Avengers: Infinity War - Exclusive සිංහල Review [Scene by Scene]

[choppe]

Avengers: Infinity War - Exclusive සිංහල Review [Scene by Scene]

වසර 10 ක කාලයක් තිස්සේ ඉදන් plot එක නිර්මාණය වන Avengers: Infinity War චිත්‍රපටය ලොව පුර තිරගත වීම ආරම්භ වුනේ 2017 අප්‍රේල් 27 වනදායි. Joe Russo සහ Anthony Russo විසින් අධ්‍යක්ෂණය කල මෙය රංගනයෙන් Robert Downey, Jr., Chris Hemsworth, Mark Ruffalo, Chris Evans, Scarlett Johansson, Benedict Cumberbatch, Don Cheadle, Tom Holland, Chadwick Boseman, Paul Bettany, Elizabeth Olsen, Anthony Mackie, Sebastian Stan, Danai Gurira, Letitia Wright, Dave Bautista, Zoe Saldana, Josh Brolin, සහ Chris Pratt දායක වෙයි. Marvel Cinematic Universe වල 19 වන චිතරපටය ලෙස නිර්මාණය වන මෙයට IMDb හි 8.6 අගයක් (MCU චිත්‍රපටයක ඉහලම අගය) ලබා ගත්තත් rottentomatoes වල හිමි වන්නේ 84% ක් අගයක්. මෙහි production budjet එක ඇමෙරිකානු ඩොලර් මිලියන 400 කට ආසන්නයි. ඒ එදා මෙදා තුල චිතරපටයක් සදහා වෙන් කල ඉහලම අගයයි. අදායම් වාර්තා අතරින් ගතහොත් මේ වනවිට ඇමෙරිකානු ඩොලර් බිලියන 2.04 ඉපයිමට සමත් වෙලා තියෙනවා. ඒ අගය ලොව 4 වෙනි වැඩිම බොක්ස් ඔෆිස් අදායමයි.. ඉතින් මේ චිත්‍රපටය බිද හෙලු අනිත් වාර්තා ගැන විෂශේයෙන් කියන්න ඕනි නෑ. Trailer එකේ ඉදන්ම වාර්තා බිදලයි තියෙන්නේ. මේ චිත්‍රපටය පැය 2යි විනාඩි 29ක් පුරාවට දිග හැරෙනවා. ඒ MCU චිත්‍රපටයක වැඩිම runtime එකක් තියන චිත්‍රපටයයි. ඉතින් කලින් කිවව විදියට මේ චිත්‍රපටය නියම රස්වාදය ගන්න MCU එකේ සෑම චිත්‍රපටයක්ම නරබලා තියෙන්නේ ඕනි. මොකද කලින් චිත්‍රපට 18 ම හා මේ Avengers: Infinity War සම්බන්ධ වෙනවා. #ItsAllConnected. එහෙම බලන්න නොහැකි වුණ අය අඩුම ගානේ මේ Preview එකවත් කියවලා එන්න. එකෙන් පොඩි අවබෝධයක් ගන්න පුළුවන් මේ චිත්‍රපටය ගැන. එහෙනම් වැඩිය කතා නැතුව යමු රිවිව් එකට. ඉතින් කලින් පාර රිවිව් වගේ මේ රිවිව් එකත් හැමෝටම තේරුම්ගන්න ලේසි විදියටයි ලියලා තියෙන්නේ. ඒ වගේම කොමික් දේවල් එක්ක පැටලෙවෙන නැති විදියටත්.!

කතාව පටන් ගන්නේ Sanctuary යානයෙන් Asgardian Ship එකට ප්‍රහාර එල්ල කරන සිදුවීමකින්

Thor: Ragnarok එකේ post credit scene එකේදී අපි දැක්ක Sanctuary එක මේ Asgardian Ship එක ඉදිරියට එන අවස්ථාවක්. ඒ වගේම මේ Asgardian Ship එක Loki, Korg සෙට් එක Sakaar වල Grandmaster ගෙන් පහරගෙන් ආව යානාවක්. මේකේ නම Statesman. ඉතින් මේ යානාව යුධ යානාවක් නෙවේ. මේ නිසා Sanctuary එකට බොහොමලේසියෙන් Asgardian Ship එකට ප්‍රහාර එල්ල කරන්න පුළුවන් වෙනවා. මේදා පාර movie එක පටන් ගන්නෙම Marvel Studio intro එකෙන්මයි. හැබැයි මේ පාර ටිකක් intro ටිකක් වෙනස්. ඒවගේම intro එක අවසාන වෙන්නත් කලින්ම අපිට අහන්න ලැබෙනවා announcement, Asgardian Ship එකෙන්. මේ වගේම announcement එකකින් තමයි Avengers Age of Ultron ආරම්භ වුනේ. ඒ Avengers ල Hydra base එකට පහර දෙන අවස්ථාවේදී.

Ebony Maw ගේ මෙතැනදී ප්‍රකාශ කරනවා Thanos ගේ අරමුණ මොකද්ද කියලා. ඒ වගේම මිය ගිය Asgardian කීප දෙනෙකුත් දකින්න පුළුවන්.

Thanos ගේ මොන වගේ කෙනෙක්ද කියලා අපිට පොඩි අදහසක් ගන්න පුළුවන් වෙනවා මේ Ebony Maw කතාවෙන්. Thanos ගේ අරමුණ වෙන්නේ විශ්වය හැම දෙයකින්ම සමබර කරන්න. Ebony Maw, Black Order කණඩායමේ සාමාජිකයෙක්. Black Order කියන්නේ Thanos ගේ හදා වඩා ගත් දරුවන් හතර දෙනාගෙන් [Ebony Maw,Proxima Midnight, Corvus Glaive, Cull Obsidian)සැදුන කණ්ඩායමක්. Thanos යටතේ හැදී වැඩුන Gamora සහ Nebula මේ Black Order කණ්ඩායමට අයත් වෙන්නේ නැ. කොමික් වලදී අපිට Black Order කණ්ඩායමේ මොවුන්ට අමතරව Supergiant ව සිටියත් Avengers: Infinity War චිත්‍රපටයට යොදා ගැනුනේ නෑ. එත් Supergiant තියන පවර්ස් අපිට දකින්න ලැබුනා Ebony Maw ගෙන්. උදාහරණයකට ගත්තොත් දුර ඇති දෙයක් මනසින් හසරවීමේ හැකියාව, අහසේ පාවෙමින් ගමන් කිරීමේ හැකියාව වගේ පවර්ස්.

මෙතනදී අපිට Thanos ව ඉස්සෙලම දකින්න පුළුවන්. ඒවගේම පහර කෑමට ලක් වුණා Thor වත්.

Thanos full costume එකෙන්ම අපිට මේ movie එක පුරාවටම දකින්න පුළුවන් වෙන්නේ මෙතැනදී විතරයි (flashback එකක් ඇරෙන්න). Thanos ගැන අපිට කලින් එක රිවිව් එකකින්වත් කතා කරන්න ලැබුනේ නෑ. Thanos ගේ ග්‍රහලෝකය වෙන්නේ Titan. මෙහි ප්‍රධානියා විදියට ඉදපු Thanos, මුළු MCU චිත්‍රපට පුරාවටම Ininity Stones හොයා යන්න උත්සහ කළා. Avengers movie එකේ නිව් යෝක් සටන, Guardians of the Galaxy movie එකේ Xandar සටන මේ නිසා ඇති වුණ සටන්. කොමික් වලදී Thanos කියන්නේ Celestials ගෙන් පැවතගෙන එන කෙනෙක්. MCU දී අපිට හම්බවුන Ego ත් මේ Celestials කෙනෙක්. නමුත් Thanos ගේ MCU එකේ Celestials කෙනෙක්ද කියල සදහන් වුනේ නෑ.
Thor: Ragnarok බලපු අයට මතල්ක ඇති post credit scene එකේ Sanctuary එක Asgardian Ship එක ඉදිරියට එද්දී Thor සහ Loki හිටියේ එකට. එත් මෙතනදී Loki කිසිම තුවාලයක් නොමැතිවත් Thor දරුණු විදියට තුවාල වීම නිසා අපිට හිතාගන්න පුළුවන් මේ Asgardian Ship එකට එල්ල කරපු ප්‍රහාර වලින් සිදු වුණා දෙයක් නෙවේ කියලා. ඒ කියන්නේ මේ සිදුවීමට එන්න කලින් Thanos, Thor එක්ක battle එකක් තිබිලා තියෙනවා වෙන්න පුළුවන්. Thanos, Loki අතර ගනුදෙනු තිබිලා තියනවා කියලා දන්නවා ඇති Avengers පලවෙනි movie එක බලපු අයට. මතක ඇති Thanos දෙනවා Lokiට Mind Stone එක පෘතුවියේ තියන Tesseract (Space Stone) එක රැගෙන එන්න. මේ නිසා තමයි New York සටන ඇති වුනෙත්. නමුත් ඒක සාර්ථක වුනේ නෑ Avengers ලා නිසා. ඔතින් මේ Tesseract (Space Stone) එකමයි Thanos නැවත සොයාගෙන Loki ලගට ඇවිත් තියෙන්නේ.

