හොයියා හෝයියා...මා දැල් අදිමු.

Dodo Mahaththaya

Well-known member
  • Jun 2, 2017
    12,883
    2,747
    113
    Planet Earth
    හොයියා හෝයියා...මා දැල් අදිමු.

    බටහිර වෙරළේ කන්ද තොඩුවාවේ පාරම්පරික මාදැල් රස්සාවේ වර්තමාන වතගොත.

    ආයුබෝවන් අපේ එළකිරි සාමාජිකයන්ට.
    කියවීම මිනිසා සම්පුර්ණ කරයි කියල අපි කොයි කවුරුත් අහල තියෙනවා....සංචාරය කියන්නෙත් ඒ කිට්ටුවෙන්ම යන දෙයක්.
    මනුෂ්‍ය වර්ගයා බිහිවීම පටන් ගත්තු දා සිට අපි අනවරත සංචාරයක නියැළෙනවා.ඒ තුලින් අපි දකින දේ, අපි අහන දේ,අපිට දැනෙන දේ, අපි ඉගෙන ගන්න දේ බොහෝමයි.
    ඒ නිසා මම විශ්වාස කරනවා සංචාරයත් එක් ආකාරයක කියවීමක්.
    හැබැයි ඒ තුලින් අපි කොයිතරමක් දේවල් එකතු කරගන්නවද කියන කාරණය එක එක්කෙනාගෙන් වෙනස්.

    ඉතින් අද මම කතා කරන්න යන මාතෘකාවත් තරමක් වෙනස් වගේම ගොඩක් මිනිසුන් අතර අප්‍රසාදයට ලක් වුනු දෙයක්.
    ඒ තුළ මම දැකපු හොඳ , නරක දෙකම තියෙනවා. ඒ නිසා ඒ පිලිබඳ සාධාරණ කියවීමක් දෙන්න මම උත්සහයක් ගන්නවා.

    1978 ලෙනින් මොරායස් විසින් අධ්‍යක්ෂණය කල ''හිතමිතුරා '' චිත්‍රපටය බලපු කවුද ඉන්නේ ?
    ටෝනි රණසිංහ, ශ්‍රියානි අමරසේන, ගාමිණි ෆොන්සේකා, රෙක්ස් කොඩිප්පිලි රංගනයෙන් දායක වුනු, පුත්තලමේ කන්ද තොඩුවාව - උඩප්පුව වෙරළ ආශ්‍රිතව ධීවර ජන ජීවිතය ඇසුරෙන් නිර්මාණය වුනු කතාවක්.
    චිත්‍රපටයේ බොහොම ප්‍රසිද්ධ සිංදුවක් එහෙමත් තියෙන්නේ ජෝතිපාල මහත්තයා ගායනාකරන '' උසී උසී නෝනේ '' කියල.

    ඔය උඩප්පුව ,තොඩුවාව ඇතුළු බටහිර වෙරළේ සිද්ද වෙන පාරම්පරික මාදැල් රස්සාව ගැන මම ලබාපු අත්දැකීමක් තමා අද මම වචන කරන්නේ.

    ධීවර ජනසමාජය කියන්නේ එක්තරා උප සංස්කෘතියක්.ලංකාවේ හරිම අඩුවෙන් සාකාඡාවට බඳුන් වෙන, ගවේෂණය වෙන, කලාවට හසුවෙන උප සංස්කෘතියක් කිව්වොත් මම නිවැරදියි.
    ඒ වගේම බහුතර සමාජයේ පහත්, අප්‍රසාදයට ලක් වුනු වෘත්තියක්.
    නමුත් ධීවරයා කියන්නේ අපිට අත්‍යවශ්‍ය චරිතයක්.මොකද ලංකාව වටේම පිහිටි සාගරයේ දහසකුත් අස්වැන්න නෙලාගෙන අපිට ගෙනත් දෙන්නේ ධීවරයා.
    මම නම් පෞද්ගලිකව ධීවරයාට ගරු කරනවා.
    නමුත් ධීවර උප සංස්කෘතිය, කුලය සහ පොදු ජන සමාජය අතර නොගැලපීම් රාශියක් තියෙන බවත්, අන්න ඒ නිසාම ධීවරයා සාපේක්ෂව කුලෑටි චරිතයක් වෙලා තියෙන බව මගේ මතය.

    මාදැල් පන්නය කියන්නේ අතීතයේ ඉඳලම පැවත එන පාරම්පරික ධීවර රැකියා පන්නයක්.මාදැල් රස්සාවට ලොකු මුදලක් යට කරන්නට ඕනේ.
    ඒ නිසා මාදැල් හිමිකාරයෙක් කියන්නේ ධීවර පන්න ක්‍රම අතරින් විශාල , ලොකු ලාභයක් අපේක්ෂා කරන රැකියා පන්නයක්.

