පද පේලි .....

[Amalka101]

ඉපනැලිද රගයි
දෙනි කෙතද සැලෙයි
ගං දොර සැමරුම් හමුවේ

මගෙ වෙහෙර නුඹයි
අත නෙළුමක් වෙයි
පිදුමට පින් මදිද සිතේ

මේ ගමන දුරයි
නුඹ තරු ලකුණයි
එළියෙන් දරුවන් සැනහේ

නුඹ මවක වගේ
සිත බැතිබර වේ
ඉන් මගෙ දෑසම බොදවේ

~ නන්දා මාලනී & සුනිල් එදිරිසිංහ ~

 

[sandun thilaka]

ඉපනැලිද ලගයි
දෙනි කෙතද සැදෙයි
ගං දොර සැමරුම් හමුවේ

මගෙ වෙහෙර නුඹයි
අත නෙළුමක් වෙයි
පිදුමට පින් මදිද සිතේ

මේ ගමන දුරයි
නුඹ තරු ලකුණයි
එළියෙන් දරුවන් සැනහේ

නුඹ මවක වගේ
සිත බැතිබර වේ
ඉන් මගෙ දෑසම බොදවේ

~ නන්දා මාලනී & සුනිල් එදිරිසිංහ ~

හරිම ලස්සන සිංදුවක්... සිංදුව තිබේද ?
මගෙ ළඟ තියෙන්නෙ විඩීයෝ එකෙන් ගත්ත එකක්

 

[Amalka101]

හරිම ලස්සන සිංදුවක්... සිංදුව තිබේද ?
මගෙ ළඟ තියෙන්නෙ විඩීයෝ එකෙන් ගත්ත එකක්

මියුරු ගී එකෙන් තමා මමත් අහන්නෙ

 

[sandun thilaka]

මියුරු ගී එකෙන් තමා මමත් අහන්නෙ

එහෙමද අවුලක් නෑ
මෙන්න

 

[Amalka101]

එහෙමද අවුලක් නෑ
මෙන්න

ශෝයි........... තැන්ක්යූ සහෝදරයා

 

[sandun thilaka]

නිල් අහසේ උමතු වළා
ගොළුවී දුකසේ පාවෙනවා
ගිම්හානේ හිරු නැගලා
පිපුණු කුසුම් පෙති පරවෙනවා...

 

[sandun thilaka]

සපු දුනුකේ මල් හෙවණේ
දුංහිඳ ළඟ පෙණ බුබුලේ
අපේ කතා ගොළුවීලා
කටු අකුලක දැවටීලා....

දිළෙන්න බැරි තරුවක් වී
අමාවකේ සැඟවීලා
නොඑන්න ගිය බඹරෙක් වී
සරදම් කර පිටුපාලා

රුවල් කඩා දිවි ඔරුවේ
මහසයුරට දන්දීලා
ඔබ වැජඹේ නෞකාවක
කුඹගස යට හිනැහීලා

සපු දුනුකේ මල් හෙවණේ
දුංහිඳ ළඟ පෙණ බුබුලේ
අපේ කතා ගොළුවීලා
කටු අකුලක දැවටීලා....

╗ නන්දා මාලනී ╔

 

[Amalka101]

සුදුවට පිරුවට ඇදගෙන එන්නේ
දානෙට සීලෙට මුලටම ඉන්නේ
වයසට යනකොට මොනවද වෙන්නේ
කට වටකර වැට කොහොම බදින්නේ

ගම අවුලඤ්ඤං - හබ පටලඤ්ඤං
ගිනිගෙඩි දෙඤ්ඤං දෙඤ්ඤං දෙඤ්ඤං

~ ලයනල් රන්වල ~

 

[ela_eluwa120]

සව්සිරියෙන් පිරි සිංහල දීපේ
සිව්රියනේ සහනය කොතැනා
ස්වර්ග රාජ්‍යයේ නිර්වාණේ සැප
පදමට විදවනු මැන මෙතැනා

~ සංගීත් වික්‍රමසිංහ - News Song ~

 

[ela_eluwa120]

බම්බලපිටියෙදි බසයට නැගි සුදු නංගෝ
දෙහිවල හරියෙදි ලඟටමවිත් ඉඳ ගත්තෝ
බම්බලපිටියෙදි බසයට නැගි සුදු නංගෝ
දෙහිවල හරියෙදි ලඟටමවිත් ඉඳ ගත්තෝ
සොයිසාපුරයෙන් ඔබ බැස යාදෝ පානදුරේටම ඔබ පැමිනේදෝ
Address එක ගයිදෝ

 

[Amalka101]

මොකො...............මරු සිංදුව නේ?