Thanos ගේ Infinity Gauntlet එකේ දැනටමත් Power Stone එක තියෙනවා. Thanos කියනවා Loki ට තම සහෝදරයාගේ ජීවිතය වෙනුවෙන් Tesseract එක ලබා දෙන ලෙස.

Thanos මෙතනට එන්න කලින් Xandar වල Nova Corps වලට පහර දීල Power Stone එක අරගෙන තියෙනවා. Power Stone එක Xandar වලින් ගන්න අවස්ථාව අපිට movie එකේදී දකින්න ලැබෙන්නේ නෑ. මේ Stone එක ලබා ගැනීමෙන් පසු Thanos Xandar වල ජනගහනය භාගයක්ම මරා දමා තිබෙනවා. Infinity Gauntlet එක අපිමේ දකින හතර වෙනි movie එක. මීට පෙර තිබුනේ Thor: Ragnarok, Avengers: Age of Ultron සහ Thor movie එකේ

Thanos අතට Tesseract එක ලබා දීමට පෙර එතනට එන Hulk, Thanos මග සටනක් ඇති වෙනවා. පහසුවෙන්ම Hulk ව පරාජය කරන්න Thanos ට හැකි වෙනවා.

තම අවසන් ශක්තියෙන් Bifrost බලයෙන් Hulk ව පෘථිවියට යැවීමට සමත් වෙන Heimdall මේ හේතුවෙන් Thanos, Heimdall මරා දමනවා.

Tesseract එක ගෙන Ebony Maw, Thanos හට ලබා දෙන අතර එය කඩා එහි Space Stone එක Infinity Gauntlet එක තුලට ඇතුලත් කර ගන්නවා.

Ebony Maw මෙතනදී ප්‍රකශ කරන දේ. ' My humble personage.bows before your grandeur. No other being has ever had the might,the nobility, to wield not one' දකින්න පුළුවන් කොමික් වලදීත් Thanos හට පවසන අවස්ථාවක්.

පෘතුවියේ තියන stones දෙක රැගෙන ඒමට Black Order කණ්ඩායම පිටත් කිරීමට සුදානම් වන Thanos හට Loki කියනවා පෘතුවියට පහර දීමට තමාට පළපුරුද්දක්‌ ඇති බැවින් තමාවත් යවන ලෙස. මේ කතාවෙන් මග යවා Loki Thanos ට පහර දීමට සුදානම් වෙනවා.

Space Stone එක මගින් එය වැලක්වීමට සමත් වෙන Thanos, Loki ව මරා දමනවා.

අපි දන්නවා Loki මිට කලින් කීප වතාවක්ම මිය ගියත් ඒ සියල්ලම ව්‍යාජ මරණයි වුනේ. එත් මෙතනදී Thanos ම කියනවා මේ පාර නැවත ඉපදීමක් නෑ කියලා.

Power Stone එකෙන් යානාව මුළුමනින්ම විනාශ කරමින් Space Stone පාවිච්චි කරමින් Thanos සහ Black Order කණ්ඩායම එතනින් පිටත් ව යනවා.

Thor: Ragnarok movie එකේ අවසානයේදී මේ යානාවේ හිටිය Valkyrie, Korg අපිට මෙහෙදී දකින්න ලැබුනේ නැ. ඒ ඔවුන් Asgardian පිරිසකුත් සමග Thanos පහර දෙන්න කලින් Asgardian Ship එකෙන් පිටත් වී ඇති නිසා.

Bifrost එක මගින් Hulk පෘතුවියට වැටෙනවා. ඒ New York Sanctum එක තුලට. New York Sanctum එකට කඩා වැටෙන Hulk, Banner ට පරිණාමනය වෙලා අනතුරු අගවනවා Strange සහ Wong හට Thanos එන බව.

Hulk මේ වැටෙන්නේ Thor අන්තිම වතාවට පෘතුවියට ආව වෙලාවේ Doctor Strange අවසානයට මුණ ගැසුණ ස්ථානයටයි. ඒ වගේම මේ හා සමාන කොමික් වලදීත් සිදුවීමක් වෙනවා ඒ Silver Surfer මේ විදියටම New York Sanctum එක තුලට කඩා වැටෙනවා ඒ මේ ආකාරයෙන්ම Thanos පෘථිවියට එන බව අනතුරු අගවන්න.

​

 

[choppe]

Tony Stark, Pepper Potts ට කියනවා දැකපු හීනයක් ගැන. Potts කියනවා ඒ හීනේ සැබෑ කරගන්න ඕනිනම් Iron Man ට සමුදෙන්න ඕනි කියල.

Tony මේ දකින හීනය තමන්ට දරුවෙක් ලැබෙන බව හීනයක්. ඒ වගේම ඔහුගේ නම Mogan බවත් කියනවා. කොමික් වලදී මේ Mogan Stark කියලා කෙනෙක් ඉන්නවා. ඒ හැබැයි Tony Stark ගේ ඥාති සහෝදරයෙක්. ඒ වගේම කොමික් වලදිනම් අපිට Tony Stark ගේ දරුවෙක් ගැන අහන්න නොලැබුනත්, MCU එකේනම් වැඩි කල් යන්න කලින් ඒ නිව්ස් එක අහන්න ලැබෙයි කියලා හිතනවා. මොකද Pepper Pottsගේ චරිතය කරන Gwyneth Paltrow සාකච්චාවකදී පොඩි hint එකක් දීලා තියෙනවා. Avengers 4 movie එක ස්පොයිලර් වෙන්න පුළුවන් නිසා ඒ ගැන මුකුත් කියන්නේ නැතුව ඉන්නම්.

මෙතනට එන Doctor Strange සහ Banner, Tony Stark ව කතා කරනවා උදව් ලබා ගැනීමට.

මෙතනදී අපිට දැනගන්න පුළුවන් Tony ගෙයි Potts ගේ විවිහය ගැන වැඩි ඈතක නෙවේ කියලා. ඒ වගේම Tonyට Banner හමුවෙන්නේ වසර 3කට පස්සේ.

Wong ඉදිරිපත් කරනවා Infinity Stones ගැන පැහැදිලි කිරීමක්

මේ Stones ගැන කලින් රිවිස් වලත් Avengers: Infinity War Preview එකෙත් කතා කල නිසා මෙතැනදී අයෙත් කතා කරන්න බලාපොරොත්තු වෙන්නේ නැ.

Banner කියනවා Tony ට Thanos ගැන ඒ වගේම දැනට Thanos සතුව Stones දෙකක් තිබෙන ඉතුරු Stones පසු පස Thanos පැමිණෙන බවටත් අනතුරු අගවනවාTony කියනවා මේ Thanos ට Stones හයම අවශ්‍යනම් විශ්වය ජිවත විනාශ කිරීමට එක් stone එකක් විනාශ කර දමමු කියල. Strange සහ Wong කැමති වෙන්නේ නෑ Time Stone එක විනාශ කිරීමට.

Banner කියනවා පෘතුවියේ තියන අනිත් stone එක Vision ගාව නිසා ඔහුව සොයාගත යුතු බව. Tony කියනවා සති දෙකක කාලයක් ඉදන් Vision ඉන්න තැනක් නොදන්නා බවත්. සමහරවිට Steve Rogers දන්නවා ඇති බවත්.Banner කියනවා Steve කතා කරන්න කියලත් එත් Avengers ලා වෙන් වෙලා ඉන්න බව Tony කියනවා. Tony,Steve කතා කරන්න phone එක අතට ගන්නවා.

Banner අවරුදු 3ක් Sarkar වල සිටිය නිසා Captain America: Civil War movie එකේ වුණා සිදුවීම් කිසි දෙයක් දන්නේ නෑ. Tony මෙතන අතට ගන්න phone එක මතක ඇති Civil War movie අවසානයේ Steve, Tony ට ලියුමත් එක්ක එවන phone එක. ඉතින් මේ phone එක Tony යන එන හැම තැනම වගේ අරන් ගිහින් තියෙනවා.උදේට ව්‍යායාම් කරන තැනට පවා. මොකද Steve ඕනෑම වෙලාවක උදව්වට ඉන්නවා කියල තියන නිසා.