    කාලෙකට උඩදී මම උතුරු පළාතේ මායිමේ තියෙන කෝකිලායි කියන ධීවර ගම්මානයේ මාස ගණනාවක් ජීවත් උනා.
    ඒ නිසා ධීවර කටයුතු, ධීවර ජනසමාජය ගැන පුංචි අවබෝධයක් මට තියෙනවා.
    කෝකිලායි කියන්නේ දශක හත අටකට උඩදී බටහිර වෙරළේ සිට සංක්‍රමණය වුනු සිංහල කතෝලික ධීවර ප්‍රජාවකින් සැදුම්ලත් කලපුවත්, මුහුදත් අසල මෝය කට ආශ්‍රිතව
    තියෙන පුංචි ධීවර ගම්මානයක්.
    බහුතරයක් දෙනාගේ මුල් ගම්බිම් වෙන්නේ පුත්තලමේ ඉඳල මීගමුවේ දූව වෙනකන් තියෙන වෙරළබඩ ගම්මාන.
    ඒ නිසා උතුරු නැගෙනහිර කෝකිලායි ප්‍රජාව කියන්නේ බටහිර වෙරළේ ධීවරයන්ගේම පුරුකක්.

    අදටත් මේ සමහර ධීවරයන් අවුරුද්දේ එක කාලයක් කෝකිලායි නැගෙනහිර මුහුදේත්, අනිත් කාලේ බටහිර මුහුදේත් රස්සා කරනවා.
    මාදැල් රස්සාවත් සිද්ධ වෙන්නේ මේ පිළිවෙලට.
    නිරිත දිග මෝසමත් එක්ක සන්සුන් වෙන නැගෙනහිර මුහුදේ එක කාලෙකත්,ඊසාන දිග මෝසම වෙද්දී බටහිර මුහුදටත් ලෙස මේ සංක්‍රමණය සිද්ධ වෙනවා.
    ඒ අනුව අවුරුද්දේ මැද කාලය ( මාර්තු අප්‍රේල් ඉඳල සැප්තැම්බර් විතර වෙනකම් ) නැගෙනහිර මුහුදේ මාදැල් රස්සාව සිද්ධ වෙන අතර,
    ඊසානදිග මෝසම සක්‍රිය වෙන්න පටන් කොට ඔවුන් මාදැල් සේරම පටවගෙන බටහිරට සංක්‍රමණය වෙනවා.
    ඔක්තෝම්බර් නොවැම්බර් විතර බටහිර වෙරළේ පටන් ගන්න රස්සාව පෙබරවාරි වෙනකම් සිද්ධ වෙනවා.

    දකුණේ සිද්ධ වෙන මාදැල් රස්සාවෙන් වෙනස් වෙන්නේ මේ කියන කාරණාව නිසා.මේ ධීවරයෝ මුළු අවුරුද්දේ වැඩි කාලයක් රස්සාවේ නිරත වෙනවා.

    කෝකිලායි වලදී හඳුනාගත්තු මිතුරන් මාර්ගයෙන් මාස කිහිපයකට උඩදී ( පහුගිය ජනවාරියේ ) මම ගියා බටහිර වෙරළේ මාදැල් රස්සාව සිද්ධ වෙන විදිහ බලන්නත්, දවසක් දෙකක් නැවතිලා ඒ මිනිස්සු එක්ක කතාබහ කරන්නත්.

    කෝකිලායි මාදැල් රස්සාව කියන්නේ මම දැකපු අසික්කිතම රැකියාවන්ගෙන් එකක්.
    ඉතින් ඒ පිලිවෙලමයි උඩප්පුව තොඩුවාවේ මාදැල් වලත් තියෙන්නේ.

    මම උඩින් කියල තියෙන්නා වගේ මාදැල් රස්සාව කියන්නේ ලොකු මුදලක් යට කලයුතු, ඒ වගේම විශාල අදායම් ලබන රැකියා පන්නයක්.
    ඒ නිසා හැමෝටම මාදැල් කරන්න බැහැ වගේම පවත්වා ගෙන යන්නත් බැහැ. සරලවම කිව්වොත් හොඳ සල්ලිකාරයෙක් වෙන්න ඕනේ.
    මාදැල් රස්සාවේ ස්වභාවය ගැන කෙටියෙන් කියන්නම්,

    .....//.....

    මාදැල් කුට්ටම ප්‍රමාණයෙන් ඉතා විශාලයි.මුහුදේ ගොඩබිම සිට දියඹේ කිලෝමීටර් 3,4 ඉඳල ඊටත් වඩා දුරට දැල් එලන අවස්ථා තියෙනවා.
    ඒ වෙනුවෙන්ම විශේෂ කඹ තියෙනවා.මාදැල ගොඩට අදින්නේ මිනිසුන් විසින්.ඒ සඳහා මිනිස්සු 30,40 ඉඳල ඊට වැඩි ප්‍රමාණයක් වෙනකම් යොදා ගන්නවා.
    වර්තමානයේ මේ වෙනුවෙන් ට්‍රැක්ටර් යොදා ගන්නවා.
    මාදැලේ අයිතිකාරයට අමතරව දැලේ ප්‍රධානියා මණ්‌ඩරාල ( මන්වඩි රාල කියලත් ව්‍යවහාර වෙනවා ). දෙවෙනියා හැටියට සලකන්නේ ලියන මහත්තයා.
    ඉතිරි ධීවරයෝ ජෙය්ෂ්ඨත්වය අනුව සලකනවා.
    ඒ වගේම දැල් කුට්ටම් බාරව වෙනම පුද්ගලයෙකුත්, අවර මන්ද (කඹ) / ඇනිය මන්ද බාරව වෙන පුද්ගලයෙකුත් ඉන්නවා.
    මාදැලේ උයන පිහන වැඩ වලට වෙනම කෙනෙක් ඉන්නවා. ( බොහෝ විට වයසක ගෑනු කෙනෙක් )
    කෑම කියල ඉතින් මහ දේවල් නැහැ. උදේට මලු තැම්බුම් හොද්දයි, ගාපු පොල් එක්ක බත්.දවල්ට මාළු කිරි හොද්ද එක්ක බත්.රෑටත් එව්වමයි.ඉඳල හිටලා මිරිස් කරලක් බැදලා, පරිප්පුවක් හෝ එළවළුවක් උයනවා.
    උත්සව දවසකට වගේ නම් මස් ටිකක් උයනවා.