 

[Amalka101]

සීතාවනි ඔබ හැඩරුව ඇති බව
දිවිහිමියෙන් පතිදම් සුරකින බව
දනිමි ඔබත් දැනගතයුතු මේ බව
ඔබෙ සෙනෙහස මට ඕනෑ නැති බව

අපෙ කුළ ගොත වත ඉහළයි හැම විට
එහි අභිමානය රකිනෙමි හැමවිට
අන් සතු අගනක් සෙනෙහස පැතුමට
දීන නොවෙයි මේ රාවන පෙළපත

මගෙ සොහොයුරියක් පෙර දවසක්දා
රාම කුමරුගෙන් හිරිහැර වින්දා
පිළිතුරු ලෙස ඔබ සිරකර රන්දා
හෙළ පෙළපත අබිමන් දද බැන්දා

~ ප්‍රේමසිරි නානායක්කාර ~

 

[m3pium]

තව සුසුම් වල උණුසුම කුමටද
මට තියෙන්නෙ තනිකම තනියට

 

[nwnbs]

ඇය යන්න ගියා මැකිලා
........... තුරු සෙවනැලි අතරේ
ගී ගයමින් හිඳ මා තුරුලේ...
ඇය යන්න ගියා මැකිලා...//
පිනි කඳුලක් මල් පෙති අග තවරා
මිහිදුම් සළුවෙන් මුහුන වසා...

-අමරසිරි පීරිස්-

 

[isuruimg]

 

[thilzz]

අ‍හ‍ස‍යි‍ ඔ‍බ‍ ම‍ට‍ නි‍ම්‍හි‍ම්‍ නො‍පෙ‍නෙ‍න‍
ඉ‍ණි‍මං බඳිනු බැරී
අනාත සයුරක වැසි දිය දෝත ඔබයි
අගාධ අඳුරක දුල රන් සිලුව ඔබයි

අ‍හ‍ස‍යි‍ ඔ‍බ‍ ම‍ට‍ නි‍ම්‍හි‍ම්‍ නො‍පෙ‍නෙ‍න‍
ඉ‍ණි‍මං බඳිනු බැරී

~ දීපිකා පීරිස්

 

[nwnbs]

ආදරයේ උණුසුම ලඟ දුක දැනෙන්නෙ නෑ
දුක් කරදර නැති දවසට දුර පෙනෙන්නෙ නෑ
ජීවිතයේ හැමදාමත් සැප ‍රැ‍ඳෙන්නෙ නෑ
සිනහ වෙවී සිනහ වෙවී කල් ගෙවන්න බෑ...

-සෝමතිලක ජයමහ-

 

[Malinga]

ප්‍රේමය ලොව හැමතැන ම ඇතී
හැම දෙනට ම හමුවෙලා ඇතී
එනමුදු ප්‍රේමය කිමැයි කියා
හඳුනාගත් කිසි කෙනෙකු නැතී

විල් තෙර දිය යට දියබුන් නගනා
ප්‍රේමයෙ දිය උල්පත නිසලයි
සියපත විල මත පුබුදන මුත් යස
උල්පත හැමදාමත් නිසලයි
ප්‍රේමය හැමදාමත් නිසලයි

ප්‍රේමය ලොව ..............

සුවිසල් රුක් ගොමු දෙරණත රඳවන
ප්‍රේමයෙ මුල් පස යට සැඟැවෙයි
නන් පල මල් දළු පුබුදන මුත් ගස
මුල් රැස කිසි කෙනෙකුට නොපෙනෙයි
ප්‍රේමය කිසි කෙනෙකුට නොපෙනෙයි

ප්‍රේමය ලොව ..............

ගායනය :- චන්දන ලියනාරච්චි

 

[thanujaka]

මං මුලාවී පාර සොයාගෙන
සසරක් අසලින් යන ගමනේ
මංමුලාවූ සමනළියකගෙනි
පාර අසා සිටියේ.....


කපුගේ

 

[nwnbs]

අනගාරික ධර්මපාල ශ්‍රී නාමය සිහි කරන්න
තෙරුවන් වැඳ උදේ සවස පින් අනුමෝදන් කරන්න
අනගාරික ධර්මපාල ශ්‍රී නාමය සිහි කරන්න
තෙරුවන් වැඳ උදේ සවස පින් අනුමෝදන් කරන්න

බුද්ධ භූමියට බුදු හිමි ගෙන ගිය පිංවතානෝය
මූලඝන්ධ කුටිය මතින් පෑයූ පුන් සඳානෝය
රට රට වල මහ මුණි බණ පළකල දූතයානෝය
මහා බෝධි සෙවනේ මතු බුදුවන බෝසතාණෝය

සිංහල ගොන් තඩියන්ගේ මොළ සේදූ වෙදානෝය
සුද්දන්ගේ පාහරකම් මැඩලූ සිහ රජාණෝය
සංකර සිරිතට එරෙහිව හඬ දුන් කථිකයානෝය
මතු මතු සිරි කල ඉපදිය යුතු යුග පුරුෂයානෝය

-නන්දා මාලිනී-