නමුත් ඇමතුම ගන්න කලින් එන ශබ්දයක් නිසා Tony සහ පිරිස එලියට යනවා. Thanos ගේ Q-Ship එකක් New York Sanctum ලගට ඇවිත්.

පාසලේ චාරිකාවක් යන Peter Parker දකිනවා මේ Q-Ship එක. Ned බස් රථයේ අයගේ අවධානය වෙනස් කර Peter බස් එකෙන් පැන ගන්නවා.

spider senses. කොමික් වලදී බහුලව දැක්කත් Spider Man අපිට කලින් movie දෙකකම හමුවෙලත් spider senses MCU එකේදී අපි දකින පලවෙනි අවතාවක මේක. spider senses කියන්නේ Spidey ට තියන එක පවර් එකක්. මොන හරි විපතක් ලග වෙනකොට Spidey දැනෙම හැගීම. මෙතනදී අපිට දකින්න පුළුවන් Stan Lee ගේ cameo එක බස් driver (Watcher Informant) විදියට.

Q-Ship එකෙන් Ebony Maw සහ Cull Obsidian එනවා Time stone එක වෙනුවෙන්.

Cull Obsidian කොමික් වලදී අපිට හම්බවෙන්නේ Black Dwarf නමින්. Black Order කණ්ඩායමේ ශක්තිමත්ම සමාජිකයි. Cull Obsidian නමින් කොමික් වලදී චරිතයක් එන්නේ නෑ. ඒ නම පාවිච්චි වෙන්නේ Black Order නම වෙනුවට යොදා ගන්න නමක් විදියටයි.

Cull Obsidian ඉදිරියට ආවත් Banner ට හැකි වෙන්නේ නෑ Hulk බවට පරිණාමනය වෙන්න.

Banner ට ඇයි Hulk ට පරිණාමය වෙන්න කියලා තව හරි හේතුවක් සදහන් වෙන්නේ නෑ. එත් Avengers: Age of Ultron අවසානයේ Hulk තේරුම්ගන්නවා තමාට පෘතුවිය සුදුසු නෑ කියලා. ඒවගේම Sarkar වලදී Hulk ට එහෙදි Sarkar වැසියන්ගෙන් ලැබුණු ප්‍රතිචාරත් එක්ක බලද්දී Hulk පෘතුවියට කැමති නැති බවයි පෙන්නේ.

Tony සුදානම් වෙනවා Cull Obsidian සමග සටනට Iron Man Armor එක සමගින්.

Mark 50 Armor, නැනෝ තාක්ෂණයෙන් නිර්මාණය වෙන මෙය Iron Man Armor එකේ 50 වැනි upgrade එකයි. මේ Armor මෙතෙක් නිර්මාණය වුණ Iron Man Armor අතරින් advanced ම Armor එකයි. අපි Iron Man ගේ Armor එකක් අන්තිමට දැක්කේ Spider-Man: Homecoming එකේදී. Mark 47 Armor එක වුණ එය 48 වෙනි Iron Man Armor එකක් ගැන අපිට අහන්න ලැබෙන්නේ නෑ මේ movie එක පුරාවටම. (49 වෙනි Iron Man Armor එක ඉස්සරහට Wakanda වලදී දකින්න පුළුවන්.)කොමික් වලදී මේ විදියට නිර්මාණය වෙන Iron Man Armor එක හැදින්වුනේ Bleeding Edge Armor ලෙසයි. අපි දැක්ක Black Panther ගේ අලුත් Panther Habit එකත් මේ විදියටමයි suit up වෙන්නේ.

Cull Obsidian සහ Iron Man අතර සටනක් ඇති වෙන අතර Strange, Wong සහ Ebony Maw අතර සටනක් ඇති වෙනවා.

මේ අතර Banner නැවත වරක් Hulk වෙන්න උත්සහ කරත් සාර්ථක වෙන්නේ. Cull Obsidian සහ Iron Man සටන අතරට Spider Man පැමිණෙනවා.

Ebony Maw, Strange ගේ Eye of Agamotto ගලවා ගැනීමට උත්සහ කරත් එය සාර්ථක වෙන්නේ නෑ. Strange කියන්නේ මන්තරය කඩන්නේ නැතුව stone එක ගැනීමට නොහැකි බවයි. Ebony Maw, Strange රැගෙන යාමට සුදානම් වෙනවා

Iron Man, Spidey ට කියනවා Strange ව අල්ලා ගන්න කියලා. එත් Ebony Maw, Strange සහ Spidey සමගම යානාවට යනවා.

Cull Obsidian ව ද්වාරයකින් වෙනත් ස්ථානයකට යැවීමට Wong ට හැකි වෙන අතර Iron Man පිටත් වෙනවා Q-Ship එකට යාමට.

Armor එකේ අපි කලින් නොදැක්ක Armor Speed up කරන අලුත් upgarde එකක් අපිට දකින්න පුළුවන් වෙනවා මෙතැනදී.

ඉහලට යන Q-Ship එක තුලට Strange ව Ebony Maw ඇතුලත් කර ගන්න අතර Q-Ship එක පිටත ඉන්න Spidey ට ඉහල වායුගෝලයේ ඔක්සිජන් නොමැති වීම නිසා ඇදගෙන වැටෙනවා.

Iron Man විසින් New Avengers Facility වලින් මුදා හරින Armor එකක් Spidey ට සවි වෙනවා.

Iron Spider Armor. Tony Stark විසින් නිර්මාණය කරලා තියන මේ Armor එක අපි දැක්කා Spider-Man: Homecoming එකේදී. එත් මේ Armor එක ඉස්සෙලම Spidey භාවිත කරන්නේ මේ අවස්ථාවේදී. කලින් Spider-Man movies වලදී අපිට දකින්න ලැබුනේ නෑ මේ suit එක මොකද sony සමාගමට tony සම්බන්ධ කරගන්න අවසර තිබුනේ නැති නිසා. ඉතින් MCU එකට ආව Spidey ට කොමික් වලදී වගේම සුපුරුදු upgrade advanced suit භාවිතා කරන්න අවස්ථාව හමබවෙනවා. බොහෝ විට මේ suit එකත් නැනෝ තාක්ෂණයෙන් නිර්මාණය වුණා එක්ක වෙන්න පුළුවන්. ඒ ගැනනම් සදහනක් වුනේ නෑ. ඒ වගේම අපි කලින් කතා කල Iron Man Armor එකේ Mark 48 එක මේ Armor වෙන්නත් පුළුවන්. Tony මේ Armor එක හැදින් වුයේ Item 17A, විදියට. සමහර විට 17 කියන්නේ Peter ගේ වයසත් A යනු Avengers ලෙසත් හැදින්වෙන්න පුළුවන්. හැබැයි මේ කිසි දෙයක් තවම තහවුරු වෙලා නෑ. ඒවා කියන්නේ මේ මම.අපි දන්නවා කලින් Spidey ගේ suit එකේ (Tony ලබා දුන්න පසුව Peter එහි admin access ලබා ගත්ත) මෙහෙයුම් පද්ධතිය හැදින් වුනේ Karen විදියට. මේ Iron Spider Armorඑකේත් මෙහෙයුම් පද්ධතිය තියෙන්නේ පුළුවන්. නමුත් movie එකෙදිනම් අපිට එක දැනගන්න ලැබුනේ නෑ. සමහරවිට Iron Man Armor දැනට භාවිතා වන F.R.I.D.A.Y. මෙහෙයුම් පද්ධතිය ඇතුලත් කරලා තියෙන්නත් පුළුවන්. මොකද අපි දැක්ක Tony ගේ අණින් F.R.I.D.A.Y. මෙහෙයුම් පද්ධතිය මේ Armor එක හසුරවනවා.

යානාව තුලට යන Iron Man හට Potts ගෙන් ඇමතුමක් ලැබුනත් එය මගදී විසන්ධි වී යනවා

Iron Man විසින් Spidey ව නැවත පෘතුවියට යැව්වත් යානාව මත රැදීමට Spidey සමත් වෙනවා. Q-Ship යානය අභ්‍යවකාශයට ගමන් කරනවා

Tony අතින් වැටුණු phone එක රැගෙන banner, Steve ට ඇමතුමක් ගන්නවා.