    මාදැල් සේවකයෝ නැවතිලා ඉන්නේ මාදැල් වාඩියේ.
    එදා දවසේ සුළඟ හමන දිශාව, දියකඩ වේගය (සුළඟ හමන දිශාව අනුව මුහුද යටින් ජලය ගලන දිසාව ) සැලකිල්ලට ගෙන දැල වට කලයුතු ආකාරය මෙහෙය වන්නේ මන්ඩරාළ විසින්.
    නිසංසල මුහුදක් නම් උදේ පාන්දරින්ම දැල වටකරන අතර අස්වැන්න අනුව සවස් යාමයේත් නැවත දැල් එළනු ලබනවා.
    මේ හඳුන්වන්නේ පාඩු බැලීම ලෙස.

    මාදැල පටවාගෙන යන බෝට්ටුව හඳුන්වන්නේ වල්ලම ලෙස ( වල්ලම් බෝට්ටුව ).මේක පළලින් අඩු දිගින් වැඩි ඔරුවක්.අතීතයේ නම් ලොකු හබල් වලින් තමා පැදෙව්වේ.
    නමුත් වර්තමානයේ මේකේ එන්ජිමක් සවි කරලා තියෙන්නේ.
    ඒ වගේම තව බෝට්ටු දෙකක් භාවිතා වෙනවා. ඒ අවර බෝට්ටුව සහ ඇණිය බෝට්ටුව.ඒ දෙකේ තමයි අවර මන්ද, ඇණිය මන්ද පටවාගෙන යන්නේ.
    මේ දෙකට මඩි ඔරු කියලත් කියනවා.

    මාදැලේ මැද තියෙන්නේ මඩි දැල. මේකට තමා මාළු එකතු වෙන්නේ. මඩි දැලේ විශාලත්වය සහ ස්වභාවය අනුව ඊට එකතුවෙන මාළු වෙනස් සහ ප්‍රමාණය වෙනස් වෙනවා.
    මඩි දැල වශයෙන් විවිධ දැල් පාවිච්චි වෙනවා. සාල දැල්, හාල්මැස්සන් දැල්,මඩු දැල් වශයෙන්.
    මේවායේ දැලේ සිදුරු ( දැලේ ඇස් ) වල විශාලත්වය අනුව මේවායේ රැඳෙන මාළු වෙනස් වෙනවා. හාල්මැස්සන් දැලේ ඇස් ඉතා කුඩා නිසා ඕනෑම වර්ගයක මාලුවෙක් මඩියේ එකතු වෙනවා.
    මඩි දැලේ ප්‍රමාණය අනුව වරකට මාළු කිලෝ 100,200 සිට කිලෝ 10 000 දක්වා උනත් මාළු අල්ලා ගැනීමේ හැකියාව තියෙනවා.
    ඒ වගේම කුඩා ප්‍රමාණවල සිට විශාල ප්‍රමාන වෙනකම් මඩි දැල් කිහිපයක්ම මාදැල් හිමිකරුවන් සතුයි.
    දැල් ගොඩට ගැනීමෙන් පසු මුලින්ම මාළු වෙන් කරනවා. ඒ සඳහා මාදැලේ සේවකයන්ට අමතරව අසල්වාසීන්,කුලියට පැමිණෙන සේවකයන් සිටිනවා.
    බොහෝ විට ඒ ගමේ ගැහැණු පිරිස.එය හඳුන්වන්නේ ඉලිප්පුවේ මාළු තෝරනවා කියා.
    ඔවුන්ගේ ගතමනාව ලෙස මාළු වලින් කොටසක් වෙන් කරනවා.
    ඊට පසු මාළු තෝරා දවසේ අහාරයට ( හොද්දට මාළු වෙන් කරනවා ) මාළු අයින් කර ඉතිරි මාළු බර කිරා විකිනීමට යවනවා.

    මාදැල් මාළු සෑමවිටම ඉතාම පිරිසිඳු, පණැති නැවුම් මාළු සහ තැලීම් පොඩිවීම් වලට ලක් නොවුණු නිසා මිලට ගැනීමට ගැනුම්කරුවන් ඉතාම කැමතියි.
    අතිරික්ත මාළු කරවල වාඩි වලට අඩුමිලට විකුණනු ලබනවා.

    .....//.....

