පද පේලි .....

[Amalka101]

සුදු හිම පියවිලි වැටෙනා
තයිගා වන හිම සුන්දර සිනා දැලේ
සඟවා හදේ හැඟුම්
මට නෙතු කඳුලැලි මතු නොම දෙන්
..................

 

[ronsilva]

සොවින් බර නුවන් විදාලා
තැවුල් පැවසුවා හඬාලා
යොවුන් ආදරේ අපේ
ගියේ ඇයි මෙසේ බිඳීලා.....

හදේ ජනිත වූ අමාවන්
සැබෑ ආදරේ අපේ
මුසාවන් නිසා අනුන්ගේ
බිඳීලා ගියා
අහංකාර වූ සිනාවෙන්
අපේ ආදරේ දවාලූ
ලොවේ චෝදනා නිසා මැවේ වේදනා.....

සදාතනික වූ හැඟීමෙන්
මගේ ජීවිතේ පුරා
යාවුනා කියා සිතූ මුත් ඔබේ ආදරේ
කඳුලින් කොපුල් තෙමාලු
මගේ ආදරේ මකාලූ
ඔබේ චේතනා නිසා සිතේ වේදනා.....

ගේය පද: හේමසිරි හල්පිට
සංගීතය: ක්ලැරන්ස් විජේවර්ධන
ගායනය: ටී.එම්.ජයරත්න

 

[Chrisanthie]

විරහ ගීතයෙන් අප සිත් සතන් සසල කල ප්‍රේමවන්තයා අපෙන් සමුගෙන වසර දොලහක් ගතවන අද වැනි දිනක, ඔහු ආදරයෙන් සැමරීම පිණිසයි.



මේ මැයි ගහ යට දවසක් දා
වැස්සට අපි උන්නා
රතු කැට වාගේ මැයි මල් පිපි පිපි
අපට සෙවන දුන්නා //

මැයි මාසේ එක සැන්දෑ වරුවක
සීතල වැහි පොද වැටෙන වෙලේ
ආදර වියෝවක් සිතින් එබෙන සඳ
වැහි පොද සේ නෙතු කඳුළු සැලේ //

වැහි පොද වැටුනත් ඉස්සර වාගේ
මැයි මල් පිපුනත් රතට රතේ
අප දෙදෙනෙක් නැත
අද මා පමණයි
මැයි ගස් සෙවනේ අඳුරු පෙතේ //

මේ මැයි ගහ යට දවසක් දා
වැස්සට අපි උන්නා
රතු කැට වාගේ මැයි මල් පිපි පිපි
අපට සෙවන දුන්නා ///



මිල්ටන් මල්ලවආරච්චි
(සමුගත් දිනය 1998.මාර්තු 10.)

 

[sandun thilaka]

විරහ ගීතයෙන් අප සිත් සතන් සසල කල ප්‍රේමවන්තයා අපෙන් සමුගෙන වසර දොලහක් ගතවන අද වැනි දිනක, ඔහු ආදරයෙන් සැමරීම පිණිසයි.

මිල්ටන් මල්ලවආරච්චි
(සමුගත් දිනය 1998.මාර්තු 10.)

ස්තුතියි අක්කි!

 

[Myth]

සිහිනෙන් ඔබ මට පෙනෙනව නම් අවදි නොවී ඉන්නම්... කිසිදා ඔබෙ අත නොලැබේ නම් සැමදා තනි වෙන්නම්....

 

[sandun thilaka]

සැදී රන් අභරණින් රිදී සළු පිළි දරා
නැගී රිය පෙරහරින් පැතූ පෙම් ලොව දවා
මනාලියවී ලඳේ ගියත් ඔබ ඔහු කරා
මගේ හදවත ඔබෙයි මගේ දිවි ඇති තුරා

අදින් පසු සිත ඔබේ අහිමිවන බව දනිම්
යළිඳූ අපි දිවිතුරා නොඑන බව යළි දනිම්
නොඑන බව යළි දනිම්

ඔබෙන් ලද සෙනෙහසේ සුවය නිති විඳින්නම්
සසර මතු භවෙක හෝ සුරත ඔබෙ පතන්නම්
සුරත ඔබෙ පතන්නම්

සැදී රන් අභරණින් රිදී සළු පිළි දරා
නැගී රිය පෙරහරින් පැතූ පෙම්ලොව දවා
මනාලියවී ලඳේ ගියත් ඔබ ඔහු කරා
මගේ හදවත ඔබෙයි මගේ දිවි ඇති තුරා...