මෙතන අපිට දකින්න ලැබෙන Steveගේ number එක කව්රු හරි ලියාගෙන ඒකට dial කලොත් Steve ගේ voice record එක යන ආකාරයෙන් ඇසීමට මෙහි අධ්‍යක්ෂක වරුන් කටයුතු කලත් එයට නීතිමය ගැටළුවක් ආව නිසා එය ඉවත් කරන්න සිදු වෙලා තියෙනවා.

Space එකේදී Guardians of the Galaxy hole එකක් හරහා ගමන් කිරීමට සුදානම් වෙනවා.

Guardians of the Galaxy Vol.2 එකේ post credit scene එකේ දැක්ක teenage groot අපිට දකින්න පුළුවන් වෙනවා. අපි දන්නවා දැන් Groot ගේ කතා විලාශය හදුනාගන්න Peter ටත් පුළුවන්. Guardians of the Galaxy movie දෙකෙම් තිබුන Milano යානාව Guardians of the Galaxy Vol.2 movie එක අවසානය විනාශ වුණා නිසා ඔවුන් දැන් භාවිත කරන්නේ වෙනත් යානාවක්. මේ යානාවේ නම Benatar. අනිවාර්යෙන්ම මේ යානාවට නම දාල තියෙන්නේ Peter Quill. මේ නමින් 80 දශකයේ ගායිකාවක් සිටිය නිසා. Guardians of the Galaxy Vol.2 අවසනයේ Guardians of the Galaxy කණ්ඩායමට එකතු වුණ Kraglin අපිට මෙතනදී දකින්න ලැබෙන්නේ නෑ. Guardians of the Galaxy අධ්‍යක්ෂක James Gunn කියන විදියට Kraglin යම් කිසි වැදගත් දෙයක් සදහා මොවුන්ගෙන් වෙන් වෙලා ඉන්නේ කියල තිබුන. ඔහුව ඉදිරියේදී දකින්න පුළුවන් කියලයි කියන්නේ.

hole එක හරහා යන Guardians ලා දකිනවා විනාශ වුණ Asgard spaceship එක. ඔවුන්ට එහිදී Thor ව හමු වෙනවා.

Thor ව අවධි කරන Mantis, Thor කියනවා Guardians ලට Thanos ගැන. Gamora පැහැදිලි කරනවා Thanos හට Infinity Stones හයම ලැබුනොත් එක finger snap එකකින් විශ්වයේ භාගයක්ම විනාශ කල හැකි බව.

Thanos පරාජය කරන්න ආයුධයක් අවශ්‍ය කියන Thor ඒ සදහා Rocket සහ Groot සමග Benatar හි Space Pod එකකින් Nidavellir වලට පිටත් වෙන අතර Peter Quill, Gamora, Drax සහ Mantis Reality Stone එක ලබා ගැනීමට Knowhere වලට පිටත් වෙනවා.

Avengers වෙන් වීමෙන් පසු Vision සහ Wanda Maximoff, Scotland වල ජිවත් වෙනවා අලුත් ජිවිතයක් ආරම්භ කරමින්.

අපි දන්නවා Vision සහ Wanda ගේ අදර සම්බන්ධය සිවිල් වෝ සිදුවීම කාලයේදී ගොඩනැගුණා හරියට කොමික් වලදී වගේම. ඒ වගේම Vision දැන් සාමාන්‍ය මිනිස් සිරුරකට පරිණාමනය වීමේ හැකි යාවක්ද තියෙනවා. මීට කලින් Tony මේ ගැන Bruce ටත් කියනවා.

මොවුන් වීදියේ යනකොට දකිනවා නිව් යෝක් නගරයේ වුණ විපත ගැන පුවතක්. Vision ඔවුන්ගේ උදව්වට යාමට සුදානම් වෙනවත් සමග Proxima Midnight සහ Corvus Glaive පහර දෙන්න පටන් ගන්නවා.

Black Order කණ්ඩායමේ අනිත් සාමාජිකයන් දෙදෙනා තමයි Proxima Midnight සහ Corvus Glaive කියන්නේ. මොවුන් ද්දෙනත් Thanos හදාවඩා ගන්නේ තම දරුවන් විදියටයි. කොමික් වලදී අපිට මේ දෙදෙනා හමුවෙන්නේ අඹු සැමි යුවලක් විදියටයි.

Vision ගේ Mind Stone එක ගැලවීමට උතසහ කරන ඔවුන් Wanda සමග සටනක් ඇති වෙනවා.

Corvus Glaive සතුව මේ තියන Glaive එක ඔහුගේ ප්‍රධානම ආයුධයයි. මේ Glaive එකෙන් පුළුවන් වුණා Vision ගේ Vibranium සිරුර පවා සිදුරු කිරීමට. Vision ගේ Mind Stone එක ගැලවීමට තරම් හැකියාවක්ද මේ Glaive එකට තියෙනවා. මේ Glaive එක මගින් තමයි Thanos, Heimdall ව මරා දමන්නේත්.

මෙතනට උදව්ව්ට එන Steve Rogers, Black Widow, Falcon නිසා Proxima Midnight සහ Corvus Glaive එතනින් Q-Ship එකෙන් පලා යනවා.

අපි දැනටමත් දන්නවා Steve Rogers තව දුරටත් MCU එකෙක්දී Captain America නෙවේ කියලා. මේ ගැන Kevin Feige සාකච්චාවකදී කිව්වත් movie එක්දිනම් සදහනක් වුනේ නෑ. එත් Steve ගේ uniform එකේ Star එක නොමැති වීමෙන් අපිට හිතාගන්න පුළුවන් ඔහු දැන් Captain America නොවන බව. මීට තවත් හොද උදාහරණයක් තමා Steve මේ movie එක පුරාවටම Cap හෝ Captain කියලා කතා කරපු හැම වෙලාවටම හරි ප්‍රතිචරයක් දැක්වුයේ නෑ. ඒ වගේම Steve ගේ අලුත් code name එක Nomad කියලා කතාවක් ගියා movie එක එන්න කලින් ඉදන්ම. එත් ඒ ගැනත් movie එකෙක් කිසිම සදහනක් අපිට අහන්න ලැබුනේ නෑ.

තුවාල වුනු Vision සහ Wanda, New Avengers Facility වෙත රැගෙන යාමට Steve තීරණය කරනවා

Gamora ගේ කුඩා කාලයේ Gamora Thanos විසින් රැගෙන එනව Zen-Whoberi වලින්. මෙහිදී Thanos, Gamora ගේ දෙමව්පියන් ඇතුළු Zen-Whoberi වල විශාල පිරිසක් මරා දමනවා.

MCU එකේදී flashback කියන්නේ අලුත් දෙයක්නම් නෙවේ. හැබැයි වෙන movies වල අපි ගොඩක්ම දකින්නේ movie එක පටන් ගන්මෙදිමයි. මෙහිදී Zen-Whoberi වල භාගයක්ම ජනගහනය Thanos වසින් මර දමනවා. එත් Guardians of the Galaxy පලවෙනි movie එකේදී සදහන් වුණා Gamora, Zen-Whoberi වල අවසාන ජීවියා කියල. ඉතින් මේක පැහැදිලිවම retcon එකක් කියල මෙහි අධ්‍යක්ස්කවරුන් සනාථ කළා. මෙතන Thanos, Zen-Whoberi වලට attack කරන වෙලාවේ අපිට දකින්න පුළුවන් Q-Ship වලට අමතරව Thanos නිව් යෝක් සටනට යොදා ගත්ත Chitauri විශාල යානා සහ Chitauri හමුදාවත්.

Gamora, Quill ව කමති කරගන්නවා Thanos තමන්ව අල්ල ගත්තොත් තමා මරා දමන ලෙසට.

මොවුන් පැමිණෙනවා Knowhere වලට. ඔවුන් පැමිණෙන විටත් Thanos එතනට පැමිණ අවසන්.

Knowhere ගැන අපිට අහන්න ලැබුන Guardians of the Galaxy පළමු චිත්‍රපටයෙන්. ඒ මොවුන් වතාවක් Taneleer Tivan නැතිනම් Collector හමු වෙන්න අව අවස්ථාවේදී. ඒ වගේම Thor: The Dark World එකේදිත් අපිට දකින්න ලැබුන Asgardian ලා Reality Stone එක Collector හට භාර දෙන්න එන අවස්ථාවේදී.

මෙතනට කඩා පනින Gamora, Thanos ට පහර දීලා මරා දමනවා.

නමුත් දැනටමත් Reality Stone එක අත්කරගෙන ඉන්න Thanos මේ සියල්ල Reality Stone එකේ මායා බලයෙන් වෙනස් කරමින් එතනට විත් Gamora රැගෙන පිටත්ව යනවා.