    ඔය පිළිවෙලට තමා මාදැලක කටයුතු සිද්ධ වෙන්නේ.
    මාදැලක සාමාන්‍යයෙන් සේවකයන් 25 ඉඳල 40, 50 විතර වෙනකම් ඉන්නවා. සේවකයන් ගණන තීරණය වෙන්නේ මාදැලේ ප්‍රමාණය, හිමිකරුගේ වත්කම් සහ මුහුදේ ස්වභාවය අනුව.
    මේ මාදැල් රස්සා පොළවල් හඳුන්වන්න හරි අමුතු නම් තියෙන්නේ.....

    බඩයා දැල, තම්බි දැල, උඩප්පු දැල, කොන්ඩ දැල ......ඔය වගේ අපිට නුහුරු නම් වලින් තමා හඳුන්වන්නේ.
    මේ පළාත් වල මාදැල් රස්සාවේ අප්‍රසන්නම කොටස වන්නේ මාදැල් සංස්කෘතිය.ඒක බොහොම විට අපිරිසිඳු, අපිළිවෙල, යම් තරමක අසාධාරණ සහ අමානුෂීය රැකියා පන්නයක්.

    ඒ ගැන විස්තරයක් ලියන්න කලින් මාදැල් රස්සාවේ ගිහින් මම ගනිපු පින්තුරු ටිකක් විස්තර සමගින් ඉදිරිපත් කරන්නම්.
    ඒ ටික බලල අවබෝධයක් ලබා ගන්න හැකි වෙයි කියල මම හිතනවා.

    h0xP97h.jpg

    උදෑසනින්ම රස්සාවට පිටත් වෙන වල්ලම් බෝට්ටුව.මමත් ගියේ වල්ලම් බෝට්ටුවේ.මාදැල පටවන් යන්නේ මේකේ.

    HL9mLMT.jpg


    tsUqX4J.jpg

    මාදැල

    W501uxQ.jpg

    ඇණිය කඹ පටවගත්තු බෝට්ටුව

    Ip4MLZU.jpg

    ඔය බෝට්ටුවේ හිටගෙන ඉන්නේ මණ්‌ඩරාල.

    FJiX5KK.jpg


    wYHruX0.jpg


    n4nRgyU.jpg

    ඔය වතුරේ පාවෙන්නේ දැලේ උඩු මන්දේ තියෙන රිජිෆෝම් කාවි. ( බෝය කියලත් කියනවා ) දැල අඳුර ගන්නේ මේ බෝය වලින්.

    rAZODMJ.jpg

    නැගෙනහිර ගොඩබිමින් ඉරු උදාව හරි ලස්සනට පේනවා..

    LhZFJEL.jpg

    මේ කොට කලිසමක් ඇඳගෙන ඉන්නේ මාදැලේ අයිතිකාරයා. කෝකිලායි වල මම හඳුනා ගනිපු මිත්‍රයෙක්.මෙයා තමයි දැල් කුට්ටම මුහුදට දාන රාජකාරිය කරන්නේ.
    හැබැයි හැම මුදලාලි කෙනෙක්ම මුහුදේ රස්සාවට යන්නේ නම් නැහැ.


    OHeVeTa.jpg

    ඔය පිටිපස්සෙන් එන්නේ අවර කඹ බෝට්ටුව.

    ZcnhGRe.jpg


    vLiRa6C.jpg

    අවර කඹේ දැලට අමුණලා ඉවරයි. දැන් එලන්නේ දැලේ අවසන් බාගය.

    dkmVMjm.jpg


    upeAzuF.jpg

    දැන් නම් ඉර පායලා ඉවරයි.වලාකුලකින් වැහුනම අමුතුම ලස්සනක් තියෙන්නේ.

    SWkcKXG.jpg


    gc0J0ot.jpg

    මුහුදේ එලා ඇති තවත් දැලක් නිසා පැටලුම් ලිහීම සඳහා දියට බැසි ධීවරයෙක්.
    ඔහුට ඒ පැටලුම සම්පුර්ණයෙන්ම ඉවත් කිරීම සඳහා පැයක පමණ කාලයක් ගතවිය...


    KlrimPK.jpg

    පුත්තලමේ යද්දී වෙරල තීරයේ දකින්න ලැබෙන සුළං මෝල්

    07WSliO.jpg


    5BkDrxs.jpg

    මුහුදු ලිහිණියෝ වටවුණු මුහුද

    aulaURs.jpg

    දැලේ අවසන් කඹ කිහිපය.

    6ZFORWa.jpg

    මැරිලා මුහුදේ පාවෙන කැස්බෑවෙක්

    5jwVi4Z.jpg


    sks67bH.jpg

    වල්ලම් බෝට්ටුව රස්සාවේ ගිහින් නැවත ගොඩට ආවා.

    Gf4ZeJ7.jpg

    ඔන්න දැන් තමා ට්‍රැක්ටර් රාජකාරිය පටන් ගන්නේ.

    70QJSwl.jpg

    මාදැල් වාඩි

    akWrm7j.jpg

    වාඩියේ අතිරික්ත කඹ.මේ කඹ නැව් වලින් අයින් කරන එව්වා නැවත එකට එක අඹරලා නිර්මාණය කර ගත්තුවා.


