මාළු ගද්දි අහපන්, දැල් මාළුද, බෝට්ටු මාළුද කියල.
දැල් මාළු අලුත්.
අනිත් එක තමයි මාළුවාගේ කරමලේ ලස්සන ලේ රතු පාට තියෙනවා නම් මාළුවා අලුත්.
කරමල බොර පාට, දුඹුරු වගේ නම් පරණයි.
තව ඔය බල, කෙලවල්ලෝ, ලොකු පරා වගේ මාළු කුරියාගේ බඩ අතින් මිරිකපන් ශේප් එකේ, බඩ ඇතුලේ තද වෙනවා නම් ඇතුලේ ගිලපු මාළු ඉන්නවා. එහෙම උන් ඉක්මනටම කුණු වෙන්න බලනවා. බඩ හිස් නම් තමා හොඳ.
පොඩි සාලයෝ, සුඩයෝ , හුරුල්ලෝ වගේ නම් මාළුවාගේ මැද්දෙන් ඇඟිලි දෙකෙන් අල්ලලා උස්සපුවම ඌ දෙපැත්තෙන් කඩා වැටෙනවා නම් පරණයි.
කකුළුවෝ නම් කට්ට හොඳට ඔබල බලලා ගනින්.හයියට තියෙන්න ඕනේ.ඒ වගේම කකුළුවාගේ සුදු පැත්තේ ඇතුලෙන් පාට අව පැහැ ගැන්නිලා නම් පරණයි.
