පද පේලි .....

[DAMER]

රුදුරු තුරු වදුලේ..
තියුණු කටු අතරේ..
දිලෙන සියුමැලියේ..
ඔබයි ජීවන සුවඳ දෙන්නේ..
රෝස කුසුම මගේ..

 

[DAMER]

රුවන් තාරකා නුවන් පායලා..
හිඳින් හදවතේ රැඳී වේදනා නිවා..

නිසල රැයේ නැඟෙන සඳේ සිසිල වූ ඔබේ..
සෙවණ ඇගේ සුවය ගෙනේ නිබඳ මා වෙතේ..

තිසරවිලේ පිපුණු මලේ රැඳූණු ආදරේ..
සුවඳ ගෙනේ සතර දෙසේ යොවුන් මාවතේ..

රුවන් තාරකා..

 

[keshara]

අතීතය සිහි නැඟී
අද හඬා වැටුනත්
මදක් එදවස දෙස
තේරුම් ගෙන කල්පනා කළහොත්
අද නෙතඟින් වැටෙනා කඳුලට
තිතක් තැබිය හැකිවනු ඇත....

 

[Alex Mercer]

ඉවසයිද මන්දා මා දුන් රිදුම් වෙන් වීලා ආ දා වෙනතක් බලන්
උන්නාට මා රහසේ තුරුල්ලක හිමින්
මට ඉන්න බෑනේ මතකෙට හොරෙන්........

 

[~Titi~]

හඬවන්නේ ඇයි මාව රහසින්
සඟවන්න ඔය නුරා බැල්මන්
තහනම් හීනයේ දෑස යාවුනේ
සනසන්න ඔය දෙතොල් පහසින්
නැලවෙන්න මා ගාව රහසින්
තහනම් නේද මේ මැරුණු ආත්මයේ

සීමා නෑ මායිම් නෑ
දෑසින් කී කතා නිමාවෙන්න නෑ
සීමා නෑ මායිම් නෑ
තරු ඇස් කී කතා නමක් දුන්නේ නෑ

හැම රෑම ළඟ ඉන්න සිහිනෙන්
සැනසෙන්න ඉඩදෙන්න සුවඳින්
එක්ටැම් ලොවක නෑ පැතූ ආදරේ
හුරතලෙන් දැවටෙන්න ආසයි
හිත ළඟම තනිවෙන්න ආසයි
සරදම් ඕනේ නෑ පාලු ජිවිතේ

සීමා නෑ... මායිම් නෑ....

නන්නාදුනන ලෙසින් ඔබ ඉන්නේ ඇයි දුරින්
උතුරනා ආදරෙන් තෙමන්න දෝ ලවන්
රෑ අහසේ පායලා තරු වසන්නේ කෝම මං
පියා ගන්නෙමි ඇස් යන්න හීන අරන්

සීමා නෑ... මායිම් නෑ....

- Abisheka Wimalaweera -

 

[C h o p p e]

​

 

[amila_90210]

තාරකා නිව දමන්න නෙත් කැළුම් විදා
මා සිතේ විඩා නිවන්න පෙම් පවන් සලා
සඳත් වසන් වෙලා රැයක් මුදුන් කලා
පාව යයි සුන්දරයි ජීවිතේ..

 

[DAMER]

පිහිටක් නැති සරණක් නැති..
සතුටක් ඇති මුහුණක් නැති..
මේ සසර දනවුවේ..
අපි අසරණ වෙලා වගේ හිතට දැනෙනවා..
බුදු හාමුදුරුවනේ..

 

[DAMER]

විදුලි මිණි පහන් දැවී..
බොළඳ ගී සිනා රැලී..
නිලංකාර අඳුරේ සිරවී..
සැන්දෑ සාදයේ..
කුරා කුහුඹු මිනිසා වෙමි මා..
ඔබේ මන්දිරේ..//

 

[Malinga]

රන් පාට දෑසේ දිලේ
සඳ වාගෙ මදහාස දේ
දෙසි‍තේ පැතුම් මල් පිපී
පවසා ද හද ආදරේ

ඒ නීල නයනේ මැවෙන්නේ
සඳුගේ ම කැලුමන් නෙතේ
මා ඔබ ඇසුරේ ගයන්නේ
අම ප්‍රේම ගීතාවනේ

රන් පාට දෑසේ ...........