    CWqaFcW.jpg


    10TE8ML.jpg


    qtJlD2x.jpg

    දැලේ පැටලුම් තියෙනවද කියල පරික්ෂා කරන්න බෝට්ටුවක් පිටත් වුනා.

    jo9PZ1W.jpg


    lhNjlK1.jpg

    අවර මන්දටත්, ඇණිය මන්දටත් වශයෙන් වෙන වෙනම ට්‍රැක්ටර් දෙකක් මගින් දැල ගොඩට අදිනවා.
    වෙරල කොච්චර හෑරිලාද කියල පේනවා නේ.ඔය බිම ගොඩගහල තියෙන්නේ කඹ ටික.


    3VF8cQS.jpg

    එදා දියකඩ පාර උතුරු දෙසට තමා ගමන් කලේ. ඒ නිසා දැල එන්න එන්න උතුරු දෙසට ගහගෙන යනවා. වාඩියේ ඉඳල කිලෝමීටරයක් දෙකක් විතර පුත්තලම පැත්තට කිට්ටුවෙන් තමා දැල ගොඩ ගත්තේ.

    JbJD3Pg.jpg

    ගිනි කාස්ටක අව්වේ දැලක ඉරුම් මහන ධීවරයෙක්.

    CcQlHOE.jpg


    Xngx3sN.jpg


    Q9jMfeD.jpg


    PpZ2585.jpg


    hyRvEg5.jpg

    දැල ගොඩට අදින අවස්තාව. දැලේ විශාල ප්‍රමාණයක් ට්‍රැක්ටරෙන් ඇද්දට පස්සේ අන්තිම ටික අදින්නේ මිනිස්සු එකතු වෙලා. ඒ වෙලාවට ඉලිප්පුවේ මාළු තෝරන්න ආපු ගැහැණුත් එකතු වෙනවා දැල ගොඩට අදින්න.

    9WNQRQb.jpg


    ZbdkFtP.jpg


    ayJext7.jpg


    6D2RgyV.jpg

    ඒ දවස් කිහිපයේම බොහොම දුර්වල මාළු අස්වැන්නක් තිබුනේ. ඒ නිසා පොඩි මඩි දැලක් තමා භාවිතා කරලා තිබ්බේ.මාළු කිලෝ 300 වත් තිබුනේ නැහැ.
    ඉලිප්පුවටයි, හොද්දටයි අයින් කලාම බොහොම පොඩ්ඩයි විකුනන්න ඉතුරු වුනේ.
    අවාසනාවන්ත දවසක්.


    gNFOJDG.jpg


    XvwsM2c.jpg

    දැලට අහුවුන කැස්බෑවෙක් නැවත වතුරට බේරලා දැම්මා

    N147m8a.jpg


    jjgUWMV.jpg

    පේනවනේ අපි මුහුදට කරලා තියෙන දේ.


    bBozGrb.jpg

    ඉලිප්පුවේ මාළු තෝරනවා....

    q4NYJFj.jpg


    iHuAkQD.jpg


    dSeqoJp.jpg

    මාළු තෝරලා වෙන් කරලා කිරල විකුනන්න යන අවස්තාව.

     

    Dodo Mahaththaya

    Well-known member
  • Jun 2, 2017
    12,883
    2,747
    113
    Planet Earth
    වර්තමාන මාදැල් රස්සාවේ සිදු වෙන විනාශකාරී ක්‍රියා සහ අකටයුතුකම්.

    මේ ගැන කතා කලොත් ප්‍රධාන ම වැරැද්ද තමයි ට්‍රැක්ටර් යොදාගෙන දැල් ඇදීම.මේ නීතියෙන් අවසර තියෙන්නේ ට්‍රැක්ටරයේ පසුපසින් සවි කරන රින්ච් එකෙන් කඹය ඔතන්න පමණයි.
    නමුත් හැම තැනම සිද්ධ වෙන්නේ ට්‍රැක්ටරය වැල්ලේ උඩපහල යමින් වැල්ල හාරගෙන දැල් ඇදීම.
    මේ නිසා වෙරල ඉතා ඉක්මනින් හැරෙනවා, වෙරළේ බිත්තර දාන කැස්බෑවන් ගේ ආගමනය වලකිනවා.වෙරල ඛාදනය වෙනවා.ඒ නිසාම මුහුද ගොඩ එනවා.
    නමුත් මේ කිසිම දෙයක් ගැන මේ ධීවරයින් සැලකිලිමත් වෙන්නේ නැහැ වගේම බලධාරීන් පවා අල්ලසට හා පගාවට යට වෙමින් ඊට එරෙහි නීතිය ක්‍රියා කරන්නේ නැහැ.
    ඒ වගේම තමයි සමහර ධීවරයන් මාදැලේ යටි මන්දේ ( දැලේ යටින් තියෙන කඹය ) බරට ගැට ගහන ඊයම් බරු නියමිත බරට වඩා වැඩියෙන් යොදනවා.
    එතකොට දැල ඉක්මනින් යට යනවා වගේම අනිත් පැත්තෙන් දැල අදිද්දී මුහුදේ අඩියේ ගල්මල්, කොරල්, මුහුදු පැළෑටි සේරම හාරාගෙන එන්නේ.
    මේකත් නීති විරෝධී වැඩක්.

    මේ පලාත්වල මාදැල් යනු මම දුටු අසික්කිතම රැකියාවක්.