Reality Stone එකෙන් මේ වගේ මායාවන් කරපු අවස්ථා අපි කලින් දැක්ක Thor: The Dark World movie එකේදී. ඒ Loki, Thor ගේ අත කපන අවස්ථාවක්. ඉතින් මේ stoneඑකේ බලයෙන් පුළුවන් යථාර්තය මායාවකට හරවන්න. Quill ගේ නැතිනම් Star-Lord ගේ Quad Blasters එකෙන් පෙන බෝල යන්නෙත්, Mantis, Drax ශරීරය කොටස් වලට වෙන් වෙන්නෙත් මේ නිසයි. මෙතනදී Collector, Thanos මැරුවද නැද්ද කියලා නම් සදහන් වුනේ නෑ. එ වගේම Thanos, Mantis හා Drax හට සිදු කල හා සමාන දෙයක් Nebula සහ Eros හට කොමික් වලදී සිදු කරනවා.

New Avengers Facility වෙත එන Steve හා කණ්ඩායම James Rhodes විසින් පිලිගන්නවා Thaddeus Ross අත්අඩංගුවට ගන්න අණ කරද්දීත්.

Steve, New Avengers Facility වලට එන්නේ සිවිල් වෝ සිදුවීම්න් පස්සේ පලවෙනි වතාවට. මෙතනදී Steve කියනවා Ross ට පෘථිවියට හිටය හොදම ආරක්ෂකයා නැති වුණා කියලා. Steve සහ Tony කොච්ච්ර ගහ මරා ගත්තත් ඔවුන්නොවුන් අතර තිබුන ගෞරවය තාමත් තියනවා අපිට දැනගන්න පුළුවන් මේකෙන්. ඒවගේම Steve දුන්න phone එක නිතරම Tony ලග තිබීමත් එකට තව උදාහරණයක්.

මෙතනට එන Bruce දැක්ක ගමන් Natasha ගේ මුනේ තවත් එලිය වැටෙනවා.

අපිට දැන ගන්න හම්බවෙනවා Clint සහ Scott මේතන නැත්තේ ඇයි කියලා. ඒ වගේම අවරුදු 3කින් එන Bruce දැන ගන්නවා දැන් පෘථිවියට අලුත් වීරයෝ දෙන්නෙකුත් ඉන්නවා කියලා (Ant-Man සහ Spider-Man)

Vision කියනවා Stone එක විනාශ කල යුතු බව. Bruce කියනවා Vision ට හානියක් වෙන්නේ නැතුව Stone එක ඉවත් කල හැකි බව. නමුත් එය ඔහුට කල නොහැකි බවත්. Steve කියනවා ඔහු මේ සදහා තැන දන්නවා බව.

Steve මේ කියන්නේ Wakanda ගැනයි කියලා ඊලග scene එක යන්නත් කලින් Black Panther බලපු ඕනෙම කෙන්ක්ට තේරෙන්න ඇති.
​

 

[choppe]

Wakanda වලදී T'Challa සහ Okoye, Bucky Barnes හට පිරිනමනවා vibranium අතක්.

පෙන විදියට Bucky, Winter Soldier Programme එකෙන් සම්පුර්ණයෙන් සුව වෙලා වගේ. එ වගේම T'Challa ගෙන් අපිට අහන්න ලැබෙනවා Bucky හට Wakanda වලදී යොදා ගන්න නම. White Wolf. මොවුන් දැනටමත් දන්නවා ලොකු සටනක් ඇති වීමට යන බව.

Q-Ship එකේදී Ebony නැවතත් Time Stone එක Strange ගෙන් ලබා ගැනීමට උත්සහ කරනවා.

Iron Man සහ Spider-Man, Cloak of Levitation එකත් සමග සැලසුමක් හදනවා Strange ව බේරා ගන්න.

මතක ඇති Spider-Man සිවිල් වෝ එකේදී Gaint-man ව බිම දන්නා යොදා ගත්ත සැලසුම් ගත්තේ star war චිත්‍රපටයෙන්. ඔව් මෙතනදීත් Alian චිත්‍රපටයෙන් තමයි Spidey මේ සැලසුම නිර්මාණය කරන්නේ

Q-Ship එකෙක් කුහරක් සදා Ebony එයින් පිටතට යව Strange ව බෙර ගැනීමට Iron Man සහ Spider-Man සමත් වෙනවා. අභ්‍යවකාශයට ඇතුල්වෙන Ebony ක්ෂණිකව මිය යනවා.

Strange ව බේරාගැනීමේදී Spidey ගේ Iron Spider Armor එකේ Spider legs දැක ගන්න පුළුවන් වෙනවා. කොමික් වලදී අපි දැක්ක Iron Spider legs එ ආකාරයෙන්ම Iron Spider Armor එකේදී නිර්මාණය වෙලා තියෙනවා.

පසුව Q-Ship එකත් සමග Titan වලට යාමට ඔවුන් තීරණය කරනවා. එ වගේම Spider-Man නිල වශයෙන් Avenger කෙනෙක් බවට පත් කරනවා.

Avenger සාමාජිකත්වය ගත්ත 12 වෙනි සමාජිකය තමයි Spider-Man.

Sanctuary එකේදී Nebula සිර කර අයගේ ජීවිතය ඇපයට තියාගෙන Thanos, Gamora ගෙන් දැන ගන්නවා Soul Stone එක තිබෙන ස්ථානය ගැන. එ Vormir වල

Soul Stone එක. MCU එකේදී Stones හයෙන් පහක්ම Infinity War එකට කලින් එලියට ආවත් Soul Stone එක ගැන කිසිම සදහන්ක දැක්වුණේ නෑ. ඉතින් මේ Stone එක තියන තැන ගැන මිලියන ගනිනින් fan theories එලියට ආවත් එ එක තියරි එකකින්වත් ලගකට්වත් එන්න ලැබුනේ නෑ මේ Stone එක තියන තැන ගැන. අඩුම ගානේ මේ Stone එක ගැන Gamora දැනගෙන ඉන්නවා කියලත්.
Gamora Quill හට කියන්නේ Thanos තමන්ව අල්ල ගත්තොත් තමන්ව මර දමන්න කියලා මෙන්න මේ හේතුව නිසයි.

Thor, Rocket සහ Groot Nidavellir වලට යාමේදී Thor කියනවා තමන්ගේ ජිවිත කතාව Rocket හට. Rocket මෙතනදී ලබා දෙනවා Thor හට කෘතීම ඇහක්.

මෙතනදී අපිට දැනගන්න පුළුවන් Thor ටත් Groot ගේ කතා විලාශය හදුනාගන්න පුළුවන් කියලා. එ වගේම මේ කෘතීම ඇහැ Rocket, Ravagers කණ්ඩායමේ කෙනෙක්ගෙන් හොරා ගත්ත ඇහැ කියලා හිතන් ඉන්නවනම් ඒක වැරදි. තව දෙයක් මෙතැනදී එලියට ආව. එ තමයි Thor ගේ වයස. මෙතෙක් කල් MCU එක්දි තෝර් ගේ වයස අනුමාන කල වයසක් තමයි දැන ගෙන හිටියේ. මෙතනදී Thor ම කියනවා තමන්ට අවරුදු 1500 ක් පමණ වන බව.

Nidavellir වලට එන මොවුන්ට එහිදී දකින්න ලැබෙනවා තරුව මිය ගිහින් වළලු සියල්ල අක්‍රිය වෙලා බව. එ වගේම Infinity Gauntlet එකේ ආකෘතිය දකින Thor එතනින් පිටත් වෙන්න සුදානම් වෙද්දීම Eitri පැමිණ පහර දෙන්න පටන් ගන්නවා. Thor ව හදුනා ගන්න Eitri පසුව Nidavellir වලට සිදු වුන දේ ගැන කියනවා.

Eitri මෙතනදී කියන්නේ Nidavellir සිටි 300 ක් දෙනාම Thanos ඝාතනය කළා කියල. හැම ලෝකයකම භාගයක් ජනගහනය මරා දමන Thanos මෙහි පමණක් සියලුම දෙන වගේ මරා Eitri ගේ ඇත දෙක කපා දමන්නේ Infinity Gauntlet එක පරාජය කිරීමට ආයුධයක් නිර්මාණය කර නොහැකි වෙන්නයි.

Thor ඉල්ලා සිටිනවා Eitri ගෙන් Thanos ව මරා දැමීමට අලුත් ආයුධයක් නිර්මාණය කර දෙන ලෙස.