ගී රාව නැංවී දසන්තේ
සුවඳේ ම හද මල් පිපී
ඒ මධු සුවඳින් ගලන්නේ
අනුරාග ඡායා මැවී

රන් පාට දෑසේ ...........


ගායනය :- මර්වින් මිහිඳුකුල

 

[amandi3891]

කප් සුවහස් කල් පෙරුම් පුරාගෙන
අනන්ත බාධක දුක් පීඩා විඳ
භවෙන් භවය යන මං සළකුණු දැක
ඔබව සොයා ආවා

සත් සමුදුර තරණය කර ආවා
සත්කුළු පව් අතරින් දිව ආවා
තරු එළියෙන් පියවර මැන ආවා
ඔබව සොයා ආවා

නොනිමෙන ගමනක ආශා පොදි බැඳ
මිරිඟුව පසුපස දිව යන ඉකිබිඳ
දිවි වෙණ වැයුමට ඔබ පසෙකින් හිඳ
ඔබව සොයා ආවා

- නන්දා මාලනී​

 

[thanujaka]

ඔබ මා හමුවුන මේ ඉර හඳ යට
කොතනක සිටියත් මා මළ දවසක
මගෙ ලඟ තනියට ඉනු මැනවි
මගෙ ලඟ තනියට ඉනු මැනවි

ඔබ සිත මා සිත හමුවූ දා සිට
මා ලය පීදී පරවු පෙම් මල
සිතින් තුරුළු කර මා මළ දවසට
මගෙ ලඟ තනියට නු මැනවී

කඳුල සුසුම නොහෙලා නොදොඩා අපි
මිරිඟු සයුර වෙත පියමං කල හැටි
සිතින් දරාගෙන මා මළ දවසට
මගෙ ලඟ තනියට ඉනු මැනවි

 

[m3pium]

මා නුවන් පුරා නිල් අහස වසා
මා ලවන් පුරා මල් සුවඳ සදා
මල් හීන වැසි වටෙනා විල් තෙරේ
උණ පඳුරු සෙවනේ
රෝස මල් සිප ඇදෙන පෙම් සුළගේ
ආකාස කුසුම් යහනාවේ

 

[thanujaka]

සඳක්නම් බැස යන්න තිබුණා
හඬන අහසට අඳුර දී..
මලක් නම් ගිලිහෙන්න තිබුණා
කටු අගට ලස්සන නොදී..

 

[thanujaka]

පායන් රන් සඳ පෙරගිරි මුදුනින්
නැග එන පාලුව නිවා දමා
කොතෙක් වෙලා මම බලා සිටින්නද
ඔබ එන තුරු හිස් දෙනෙත් යොමා

 

[thanujaka]

ළා හිරු අවරින් ගිලෙන සැනින්
පුංසඳ වී පායා ඇවිදින්
ඔබ මා අඳුරින් මුදන පිණෙන්
ආදරයේ කොඳ කැකුළු දකිම්

 

[thanujaka]

සැදී රන් අභරණින් රිදී සළු පිළි දරා
නැගී රිය පෙරහරින් පැතූ පෙම් ලොව දවා
මනාලියවී ලඳේ ගියත් ඔබ ඔහු කරා
මගේ හදවත ඔබෙයි මගේ දිවි ඇති තුරා

 

[thanujaka]

සැදී රන් අභරණින් රිදී සළු පිළි දරා
නැගී රිය පෙරහරින් පැතූ පෙම් ලොව දවා
මනාලියවී ලඳේ ගියත් ඔබ ඔහු කරා
මගේ හදවත ඔබෙයි මගේ දිවි ඇති තුරා

 

[thanujaka]

පායා සීත රැයේ පාවී නිල් අඹරේ
දිළෙනා තරුවේ තනිවූ තරුවේ
ඈ නෑ මා සෙවණේ

 

[thanujaka]

පැහැසරණිය මිණි පැමිණිය කොත් අගට
බඳ කිකිණිය දද ගිහිණිය විමන් වට
නොව පැරණිය වන රමණිය විටින් විට
සැළලිහිණිය වදු කැලණිය පුරවරට