    මම එහෙම කියන්න හේතුව තමයි මාදැලේ මුදාලාලි හැමදාම පෝසත් සහ සුළු සේවකයන් හැමදාම දුප්පත්.
    සාමාන්‍යයෙන් මාදැලේ හිමිකරුවෙක් තමුන්ගේ දැලේ ප්‍රමාණය සහ සේවකයන් පිරිස අනුව එක් මාදැල් වාරයකදී අපේක්ෂා කරන ආදායම එකිනෙකට වෙනස්.
    මම ගිය මාදැලේ සේවකයන් 35 පමණ සිටිනවා.අධි ශීතකරණ ලොරි රථ 2ක්, බෝට්ටු 6,7, ට්‍රැක්ටර් 4ක්, ඔහු සතුයි.
    ඒ මාදැලේ එක වාරයකදී සාමාන්‍යයෙන් රුපියල් ලක්ෂ 60 - 70 අතර මුදලක් යටකලොත් අදායම රුපියල් කෝටි එකහමාරක් හෝ ඊට මදක් අඩුවෙන් අපේක්ෂා කරනවා.
    එතකොට දල වශයෙන් ඔහුගේ එක් මාදැල් වාරයක ශුද්ධ ලාභය ගැන ඔබට අදහසක් ගන්න හැකියි...
    මාදැලේ සේවකයන් මාසික පඩියට රැකියාව කරන්නේ.කෑමබීම සහිතව ඉතා සුළු පඩියක් තමයි ඔවුන්ට ගෙවන්නේ.
    මාදැල් සේවකයෝ හැටියට ගොඩක් දුරට ඉන්නේ එක්කෝ වයසට ගිය, අබාධ වලින් පෙලෙන ධීවරයෝ, මත්පැන්, මත්ද්‍රවය නිසා ජීවිතේ නාස්ති කරගත්තු තරුණයෝ, විවිධ ජීවිත ප්‍රශ්න වලින් පැන ගිය මිනිස්සු වගේ අන්ත අසරණ උදවිය.
    ඒ වගේම කුඩු ඇබ්බැහි වලින් බේරෙන්න මාදැල් රස්සාවට ආපු උදවියත් ඉන්නවා.
    ඔවුන් අතර හැම ජාතියකටම, හැම ආගමකටම අයිති මිනිස්සු ඉන්නවා.
    මේ පළාත් වල මාදැල් රස්සා කාරයන්ට හැම දවසකම බාල කසිප්පු සහ බීඩි අනිවාර්යයි.
    ඉතින් ගොඩක් වෙලාවට රණ්ඩු දබර, කෝලහාල, ඇනකොටා ගැනීම් එහෙම ඉතා සුලබයි.

    ( මේ කසිප්පු දෙන විදිහ දැක්කම මට මුලින් හිනත් ගියා. රෑ කෑමට කලින් ඔක්කොටම කෑගහල අඬගහනවා. අර පොඩි ළමයින්ට ටොපි බෙදනවා වගේ පෝලිමේ එක එක්කෙනා එන්න ඕනේ තමුන්ගේ කසිප්පු වීදුරුව ගන්න. හැමෝටම කෝප්පෙන් එකක් දෙනවා. සමහරු එම තැනම කටේ හලා ගන්නවා. සමහරු පොඩි බෝතලේකට හරි කෝප්පෙකට හරි අරගෙන ගිහින් පස්සේ බොනවා.හැබැයි මේකටත් එයාලගේ පඩියෙන් ගානක් කපා ගන්නවා.)


    ඒ වගේම මාදැලේ හිමිකාරයන්ගෙන් උනත් බොහෝ විට ගුටි බැට තමා ලැබෙන්නේ. මේවා අඩුවැඩි වශයෙන් හැමතැනකම වගේ දකින්න ලැබෙනවා.

    1cuFsNU.jpg


    goqIEqS.jpg


    tOfeCRl.jpg

    මේ තියෙන්නේ මාදැල් වාඩි. බිමට වැල්ලට උඩින් පරණ දැලක් එලලා තියෙන්නේ.ඊට උඩින් පැදුරක් එලාගෙන තමා නිදියන්නේ.

    හැබැයි මේ මිනිස්සු ඇත්තටම ගොඩක් අහිංසකයි.මොනතරම් දුෂ්කර රැකියාවක් උනත් සමහරු බොහොම සතුටින් ඉන්නේ.
    මොකද සමහරු මිහිපිට අපායවල් වල ඉඳල තමා මාදැලක රස්සාවට ඇවිත් තියෙන්නේ.

    මම ඒ හිටිය දවස් කිහිපයේ මම ඒ ගොඩක් දෙනෙක් එක්ක කතා කළා.....ඒ සමහරුන්ගේ අත්දැකීම් මම කියන්නම්.
    ( නම් ගම් සේරම මන:කල්පිතයි )

    මන්නාරමේ මුරුගන් මාමා.

    අවුරුදු 60,65 විතර වෙන මේ මනුස්සයා ට අදටත් අයිඩෙන්ටි කාඩ් එකක් නැහැ. අවුරුදු 15 වගේ වයසේදිමයි මුහුදු රස්සාවට ඇවිල්ලා තියෙන්නේ.
    යුධ කලබල කාලේ කල්පිටියේ , බත්තලංගුන්ඩුවේ ජීවත් වෙලා දැන් අවුරුදු 10 විතර ඉඳල මෙතන රස්සාව කරනවා.
    බොහොම නිහඬ වගේම ආගමික භක්තියෙන් යුක්ත මනුස්සයෙක්.අමාරුවෙන් වචනයක් දෙකක් කියව ගත්තත් ලියන්න බැහැ.