මේ අතර Nebula Thanos ගේ ග්‍රහණයෙන් මිදී Mantis හට පණිවිඩයක් යවනවා Titan වලදී තමාව හමුවෙන ලෙස.

Deleted scene එකේදී මේ පණිවිඩය Mantis ඇතුළු Gardians ලට ලැබෙන ආකාරයක් තිබුනා.

Q-Ship කඩ වදිනවා Titan වලට. මෙතනට එන Guardians ලා මොවුනට පහර දෙන්න පටන් ගන්නවා.

මෙතැනදී ඔවුන් තෙරුන් ගන්නවා ඔවුන් සියල්ල Thanos සොයා පැමිණි අය බව.

මෙතනදී Drax විසින් කියන 'Why is Gamora' පිටපතේ සදහන් වුන දෙබසක් නොවේ. එය බැටිස්ට විසින් එ අවස්ථාවේ යොදා ගත්ත දෙබසක් කියලා සදහන් වෙලා තිබුන. එ වගේම මීට කලින් Q-Ship එකේදී Iron Man විසින් Spidey ට කියන 'Adult is Talking' line එකත් එ වගේ එකක්.

Eitri නිර්මාණය කරන්න යන්නේ දැවැන්තම ආයුධයයි. එයින් Bifrost එකක් පවා කදවන්න පුළුවන් කියලයි කියන්නේ. මේ ආයුධයේ නම තමයි Stormbreaker

Dwarven magic එකෙන් නිර්ණය කිරීමේදී Eitri මෙය Infinity Gauntlet එක පරාජය කිරීමට හැකි වෙන ලෙස නිර්මාණය කරලා තියෙනවා කියලා මෙහි තිර රචනය කල ඇය සදහන් කළා..
Stormbreaker අපිට කොමික් වලදිනම් හමුවෙන්නේ Thor ගේ ආයුධයක් විදියට නෙවේ. කොමික් වලදී මේ ආයුධය භාවිත කරන්නේ Beta Ray Bill. Odin මේ Stormbreaker එක Beta Ray Bill හට දෙන්නේ Thor හට Beta Ray Bill භාවිත කල Mjølnir නැවත ලබා ගැනීමට සිදු වූ නිසයි.

Titan වලදී Iron Man, Spider-Man, Star-Lord, Drax සහ Mantis Thanos හට පහර දෙන්න සැලසුමක් සාකච්චා කරනවා.

Time Stone එක යොදා ගෙන Strange දකිනවා අනාගතය විකල්ප විදි 14,000.605 ක්. එ වගේම Strange කියනවා ඉන් එකම එක අවස්ථාවක් පමණයි ඔවුන් ජය ගන්නේ කියලා.

Thanos, Vormir වලට පැමිණෙනවා Gamora සමග. එහිදී අපිට දකින්න පුළුවන් වෙනවා Red Skull ව.

Vormir ගැන මීට කලින් MCU එකේ කිසිම තැනක සදහන් වුනේ නෑ. එත් අපි හොදටම දන්නා කෙනෙක් Vormir වල ජිවත් වෙනවා. එ Red Skull. මතක ඇති Captain America පළමු චිත්රපයේදී Red Skull space stone එක හරහා teleport. එ teleport වුන තැන ගැන අපිට දැන ගන්න ලැබුනේ මෙතනදී. ඔහු stone keeper විදියටයි මෙහි ජිවත් වෙලා තියෙන්නේ.

Red Skull කියනවා Soul stone එක ලබා ගැනීමටනම් තමන් වඩාත්ම ආදරය කරන කෙනාගේ ජීවිතය බිලි දෙන්න සිදු වෙන බව.

එ අනුව Thanos තම දියණිය Gamora ව Soul stone එක වෙනුවෙන් බිලි දී stone එක ලබා ගන්නවා.

Wakanda වලට පැමිණෙන Steve ගේ කණ්ඩායම T'Challa විසින් පිලිගන්නවා. සම්පුර්නයෙන්ම සුව වූ Bucky සහ Steve මෙතනදී හමු වෙනවා.

Mind Stone එක නිරීක්ෂණය කරන Shuri කියන්නේ එය Vision ගේ සිරුරෙන් ඉවත් කල හැකි බවත් නමුත් එයට යාම කාලයක් ගත වෙන බව.

Q-Ship යානාවෙන් එන විශාල යානාවක් Wakanda වලට ඇතුළු වීමට යාමේදී Wakanda dome එකේ වැඩි විනාශ වී යනවා. ඉන් අනෙක් යානා dome එකෙන් පිටට පතිත වෙනවා.

T'Challa සුදානම් වෙනවා සටන් කිරීමට. එ වගේම Steve හට නව shield එකක් හිමි වෙනවා. Steve, Wanda හට අණ කරනවා stone එක ගලවූ විගස විනාශ ක දමන ලෙස

දන්නවනේ Steve ගේ shield එකට මොකද වුනේ කියලා එ වෙනුවට vibranium shield එකක් තමයි මේ ලැබෙන්නේ. ඒවගේම Thor ට අහිමි වූ Mjølnir එක වෙනුවට ලැබෙන Stormbreaker එකත් හිමි වන්නේ එකම අවස්ථාවක වගේ.

මිය ගිය තරුව ක්‍රියාත්මක කර Thor සමත් වෙනවා එය නැවත යතා තත්වයට පත් කරන්න.

එ සමගම Eitri, Stormbreaker නිර්මාණය කරනවා. Groot විසින් එය සම්පුර්න කිරීමත් සමග Stormbreaker හි බලය ක්‍රියාත්මක වෙනවා.

Wakandain සියලු දෙන සුදානම් වෙනවා සටන සදහා එ වගේම අපිට දකින්න පුළුවන් Bruce ව Hulkbuster එක තුල. Proxima Midnight සහ Cull Obsidian පැමිණ පවසන්නේ Stone එක ලබගන්නකම් මැරෙනා තුරු සටන් කරනවා කියා.

යානා වලින් පිටට පැමිණෙන Outriders ලා dome එක හරහා එන්න පටන් ගන්නවා. එ සමගම ඔවුන් අතර සටන ඇති වෙනවා.

Outriders ල dome එක වටෙන් යාමට පටන් ගන්න නිසා T'Challa තීරණය කරනවා එක බාධකයක් open කිරීමට.

බාධකයක මගින් විශාල වශයෙන් එන Outriders සමග Wakandain සහ Avengers ල සටන් කරත් Outriders ප්‍රහාර ක්‍රමක්‍රමයෙන් වැඩි වෙනවා.

මේ අවස්ථාවේදීම Bifrost එක මගින් Stormbreaker එක සමග මෙතනට එන Thor ප්‍රහාර එල්ල කරන Outridersල මර්ධනය කරන්න සමත් වෙනවා.

මෙතනදී පලවෙනි වතාවට අපිට දකින්න පුළුවන් Rocket සහ Groot පෘතුවියට පැමිණෙන අවස්ථාව. එ වගේම Thor මේ පෘතුවියට එන්නේ අවරුදු හතරකට පසුයි. හිත ගන්න පුලුවන්ද එ වෙලෙවේ Avengers ලට දැනුන හැගීම. තම පරණ ප්‍රබල සගයෙකු අලුත් hairstyle එකක්, අලුත් ප්‍රබල අයුධයකුත් ලේනෙකුයි ගසකුයි සමග තම උදව්වට කඩා පාත් වීම. අවසාන වශයෙන් Thor එල්ල කරන පහරෙන් අපිට දකින්න පුළුවන් Stormbreaker එක සමග තෝර් God of Thunder පවර්ස් යොදා ගන්නවා.

​

 

[choppe]

Titan වලට එන Thanos දකිනවා විනාශ වුන Q-Ship එක. Strange හට Thanos කියනවා තමන්ගේ ඉලක්කය ගැන.

Thanos සහ Titan වල සිටින Avengers, Guardians අතර සටනක් ඇති වෙනවා.

මේ සටන සදහා Nebula ද එකතු වෙනවා.

සියලු දෙනාගේ එකතුවෙන් Thanos ගේ Infinity Gauntlet එක ඉවත් කිරීමට සුදානම් වෙනවා.

නමුත් Thanos විසින් Gamora මරා දැමු බව දන ගත් පසු Quill අවේගශීලි වන නිසා ඔවුන්ට එය සම්පුර්ණ කිරීමට හැකි වෙන්නේ නෑ.

Thor පැමිණීමත් සමග Wakanda වල සටන තව දුරටත් ඇති වෙනවා.

