොරින් පිටමං නොවේවා
නැවුම් සුහුඹුල් යෞවනේ හස‍රැල්

නිසල සිතුවිලි සසල තුරුලිය
අතර තනිවෙමි ඔබ නිසා සතුටින්
අහස සමුදුර වැළඳ සැනසෙන
තැනක සගවමි හද සෙනේ සුසුමින

 

[amandi3891]

එක්වී නම් රිදවන්න එපා
රිදවූවත් වෙන්වී යන්න එපා
ආදරේනම් හඬවන්න එපා
හැඬවූවත් ඔබෙ ආදරෙ අඩු කරලන්න එපා...

එක් වූයේ අප වෙන් වී දෙතැනක ඉන්නටදෝ
ඔබ රිදවා මා හට සැනසී ඉන්නට හැකිදෝ
හිරු බැස ගොස් යලි උදයේ අයෙත් එන්නැතිදෝ
අපගේ වෙන් වීමත් බැස යන හිරු වාගේදෝ

එක්වී නම් රිදවන්න එපා.....

ආදරේ කලේ අපි හැඬූ කදඳුලින් ඉන්නටදෝ
ඔබ හඬනා විට මට සැනසී ඉන්නට හැකිදෝ
බඹරා ආයෙත් ඉබි මල මුකලිත වී යාදෝ
අපි හැඬුවට අපෙ ආදරෙ සේදීලා යාදෝ

එක්වී නම් රිදවන්න එපා.....


ගායනය - ප්‍රනීත් මධුෂන්ක

 

[kandegama91]

මටම පුදුම මම නුබටම මෙතරම් ආදරේ කරන්නේ ඇයි&#350

ගෙවුණු මතකයන් තවමත් මා ළග හිත පාරනවා හිමින් සැරේ.
මතක් උනේ නැ අමතක කරන්න ඔබයි මගේ ජීවිතය උනෙ..
හෙටක් කියා දවසක් ගැන හිතන්න ඔබයි මගේ ළග මට හිටියෙ..
ඇතැයි කියා නැති දේකට රැවටුන නුඹේ ආදරේ මා රැවටූ...

එකම එක වරක් ඔබව දකින්නට අවසර පතනවා සිත නොනිදා...
මොහොතක් ගානෙම දහසක් සිතුවිලි මතකය අළුතින් අළුත් කළා...
පිණිකැට වැටෙනා නිහඩ රාත්‍රිය අනන්තයට අප රැගෙන ගියා...
මටම පුදුම මම නුබටම මෙතරම් ආදරේ කරන්නේ ඇයිද කියා....

නෙත් යුග තෙමන්න කදුළට ඇරයුම් නුඹයි කළේ මගේ ළගට වෙලා....
නින්ද නොදී ළග එබිකම් කරනවා මතකය මට විතරක් පවරා....
නිමක් නොවෙන්නට මුලු සිත පුරාම සදක් වගේ නුඹ හිනහෙනවා...
මටම පුදුම මම නුබටම මෙතරම් ආදරේ කරන්නේ ඇයිද කියා....

Kalum Hettiarachchi...

 

[~Titi~]

ලං වෙන්න හිතුවාට හොරැහෙන් බලා
සිත ගාව හරි කෝලයි නුහුරුයි සිනා
නුඹ ගාව මා සතපවා සිපගන්න තුරුලේ හොවා
ආදරෙන්.. ජීවිතය ගීයක් වෙලා........
ඔබ ගාව මා ඉන්නවා... ඔබ ගාව මා ඉන්නවා...
ආදරෙන්.... ආදරෙන් හදින් .......
ආදරෙන්...ඔබ ලඟින් ආදරෙන්....... ♫♫

දැනුනු ඒ ආලේ පිළිගන්න වාගේ
මල් යායනම් හැඩ වෙලා
දේදුන්න වාගේ නෙක වර්ණ හීනේ
දැකගන්න නිදි වැරුවේ මා
ඇස් පියන් මත රැදී හිත පුරා සුවඳ දී
ඉන්නම්ද ඔබ එනතුරා
සුසුම් පවනින් හදේ මකන්නම් දුක් ඔබේ
ජීවිතය සුන්දර වෙලා.....ජීවිතය සුන්දර වෙලා....♫♫

ලං වෙන්න හිතුවාට හොරැහෙන් බලා
සිත ගාව හරි කෝලයි නුහුරුයි සිනා
නුඹ ගාව මා සතපවා සිපගන්න තුරුලේ හොවා
ආදරෙන්.. ජීවිතය ගීයක් වෙලා........
ඔබ ගාව මා ඉන්නවා... ඔබ ගාව මා ඉන්නවා...
ආදරෙන්.... ආදරෙන් හදින් .......
ආදරෙන්...ඔබ ලඟින් ආදරෙන්....... ♫♫

- Meena Prasadini

 

[DAMER]

Shalitha Abeywickrama...........