    නුවර තෙල්දෙණියේ ධනුෂ්ක

    උපතින්ම බෞද්ධයෙක්.මිනි මැරීමට තැත් කිරීමක් නිසා හිරේ විලංගුවේ වැටුණු තරුණයෙක්.හිරෙන් නිදහස් වුනත් නැවත ගමට, පවුලට මුහුණ දෙන්න බැරි නිසා අවුරුදු කිහිපයක් තිස්සේ මාදැලේ රස්සාව කරනවා.
    ඒ අවුරුදු ගණනාවටම ගෙදර ගිහින් නැහැ.ඉඳල හිටලා ගමේ යාලුවෙකුට කතා කරලා ගමේ විස්තර දැන ගන්නවා.
    පුදුම පසුතැවීමකින් ජීවත් වෙන මනුස්සයෙක්.

    කොළඹ මාලිගාවත්තේ වසීම්

    පොඩි කාලෙදිම කුඩු මුදලාලිලාට සේවය කරලා පස්සේ කාලෙක හිරෙන් නිදහස් වෙලා ජීවිතේ නැවත වැරදි නොකරන්න ඕනේ නිසා මාදැල් රස්සාවට සම්බන්ධ වුනු තරුණයෙක්.

    කොළඹ තුවාන්

    දඩබ්බර මුරණ්ඩු කම් නිසා පවුලෙන් නෙරපපු මනුස්සයෙක්.අම්මලා, අක්කලා සේරම දෙනා කැනඩාවේ පදිංචි.( ඒ මනුස්සයා ඒ බව කියන්නේ හරි ආඩම්බරෙන් ) ජීවිතේ වෙනින් ඔප්ෂන් එකක්වත් හරි නොගිහින් මාදැලේ වැඩට ඇවිත්.
    මෙතනත් වැඩි කාලයක් ඉඳීවිද කියන දේ විශ්වාස නැහැ.
    හැබැයි දක්ෂයෙක්. ඕනෙම දෙයක් හරි ඉක්මනට ඉගෙන ගන්න කෙනෙක්. පීනන්න පුරුදු වෙලා තියෙන්නෙත් මෙතන ආවට පස්සේ.

    පුත්තලමේ සුරංග

    තමුන්ගේ කසාද ගෑනි වේස කමේ ගිය නිසා පවුල් ජීවිතේ ගැන කලකිරිලා වහ බීව මනුස්සයෙක්.කොහොම හරි අවසානයේ මෙතන නැවතිලා.
    දක්ෂ ධීවරයෙක්.

    කුදිප්පාඩුවේ ඇන්තනි

    මෙයා තමයි දැලේ ඉරුම් මහන පුද්ගලයා. ඒ කිව්වේ මාදැලේ ඉරුමක් සිද්ධ උනාම එයා තමයි එව්වා මහල පිළිසකර කරන්නේ.
    කකුලක් අබ්බගාතයි. ඒ නිසා මෙයා මුහුදු යන්නේ නැහැ.ඒ වගේම කට්ටියගේ ෆෝන්, එහෙම පරිස්සම් කරන්න දෙන්නෙත් මෙයාට.
    දරුවෝ කිසි කෙනෙක් සලකන්නේ නැති නිසා මැරෙනකම් මාදැලේ ඉන්න තමයි මෙයාගේ බලාපොරොත්තුව.

    මේ උදාහරණ කිහිපයක් විතරයි.තව මේ වගේ කතන්දර ගොඩක් මේ මිනිස්සුන්ගේ ජීවිත වල ලියවිලා තියෙනවා.
    ඉතින් මොන තරම් දුෂ්කර උනත්, මුදලාලිගෙන් ගුටි කන්න සිද්ධ වුනත්,එක රුපියලක්වත් ඉතුරු නොවුනත් මේ මිනිස්සු මේ ජීවිතේට කැමතියි.
    ඒ නිසා ඒ ගැන හරි වැරදි විනිශ්චයක් දෙන්න අපිට බැහැ.

    කොහොම නමුත් මේ මිනිස්සු අතරේ මම ගත කරපු ඒ දවස් කිහිපයේ මම නම් සෑහෙන දෙයක් අවබෝධ කර ගත්තා.
    ඒ තමයි අපිට ජීවිතේ මොන තරම් පහසුද සහ ජීවිතේ අපිට මොන තරම් හොඳ දේවල් වලින් සංග්‍රහ කරලා තියෙනවද කියන දේ.
    මොකද සාධාරණ බව හැම තැනම නැහැ.

    මාදැල් වල හිමිකරුවන්ගේ සමහර ක්‍රියා ඇත්තටම අපිට අනුමත කරන්න බැරි වුනත් දරදඬු, කර්කශ ජීවිත වලට හුරු වුනු මේ වගේ මිනිස්සු ගොන්නක් පාලනය කරන්න සමහර වෙලාවට සුමට ක්‍රියාවලින් බැරි බවත් ඔවුන් දන්නවා.
    නමුත් ඉතින් රජයේ මැදිහත්වීමකින් එව්වා නියාමනය වෙනවා නම් මීට වඩා ලස්සනක් එව්වයේ තියෙයි.