Thor විසින් Groot ව Steve ට හදුන්වලා දෙද්දී ඔහුව හදුන්වන්නේ "I'm Steve Rogers" කියලයි. මේ තමයි පලවෙනි අවස්ථාව Steve තමා Captain America වූ පසු තම නමින්ම තමා හැදින්වූ. මිට පෙර හැම අවස්ථාවේම ඔහු සදහන් කලේI'm Captain America ලෙසයි. එයින් කියන්නේ ඔහු Captain America නාමය සම්පුරන්යෙන්ම ඉවත් කරගෙන කියලයි. කොමික් වලදී සිදුවුණ සිදුවීමක් අපිට මෙතනදී දකින්න පුළුවන් වෙනවා එ තමයි Black Panther විසින් Cull Obsidian එල්ල කල පහර

සටන දරුණු අතට හැරෙමින් පවතින නිසා Wanda තීරණය කරනවා පහලට ගොස් සටන් කිරීමට.

පසුව Proxima , Glaive ව යොමු කරනවා Vision ට පහර දීමට. Shuri එය වලක්වන්න හැදුවත් සාර්ථක වෙන්නේ නෑ. Glaive සහ Vision පහලට ඇදන් වැටෙනවා.

Vision ගේ උදව්වට Hulkbuster පැමිණෙන අතර Cull සමග සටනක් ඇති වෙනවා. Bruce නැවතත් Hulk ගෙන් උදව් ඉල්ලුවත් Hulk ඊට කැමති වෙන්නේ නෑ.

කලින් කතා කළා වගේ Hulk මේ විදියට නොපමින්මට හේතුවක් නිල වශයෙන්නම් තවමත් සදහන් වෙන්නේ නෑ. තියරිස් නම් ගොඩක් තියෙනවා. ඊට සමානම හේතුව කියන්නේ Hulk තව දුරටත් Bruce වෙනුවෙන් පෙනී සිටීමට අකමැති බවයි. කොහොම නමුත් මිට හේතුව අපිට මීලග Avengers movie එකේදී දන ගන්න ලැබේවි.
මෙතන අපිට දකින්න පුළුවන් Hulkbuster එකේ වම් ඇත ගැලවී යාමක්. අපි දැනටමත් දන්නවා MCU පුරාවට මේ වගේ අත කදින් වෙන් වුන සිදුවීම් කීපයක්ම තිබුණු බව. එ ගැන අපි සිවිල් වෝ රිවිව් එකෙත් විස්තරාත්මකව කතා කරලා තියෙනවා.

වෙන් වුන අතම උපයෝගී කරගෙන Hulkbuster හට හැකි වෙනවා Cull ව මරා දැමීමට.

මේ අතර Vision ගේ උදව්වට පැමිණෙන Steve, Glaive අතර සටනක් ඇති වෙනවා.

Black Widow, Okoye සහ Proxima අතර සටනින් පසු Wanda විසින් Proxima ව මරා දමනවා

Glaive ව මරා දැමීමට Vision සමත් වෙනවා.

Titan වලදී Thanos සහ Strange අතර සටනක් ඇති වෙනවා. Thanos දන ගන්නවා Strange Time Stone එක පාවිච්චි නොකර සටන් කරන බව.


මෙතනදී Strange නිර්මාණය කරන දෘශ්‍ය මන්ත්‍රය එකෙන් Thanos දෘශ්‍ය මන්ත්‍රය බිද දැමීමට Power Stone එකද නියම Strange හදුනා ගැනීමට Soul stone එකද පාවිච්චි කරනවා.
Thanos මේ වගේ කීප සැරයක්ම එ එ අවස්ථා සදහා එ එ stone එක පාවිච්චි කළා. නමුත් මේ අවතව තමයි ඉතාමත් හොදින් කැපිලා පෙනුනේ.

මෙතනට එන Iron Man සහ Thanos අතරත් සටනක් ඇති වෙනවා.

මේ සටනින් Thanos Iron Man මරා දැමීමට සුදානම් වුනත් Strange ඔහුගේ ජීවිතය වෙනුවෙන් Time Stone එක ලබා දෙනවා.


Strange මුලදී කිව්වා Stone එක වෙනුවෙන් Iron Man හෝ Spidey දෙන්නගෙන් ඕනෙම කෙනෙක් බේරාගැනීමට තමන් සුදානම් නැති බව. නමුත් අනාගතය දැකීමෙන් පසු Strange, Iron Man ගේ ජීවිතය වෙනුවෙන් stone එක හුවමාරු කරනවා. මේකේ හරි සිදුවීම හරියටම තේරුම් ගන්න අමාරුයි. අපිට දැනට හිතන්න තියෙන්නේ Strange දැක්ක එ Thanos පරාජය කරන අවස්ථාවට Iron Man සිටියම යුතු කෙනෙක් කියලා.

Stone එක ලබා ගත් Thanos අවසාන stone එක වෙනුවෙන් පෘතුවියට පිටත් ව යනවා.

Thor විසින් Q-Ship එකේ යාන සියල්ල විනාශ කරන්න පටන් ගන්නවා.

Mind Stone එක වෙනුවෙන් එන Thanos Avengers ල සියල්ල මර්ධනය කර Vision වෙත පැමිණියත් ඊට පෙර Wanada විසින් Vision සමගම Stone එක විනාශ කර දමනවා

Thanos Time Stone එක භාවිත කරමින් කාලය ආපස්සට හරවා Vision ගෙන් Mind stone එක ලබා ගන්නවා.

මේ හා සමාන සිදුවීමක් Infinity Gauntlet කොමික් එකේදී සිදුවුණා එ Thanos එහිදී Vision මරා දැමු විදිය

Stones හයම Infinity Gauntlet එකට යොදා ගත් Thanos හට Thor ප්‍රහාරයක් එල්ල කරනවා

කලින් සදහන් කල Stormbreaker එක Infinity Gauntlet එක පරාජය කිරීමේ හැකියාවක් තියනවා කියපු එක සනාථ වෙනවා මේ අවස්ථාවෙන්. Thanos Stones හයම යොදාගෙන Infinity Gauntlet එකෙන් ප්‍රහාරයක් එල්ල කලත් Thor ගේ පවර් එකත් සමග Stormbreaker එකට හැකි වෙනවා Thanos ගේ පපුවටම පහර එල්ල කරන්න.

Thor මෙතැනදී Thanos ට කියනවා 'You Dying for that'.

එ Thor මිට පෙර අවසානයට Thanos ට මිට පෙර හමුවුන අවස්ථාවේ අවසානයට කිව්වා line එකමයි. Thor එ දේ කිව්වේ ඔහුගේ හොදම යාළුවා Heimdall, Thanos විසින් මරා දැමු පසුවයි. එ වගේම Thor මේ දේ Thanos ට කියන්න අවශ වුන නිසයි හිසට එල්ල නොකර පපුවට එල්ල කර තිබෙන්නේ කියලයි Russo අයියලා කියන්නේ.

නමුත් Thanos විසින් මේ අවස්ථාවේදී Infinity Gauntlet මගින් finger snap එක සිදු කරනවා.

ඔව් කොමික් වල විදියටම

Snap එකත් සමග Thanos, Soulworld එකට පිවිසෙනවා. එහිදී ඔහුට කුඩා Gamora හමු වන අතර ඇයට පවසනවා තමා එ දේ කල බව.

කොමික් වලදී අපිට හමු වෙන Goddess එ වගේම Magus අපිඅට හමු වෙන්නේ මෙන්න මේ Soulworld එකේදී. හැබැයි ඔවුන් ගැනනම් නම් MCU එකේදී සදහන් වුනේ නෑ. කොමික් වලදිනම් Soulworld කියලා හදුවන්නේ Soul gem එක තුල තියන dimension එකක්. ඉතින් MCU එකෙත් මේ විදියට මේ Soulworld එක තියෙන්නේ Soul Stone එකේ කියලා තමයි කියන්නේ. ඉතින් මේ Soulworld එකේ Gamora ජිවත් වෙනවා කියලා කියන්නනම් දන්නේ නෑ. මොකද එ ගැන කව්රුත් confirm කරලා නැති නිසා. එ මේ Soulworld එක අපි කලින් Doctor Strange රිවිව් එකේ කතා කල MCU එකේ Multiverse වලට අයත් වෙන Dimension එකක්.

Snap එකෙන් පසු Bucky, Wakanda හමුදාවෙන් භාගයක්, T'Challa, Groot, Scarlet Witch සහ Sam Wilson මිය යනවා.

groot මිය යන්න පෙර I'm Groot' කියා අවසාන වශයෙන් Rocket හට කියන්නේ Dad කියලා සදහන් කරලා තියෙනවා

එ වගේම Titan වලදී Mantis, Drax, Star-Lord, Doctor Strange සහ Spidey මිය යනවා.