- මිල්ටන් මල්ලවාරච්චි

 

[sandun thilaka]

පෙම් රජදහනේ ..අහස් මාලිගාවන්
සිඳී බිඳී නටබුන් විසිරේ
කොහේද මා යන්නේ

එදා පටන් පෙම් බැඳී
හැඬූ පෙම්වතුන් නෙතින්
මහා කඳූලූ ගංගා මැවුණා ලොවේ
එවන් නදී තීරයේ මා තනිවමයි මා අසරණයි

ගසේ එතෙන මල් ලතා
මියෙන පෙම් සුසුම් නොවේ
පාළු වෙරළ අයිනේ නාඬන් ඉතින්
නිරන්තරේ මා හදේ ඈ පිළිරුවේ රූසිරු මැවේ

පෙම් රජදහනේ .අහස් මාලිගාවන්
සිඳී බිඳී නටබුන් විසිරේ
කොහේද මා යන්නේ
කොහේද මා යන්නේ...

- මිල්ටන් මල්ලවාරච්චි
- රුක්මණී දේවි

 

[Chrisanthie]

ඔබ දැන් කීවත් කඳුළු සලා
මට ආදරෙයි කියා
හිත ගිය තැනකට තුරුළු වෙලා
මැණිකේ නොවෙනු මුලා

ඉස්සර වාගේ අත්වැල් බැඳගෙන
යන්නද කථා කලේ
දෙදෙනෙකු දෑතින් අල්ලා ගන්නට
එකවර නොහැක ලොවේ


ඔබ දැන් කීවත් කඳුළු සලා
මට ආදරෙයි කියා
හිත ගිය තැනකට තුරුළු වෙලා
මැණිකේ නොවෙනු මුලා

ලස්සන මල් පෙති දෑතක පොඩිවුන
සුළගේ විසිරෙනවා
මැණිකෙගෙ ආදර සුමිහිර ගිලිහුන
මගෙ හද නෙරපනවා

ඔබ දැන් කීවත් කඳුළු සලා
මට ආදරෙයි කියා
හිත ගිය තැනකට තුරුළු වෙලා
මැණිකේ නොවනු මුලා



මිල්ටන් මල්ලවආරච්චි

 

[ronsilva]

විරහ ගීතයෙන් අප සිත් සතන් සසල කල ප්‍රේමවන්තයා අපෙන් සමුගෙන වසර දොලහක් ගතවන අද වැනි දිනක, ඔහු ආදරයෙන් සැමරීම පිණිසයි.


කෙතරම් ආදරණිය ගායන ශිල්පියෙක්ද......
ඔහුව මතක් කරදීම ගැන නංගියට පිං...

ආදරයේ පුජනීය හඬ පෞරුෂය...මිල්ටන් මල්ලවාරච්චි ගායකයාණෙනි මතු භවයේ අප අතරම ඉපදේවා..

 

[ronsilva]

ගමනේ ගිම් නිවූ එදා
සැනසුම් පවන් සලා
ඔබ මා දවයි දිවා රෑ
හද සෝ සුසුම් හෙලා....

මතකේ තිබේද ඒ යුගේ
මාගේ චේතනා
වැටහෙන්නෙ දැන්ද ආදරේ
ශෝක වේදනා
ඝන අන්ධකාරයේ පාළුවේ කිමිදුනා
තනිවූයේ ඔබ නොවේ මා පවා තනිවුනා.....

ඔබ මංමුලා වෙලා ගියා පෙම් පහන් නිවා
අහිතක් හිතන්නෙ නෑ ප්‍රියේ සිහිනෙකින් පවා
අද ඔබගෙ ජීවිතේ කතරකී වාලුකා
හිනැහෙන්න යලි දිලී දයිවයේ තාරකා......