    කොහොම නමුත් පාරම්පරික මාදැල් රස්සාව වර්තමානයට ගැලපෙන විදිහට,පරිසර හිතකාමී විදිහට සංශෝධනය වෙනවා නම් ඒක රැකියාවක් විදිහට අනාගතයට යමක් ගෙනියන්න පුළුවන් වේවි.
    නැත්තම් කාලයත් එක්ක අභාවයටම යාවි.

    කන්ද තොඩුවාව වෙරළේ , පල්ලියේ, වටේ පිටේ පොඩ්ඩක් ඇවිද්දා පින්තුරු ටිකක් ගන්න. එව්වත් මේ යටින් අමුණන්නම්...

    G66gmtJ.jpg


    Pj81s9D.jpg


    2jlYIEJ.jpg


    um0Iern.jpg


    0UQE0cY.jpg

    මෙතනට කියන්නේ තොඩුවා කට කියලයි. පොඩි වගුරු බිමකින් එකතුවෙන වතුර මෙතනට එකතු වෙනවා. වැස්ස කාලෙට මේක දෙගොඩතලා ගිහින් පොඩි මෝයක් නිර්මාණය වෙලා මුහුදට එකතු වෙනවා.

    zJIUKUj.jpg


    uP14TV9.jpg


    WZW3J6T.jpg


    8FzASR2.jpg


    lSXTZ0r.jpg

    කන්ද තොඩුවාව කානික්ක දේවමාතා පල්ලිය.

    C8HdkgS.jpg


    YeKMi1o.jpg


    RaXvphd.jpg



    එහෙම නම් එළකිරියේ අපේ කට්ටියට ජය වේවා.තවත් නූලකින් හම්බුවෙමු.....
    :):):):)
     
    • Like
    Reactions: Plusky

    C_A_S_P_E_R

    Well-known member
  • Apr 4, 2016
    1,574
    188
    63
    Umbanam Sirawatama patta kollek ban......
    What a life you have....

    TFS your experience with us........
     

    LazyLizard

    Well-known member
  • Aug 27, 2015
    59,037
    13,172
    113
    5
    කටුකරෝලගම
    පිටින් ඇවිත් මාළු අල්ලනවට කේස් දාන්නේ නැද්ද එහෙ අය. උතුරට දකුණෙන් එන්න එපා කියල කට්ටිය කෑ ගහනවා ඇහුනේ පහුගිය දවස්වල
     

    Dodo Mahaththaya

    Well-known member
  • Jun 2, 2017
    12,883
    2,747
    113
    Planet Earth

    You must spread some Reputation around before giving it to Dodo Mahaththaya again.

    Umbanam Sirawatama patta kollek ban......
    What a life you have....

    TFS your experience with us........

    No words to say...:love::love::love:
    You must spread some Reputation around before giving it to Dodo Mahaththaya again.

    සුපිරි ත්‍රෙඩ් එකක්

    සුපිරිම ත්‍රෙඩ් එකක් ඩොඩෝ...
    රෙප් දෙන්න බෑලු...


    patta machan

    Rep denna balu

    Patta godak dewal gana danuwath una


    Good post
    still dont have rep power.

    rep+

    thank you, very good post

    bump

    cant give reps yet

    very good post
    eka husmata kiyawwa

    Thanks machanla....:):):)

    රෙප් නම් අවුලක් නැහැ ...කියවල කමෙන්ට් එකක් දාන එකයි වටින්නේ.
    :yes::yes:
     

    Dodo Mahaththaya

    Well-known member
  • Jun 2, 2017
    12,883
    2,747
    113
    Planet Earth
    පිටින් ඇවිත් මාළු අල්ලනවට කේස් දාන්නේ නැද්ද එහෙ අය. උතුරට දකුණෙන් එන්න එපා කියල කට්ටිය කෑ ගහනවා ඇහුනේ පහුගිය දවස්වල

    ඔය එක්කෙනෙක්වත් පිටින් ආපු උදවිය නෙමේ...ඔය මාදැල් අයිති ඔක්කොම දෙනා වගේ ඔය පලාත්වල මුල් පදිංචි කාරයෝ.කෝකිලායි වල උනත් මෙහෙ ඉඳන් යන කට්ටියට මුහුදු රස්සාව කරන්න එහෙම ලොකු තහනමක් නැහැ.
    හැම අවුරුද්දෙම මීගමුවේ පැත්තේ සමහරු මුහුද වාරකන් කාලෙට කෝකිලායි යනවා එහෙ රස්සා කරන්න.

    අවුරුද්දට දෙපාරක් සංක්‍රමණය වෙනවා.

    දකුණේ ( , ගාල්ල තංගල්ල, දික්වැල්ල ....) මුහුදු රස්සාව වෙනස්.එහෙ ගොඩක්ම පාවිච්චි වෙන්නේ බහුදින ධීවර යාත්‍රා. එයාලට අවසර තියෙනවා ලංකාවේ ඕනෙම මුහුදු සීමාවක් ඇතුලේ මාළු අල්ලන්න.උතුරේ මිනිස්සු අකමැති ඔය වැඩේට.