සුළඟේ ලෙලෙනා~

මල් සේ දඟ පා..
​

අප පාසැල් ගිය කාලයේ~

යාලුවෝ අද නැත..
​

වෙන අය එහි ඇත~
​

කාලය මැවූ වෙනසක අරුමේ..
​

 

[~Titi~]

නිහඬ ගමනේ මේ තරම් දුර...
ඇවිද අපි එක වගේ...
මිහිරි මතකේ සැරිසරා ඔබ...
නවාතැන් ගෙන දෑසේ... ♫

 

[m3pium]

සිහිනෙන් ළඟ ඉන්නා තරම්
හැබැහින් ළඟ ඉන්නවනම්
අදහන්නම් දෑස තරම්
නුඹෙ වෙන්නම් හුස්ම තරම්

සසරේ... පු‍රුදු නිසා
ඇස් වහගෙන හිඳිනු එපා...


කසුන් මධුරංග

 

[^Buddhika^]

විලක දුරක මල් පිපුනේ අපට නොවේමැයි
ඔරු පාරු ඇවිත් බලා යාවි විල් දිය ගැඹුරුයි
මල් සුවඳ උරා ඇදී යන්නේ බඹරුන් කොමැයි
සඳළුතලාවට පැල්පත දුරනම් බෝමැයි


කිරි සිනා සලන සඳවත අහසෙම රැඳුනාවේ
ඉඟිමරණ තරු කැළුම් අහසට නොම පෙනුනාවේ
සිත ඈත අරන් යන විමනේ සඳළුතලාවේ
කවුළු පියන් වසනු මැනවි නෙතුකැන් හමුවේ


කවුළු පියන් පත් වහන්න
සඳළු තලාවේ
ඔබ දුරයි නෙතට මා සිටිනා
ළවැලි තලාවේ
​

Read more: http://geemuthuwel.blogspot.com/2012_10_24_archive.html#ixzz38T4Jn42z

 

[DAMER]

Kingsly Peries...................

වරා මලේ ඔය ලෙන්ගතු ලස්සන දැක්කාම~

ඔයා දිහා බලන් නැතිව ඉන්නද මම කෝම..
​

සුවඳ සොයා රිදවන්නෑ සත්තයි කිසිදාක~

ඔයා මගේ ඇස අද්දර පිපෙන්න හැමදාම..​

 

[~Titi~]

වලාකුල් වියන් තනාලා ඉරේ රැස් නිවා දමා
වසන්තේ අරන් ඇවිල්ලා සිහිල් සේලයෙන් වෙලා
අනේ මං බලාන උන්නා යළිත් ඔබ එතැයි කියා
සිනා රන් කැළුම් සලාලා මගේ සඳ උදාවෙලා

පැතූ පෙම් පැතුම් මල් ඉහිරිලා
ගැලූ පෙම් ගඟුල් දැන් ඉතිරිලා
අනන්තය සිසාරා රහසේමා
පියාඹන්න ආසයි ඔබ හා මා ♫

දසන්තේ පියා සලාලා ස‍ඳේ රැස් හෙමින් උනා …
සොයන්නේ ඔබේ රුවයි මා කොහේ හැංගුණේ කියා …
රැයේ සීතලෙන් මිදිලා තුෂාරෙන් මුවා වෙලා
හිඳින්නේ ඔබේ ළඟයි මා සුසුම් උණුසුමක් පතා …

පැතූ පෙම් පැතුම් මල් ඉහිරිලා
ගැලූ පෙම් ගඟුල් දැන් ඉතිරිලා
අනන්තේ සිසාරා රහසේමා
පියාඹන්න ආසයි ඔබ හා මා ♫

 

[rcccc]

දෑස් අග පිපී දිලිසෙන...

දෑස් අග පිපී දිලිසෙන
කඳුළු කැට වලට නොදැනෙන
හීනයක් වගේ ලස්සන... ආදරේ සොයා...
පාරමී පුරා සසරක
ඇවිද එන ඔබේ පසු පස
සුළඟ සේ වෙලී සනසමි... ආදරේ කියා...