ගේය පද: කරුණාරත්න අබේසේකර
සංගීතය: එම්.කේ.රොක්සාමි
ගායනය: මිල්ටන් මල්ලවාරච්චි

 

[sandun thilaka]

ඔබ වෙනුවෙන් මා ගැයූ ගී පෙරදා
යළි මගෙ සවණේ නොරැඳී නොගැටී
සුළඟේ මිලින වුණාවේ

දවනු දැනෙයි සිසි කිරණ පවා
සිසිල නොදෙයි මද පවන පවා
ඔබෙ මුව පියුමේ තොල් පෙති අතරේ
ඔහුගේ නම රැඳූණාවේ

සුවඳ දැනෙයි ඔබේ උදය හවා
කඳූළු නැගෙයි නෙත රැයද දිවා
ඔබෙ මුව පියුමේ තොල් පෙති අතරේ
ඔහුගේ නම රැඳූණාවේ

ඔබ වෙනුවෙන් මා ගැයූ ගී පෙරදා
යළි මගෙ සවණේ නොරැඳී නොගැටී
සුළඟේ මිලින වුණාවේ
සුළඟේ මිලින වුණාවේ...

- මිල්ටන් මල්ලවාරච්චි

​

 

[sandun thilaka]

සිනහව අතරින් කඳුලක් උපන්නා
ඒ බැව් නොදැනම සිනහවක් ම පෑවා
සිනහව අතරින්...

හිම කැට වැටෙනා සීතල උදයක
ඇය හමුවූවා කඳුකර පෙදෙසක
හිම මෙන් පිරිසිඳූ ඔබෙ ආදරයේ
හිම මෙන් පිරිසිඳූ ඔබෙ ආදරයේ
සතුට ලැබෙන්නේ කෙලෙසද සොඳූරේ

කඳූලැලි දුන් ඔය නිල්මිණි දෑසට
හිම මෙන් පිරිසිඳූ ඔබෙ ආදරයේ
පමණයි කෙල්ලේ ආලය කෙරුවේ

හදවත ගොළු නැත මා මියුලැසියේ
ගොළු කලේ කවුදැයි ඔබ නේද දන්නේ
ඔබ පමණයි මගෙ සතුටට හිටියේ
ඔබ පමණයි මගෙ සතුටට හිටියේ
ඇයි ඒ සතුටත් ඉවතට දැම්මේ

නිල්මිණි දෑසට මම සුදු ආසයි
ඔබෙ ඔය දෑසට මම සුදු ආසයි
කවදත් නොලැබෙන මිරිඟුව ඒකයි...

- මිල්ටන් මල්ලවාරච්චි

 

[sandun thilaka]

සයුරුතෙරේදී අවන්හලේදී
දෙනෙතේ කතාවෙන් සිත්යාවුනේ
සිරවී රැඳී ඉන් කිමද ප්‍රියේ අප
තවම කතා නොකලේ

තඹුරු පිපී එහි බඹරු පිරී
සොඳූරු කතාවන් පවසා යතේ
නොනැඟේවිදෝ ඔබගේ ලයේ
එවැනි හැඟුම් රහසේ

පියවී ලොවේ නොලද සුවේ
සොයමි රැයේ මම සිහින ලොවේ
නොනැඟේවිදෝ ඔබගේ ලයේ
එවැනි හැඟුම් රහසේ

සයුරුතෙරේදී අවන්හලේදී
දෙනෙතේ කතාවෙන් සිත්යාවුනේ
සිරවී රැඳී ඉන් කිමද ප්‍රියේ අප
තවම කතා නොකලේ..

- මිල්ටන් මල්ලවාරච්චි

 

[ronsilva]

උපුල් නුවන් විදහා ඔබ සිනාසුනා මම සිනාසුනා
පුළුන් පොදක් කල මා ලඳකි වාසනා නම මෝනාලිසා....

හද පාරන මාරුතයේ ඔබ ආ හැටි ආදරියේ
හැමදාකම මා පැතුවේ සුවඳයි මලයි ඔබමයි.....