Strange මෙතනදී කියනවා Tony හට "no other way" කියලා. මොකද අනාගත දකින Strange මේ විදියට සිදු වියයුතු බව දන්නා නිසයි. එ වගේම අනෙක් අය මිය යනවට වඩා Spidey වැඩි කාලයක් සිටියේ Spider senses නිසයි.

තම කාර්ය සාර්ථකව නිම කල Thanos, Titan වල හිරු එලිය විදිමින් සිටිනවා.

Thanos අවශ්‍ය වුනේ Universe එකෙන් භාගයක් මරා දමා විශ්වය සමබර කිරීමට පමණයි. ඔහු අනවශ්‍ය විදියට කිසිම Avenger කෙනෙක් හෝ Guardians කෙනෙක් මරා දැමුවේ නෑ. එ වගේම ඔහු Stone ලබා ගැනීමට ජිවිත ඇපයට ගත්ත අවස්ථා අපි දැක්ක. ඔහු එ සෑම අවස්ථාවම ඔහුගේ වචනය ආරක්ෂා කළා. මුලින්ම space stone එක වෙනුවෙන් Thor ගේ ජීවිතය. පසුව Soul stone එක වෙනුවෙන් Nebula ගේ ජීවිතය සහ අවසාන වශයෙන් Time stone එක වෙනුවෙන් Tony ගේ ජීවිතය. මේ හැම අවස්ථාවම ඔහු stone එක ලබා ගත් පසු ඔවුන්ගේ ජිවිත විනාශ කලේ නෑ. ඒ විතරක් නෙවේ මේ ජිවිත snap එකෙන් පවා ඉතුරු වුනා. ගොඩක් දෙනෙක්ගේ මතයක් තියෙනවා Thanos did nothing wrong කියලා.
කොමික් වලදීත් අපිට මේ වගේ දර්ශනයක් දකින්න පුළුවන් එ Thanos අවසානයේ මේ වගේම ස්ථානයක ගොවිතැන් කරන අවස්ථාවක්..
සුපුරුදු විදියට කලින් Avengers චිත්‍රපට දෙක වගේම මේ Avengers චිත්‍රපටත් නිම වෙන්නේ Thanos ගේ දර්ශනයකින්. චිතරපටයේ නම Avengers වුනාට කතාව සම්පුර්ණයෙන්ම ගෙතුනේ Thanos වටයි. වැඩිය runtime එකත් තියෙන්නේ මේ චිතරපටයේ Thanos ගෙයි. එ විතරක් නෙවේ සාමාන්යෙන් MCU චිතරපටය අවසානයේ ඔවුන් යොදහන්න will return titile එකටත් මෙවර යොදා තියෙන්නේ Thanos will return කියයි.
​

 

[choppe]

Nick Fury සහ Maria Hill, Wakanda සටන ගැන කතා කර යන විට දකිනවා මිනිසුන් වාෂ්ප වී යනවා. එ වගේම Maria ත්.

මෙතනදී Clint ගැන සදහන් ව්මක් වෙනවා. අපි දන්නවා Clint තමයි එකම Avenger මේ Avenger චිතරපටයේ හිටිය නැති. ඉතින් Russo bros ලා නම් කිව්වේ Clint වෙනම විශේෂ මෙහෙයුමකට සමබන්ධ වෙලා කියලා. අපිට එ ගැන හරියටම දන ගන්න පුළුවන් Avengers 4 එකෙන්.

සිදුවන දේ තේරුම් ගත්ත Fury දිව ඇවිත් pager එකින් පණිවිඩයක් යවනවත් සමග Furyත් මිය යනවා. මේ pager එකේ තිරයේ දිස්වන්නේ Captain Marvel ගේ symbol එකයි.

MCU එක පුරාවට තිබුන හොදම post credit scene එකක් කියලා කියන්න පුළුවන් මොකද මේ MCU එකට පැමිණෙන්න යන බලවත්ම චරිතයේ teaser එක නිසා. දැනටමත් අපි දන්නවා Fury සහ Captain Marvel දෙදෙනා හොදින් හදුනන අය බව. මේ දේ ගැන වැඩිය කතා කරන්න යන්නේ නෑ මොකද ඊළගට එන්න තියන Captain Marvel movie එක spoiler වෙන්න පුළුවන් නිසා.

Infinity War මුළු කතාවම ගලාගෙන ගියේ දවස් දෙකක් වගේ අඩු කාලයක. හැබැයි අසාවන් වුනේ හැම කෙනෙක්ටම ප්‍රෂනර්තයක් ඉතුරු කරමින්. අපි අනිත් movie වලින් දැක්ක superheros ලා villain පරාජය කර ලෝකය බේරා ගන්න අවස්ථාවක් මෙහි සිදු වුනේ නෑ. Timeline එක ගැන කිව්වොත් Russo Bros පැහැදිලිවම සදහන් කලා මෙය Avengers පළමු චිත්‍රපටය එහෙමත් නැත්නම් Newyork Battle එකෙන් අවරුදු 6කට පසු සිදු වූ සිදුවීමක් කියලා. Marvel Cinematic Universe වල දැවැන්තම එ වගේම අති සාර්ථක වුන චිත්‍රපටය කියල කිසිම බයක් නැතිව කියන්න පුළුවන්. 10/10 රේටින්ග් එකක් නොදුන්නොත් අසාදාරනයක් වෙන්න පුළුවන්. Avengers: Infinity War කොටස් දෙකකට නිර්මාණය වෙන්න සැලසුම් කරලා තිබුනත් පසුව එය එක කොටසකට සිමා වුන අනෙක් Avengers චිත්‍රපටය තියෙන්නේ වෙනමම title එකක්. ඒක මේ වෙනකම්ම සදහන් කරලා නෑ. ඉතින් ඒක Russo කියන විදියට වෙනස්ම චිත්‍රපටයක් වෙයි කියලයි කියන්නේ. කොමික් වලින් ගොඩක් ඈත් වුන එකක්. ගොඩ දෙනෙක්ට කුතුහලයක් තියෙනවා මේ මිය ගිය චරිත වලට මොකද වුනේ කියල. මොකද මේ මිය ගිය අයගෙත් ඉදිරියට චිත්‍රපට එන්න තියන නිසා. ඉතින් එ හැම දේටම උත්තරේ තමයි Avengers 4.ඉතින් අව්රුද්දකටත් අඩු කලකෙන් අපිට තවත් Avengers movie එකක් බලා ගන්න පුළුවන්. Avengers 4 ගැනත් කතා කරන්න ගොඩක් දේවල් තිබ්බත් ඒවා කතා නොකරන තරටම එහි රසවාදය movie එකෙන් ලබා ගන්න පුළුවන්. Ant-Man And The Wasp රිවිව් එකෙන් ඉකමනටම හමුවෙමු. *snap* ​

 

[sanjeewa2010]

BUMP....Rep Added

 

[vinura kithmal]

meka nam kiyawannama onee, film hall eke gihilla bluwath hariyata terune na
thanks ++

 

[Max_Knight]

Dan kiyawanna ganna ona patta. Rep+++ ​

 

[Executer]

පට්ට පට්ට

+45
​

 

[Max_Knight]

ඔක්කොම කියෙව්වා පට්ට මචෝ ​

මචන් Avengers: Infinity War චිත්‍රපටය ලොව පුර තිරගත වීම ආරම්භ වුනේ 2017 අප්‍රේල් 27 වනදායි. ඔන්න ඕකේ 2018 නේද වෙන්න ඕනේ මචෝ ​

සුපිරියි මචෝ දැන් ඉතින් කැප්ටන් මාවල් එනකම් ඉන්න වෙනවා ​

 

[shameera89]

ෆිල් එක තව පාරාක් බැලුව වගේ නියම රිවිව් එකක් වෙනද වගේම.. සුපරි

 

[Ashan052]

oye chospe

 

[sahanhj]

පට්ට චොප්පේ

 

[tclanki]

Superb

 

[Dasun Liyanage]

Pattai Choppe

 

[danlix]

patta rep +

 

[robinprr]

Snap

 

[thilina.rp]

finger snap එකෙන් පස්සේ මොකද්ද බන් අර එකපාටම වෙන දේ .... රේප්++ සුපිරියට ලියල තියනව මචෝ ...

 

[ryandok]

patta ++

 

[aamp]

Bump .... Meka parakkui ne *Snap*