ඉස්සරත් දෙනෙත් රැවටූ රත්තරන් පාට හීනේ
අදත් දකින්නට ආසයි හිඳිමි නෙත් පියා
ආකහේ දුරින් හිඳගෙන සීතලේ ගැහෙන තරුවක
ජීවිතේ සතුට තවරමි ඔබ මගේ නිසා
ජීවිතේ සතුට තවරමි ඔබ මගේ නිසා
ඔබ මගේ නිසා...

අදත් ආකහේ දුරකින් හැංගිලා බලයි පුර හඳ
ඒ ඔබයි බලා සැනසුණු අතීතේ කතා
ඈතකට ගිහින් හැංගෙයි ඔබ මගේ ළඟින් හිනැහෙයි
ඉන්න ළඟ ඉන්න සෙනෙහස සදාකල් නිසා
ඉන්න ළඟ ඉන්න සෙනෙහස සදාකල් නිසා
සදාකල් නිසා...

-සේනානායක වෙරලියද්ද-

 

[DAMER]

කවුළු පියන් පත් වහන්න
සඳළු තලාවේ
ඔබ දුරයි නෙතට මා සිටිනා
ළවැලි තලාවේ
​

​

​

ඉස්සරත් දෙනෙත් රැවටූ රත්තරන් පාට හීනේ
අදත් දකින්නට ආසයි හිඳිමි නෙත් පියා
ආකහේ දුරින් හිඳගෙන සීතලේ ගැහෙන තරුවක
ජීවිතේ සතුට තවරමි ඔබ මගේ නිසා
ජීවිතේ සතුට තවරමි ඔබ මගේ නිසා
ඔබ මගේ නිසා...

-සේනානායක වෙරලියද්ද-

Pattaaa..

 

[rcccc]

නිසඟ පවඟ මත හිනැහි හිනැහි ...

නිසඟ පවඟ මත හිනැහි හිනැහි පිණි මල් මතින් වඩිනු දෙව්ලියේ
රත තඹර මල් සුවඳ විහිදා බිඟුන් බමනා ඈ වටා
ඇගේ නිකිණි සිනහ මල් කිණිති සැලෙන විට දැනෙන දැනෙන හැඟුමන්
රණ තිසරු රුවැති ඇගෙ ලකල් ළමැදේ මම සිහින සිහින වින්දෙම්
සප්ත ස්වරයයි...සුවඳ හමනා...
සප්ත ස්වරයයි ඈ...සුවඳ හමනා...

හිත පුර විසිරි මුතු ලතා ඉහිරුනා රුවැති හද පතා
හීන මුසු වුනු පාට තැවරුණු දෑස අභියස නැවතිලා
ඇගේ නිකිණි සිනහ මල් කිණිති සැලෙන විට දැනෙන දැනෙන හැඟුමන්
රණ තිසරු රුවැති ඇගෙ ලකල් ළමැදේ මම සිහින සිහින වින්දෙම්
සප්ත ස්වරයයි...සුවඳ හමනා...
සප්ත ස්වරයයි ඈ...සුවඳ හමනා...

මෙපුර සුරඹ නද විඳිමි විඳිමි ඇගෙ මුව මතින් වයන රිද්මයේ
නීල අඹරේ තුහින මල් වැහි තෙමෙනවා මා ආදරෙන්
ඇගෙ නිතඹ ලෙලෙන පා සළඹ සැලෙන විට දැනෙන දැනෙන හැඟුමන්
මුදු සුමුදු සුවැති ඇගෙ ලකල් ළමැදේ මම සිහින සිහින වින්දෙම්
සප්ත ස්වරයයි...සුවඳ හමනා...
සප්ත ස්වරයයි ඈ... සුවඳ හමනා...

-ඉන්දික රුවන්-

 

[Malinga]

මේ හිත තනියෙන්
නුඹ එනකන් හිටිය තරම්
නෑ මං දන්නා
වෙන කවුරුත් නුඹව තරම්
ආද‍රයෙන් එදා ඉඳන්

කඳුළක් ළඟ නැවතුන අහැපිය
දුරකට යවමින්
හුස්මක් මට අමතක කරවන
මතකය හොයමින්
ආයේ හීනේ මැද්දෙන්
ජීවිතේ අලුතෙන් ලියන තරම්

වරුවක් ළඟ මුමුණන ඔය හිත
මගෙම ද හිතමින්
තනියක් නැති දවසක් එනකන්
තව මඟ බලමින්
ආයේ හීනේ මැද්දෙන්
ආදරේ අමුණා තියෙන තරම්

මේ හිත තනියෙන් ........


ගායනය :- ආත්මා ලියනගේ