ගිමන් නිවා යන ගමනේ වාරු නගාලා
තුරුල් වුනා ඈ හිරිපොද හැඟුම් සලාලා
පැතුම් විමානේ දැල් කවුළුවෙන් බලාලා
දුටු උවනයි නිසල කලේ මා හද ජාලා

ගේය පද: ඔගස්ටස් විනයාගරත්නම්(දමිල ජාතිකයෙකුගේ ප්‍රබල ගී රචනාවක්)
සංගීතය: නිමල් මෙන්ඩිස්
චිත්‍රපටය: අහසින් පොළොවට
ගායනය: මිල්ටන් මල්ලවාරච්චි


මං කැමතිම ගීයක්..අහල බලන්නකෝ මෙතැනින්...

 

[ronsilva]

සුලං කුරුල්ලෝ හෙමින් ඉගිල්ලී
මල් සුවඳකි අර ගෙන එන්නේ
ආදර උයනේ දොරටුව ඇරගෙන
ඔච්චම් කරමින් පියඹන්නේ.....

සිහින පොතේ පිටුවක් පෙරලී අද
මොනවද එහි ලියැවී ඇත්තේ
ආදරේ.......

මතක ලොවේ දොර අගුළු හැරී අද
මොනවද එහි හිරවී ඇත්තේ
ආදරේ......


ගේය පද: ධර්මසිරි ගමගේ
සංගිතය: ප්‍රේමසිරි කේමදාස
ගායනය: හරූන් ලන්ත්‍රා සමඟ ඇන්ජලීන් ගුණතිලක
චිත්‍රපටය: සැනසුම කොතනද

 

[ronsilva]

ඔබෙ සුසුම් පවන් සලයි
මගෙ කොපුල් පුරා වෙලෙයි
ඔබෙ සෙනෙහස ගොඩ ගලයි
උණුසුමට මාව තෙමෙයි......

මා ඔබෙයි ඔබම කියයි
ඔබ මගෙද මටම බයයි
ඔබ සඳක් වගේ හැඩයි
හෙට අමාවකද සැකයි....

ඔබ හැඟුම්බරව දොඩයි
ඒ වදන් කවිම තමයි
ඔබ වසන්තයක් වගෙයි
හෙට ගිමන් කලද සැකයි.....

ගේය පද: රවි සිරිවර්ධන
සංගීතය: රෝහණ වීරසිංහ
ගායනය: දයාන් විතාරණ

 

[ronsilva]

එක මොහොතක් ඔබ සෙවනේ හිඳින්නට තරම්
කල්පයකින් අසුරු සැනක් පමණ නැත වරම්......

කඳු ගිරි හෙල් රළු බොරලන පිය මග මනිමි
අහසයි පොළොවයි එක්වන දවසක් ගනිමි
මල් පොකුරකි එක නටුවකි ඒ බව සැබැවි
එක හිත ගැන සිත් දෙකකින් නොසිතනු මැනවි.....

පිලිවෙලකට නැති ලෙස තරු අහසේ අතුරා
සඳ පමනක් සළුපිලි ඇඳ එයි වත සපුරා
මග සලකුණු දක්වා හිනැහෙන එළි පතුරා
බැස යන ලෙස නොරැඳෙනු මැන ගඟ දිය උතුරා...

ගේය පද: ප්‍රේමකීර්ති ද අල්විස්
සංගීතය: මර්වින් පෙරේරා
ගායනය: මර්වින් පෙරේරා සමග අමිතා වැදිසිංහ

 

[thilzz]

තරු කැටයක් වී රෑ අහසේ දිලෙනා
ඔබ එන මග සරසන්නම් එළිය වෙලා
පිනිදිය වැටෙනා සැන්දෑ අහස වෙලා
ඔබ එනවානම් මේ තනිකම හැරදා

 

[isuruimg]

I don't want to have to see you happy.
I can't even bare to see you smile.
Now-a-days I can't look in your eyes
Well I can but it takes a while to show
Told a lot of white lies to hide it all.
But they're beginning to break me down,
Though I promise it's over now.

I'm gone.
I don't blame you at all.
'Cause after all the things that you did for me
I Got beaten by temptation
I'm gone.
Girl you're better off alone.
I don't want you to see, the truth in me.
I'm gone.

Jay sean
maxxa song ela

 

[Amalka101]

පටන් ගත යුතු නිසි තැනක් ඇත්නම්
නිමාවද පැහැදිලිය එය හොඳ නම්
අහස තෙක් ලොව දිනන්නට හැකිනම්
පුතුනි එදිනට මම සිනාසෙන්නම්